ԱՄՆ Ֆլորիդա նահանգի հարավում բռնկված հզոր անտառային հրդեհները վերահսկողությունից դուրս են եկել՝ ընդգրկելով Էվերգլեյդս և Բիգ Սայփրես արգելոցների հսկայական տարածքները։
Կրակն արդեն լափել է շուրջ 100-140 քառակուսի կիլոմետր անտառածածկ տարածք, իսկ թանձր ծուխն ու կրակի գծերը տեսանելի են նույնիսկ տիեզերքից։ Չոր եղանակն ու ուժգին քամիները էլ ավելի են բարդացնում հրշեջ ավիացիայի և ցամաքային ստորաբաժանումների աշխատանքը, մինչդեռ բոցերը վտանգավոր կերպով մոտենում են մայրուղիներին և բնակելի գոտիներին։