«Ուկրաինական քաղաքների ու խաղաղ բնակիչների ուղղությամբ անօդաչու թռչող սարքերով և հրթիռներով նոր զանգվածային հարված հասցնելով (որն ամենախոշորն էր վերջին չորս տարվա ընթացքում), Ռուսաստանն է՛լ ավելի է խորացնում իր ագրեսիան»։ Այս մասին X սոցիալական ցանցում գրել է Ֆրանսիայի նախագահ Էմանուել Մակրոնը։
«Սա բացահայտում է այն ողջ կեղծավորությունը, որով նա բանակցում էր վերջին մի քանի օրվա փխրուն զինադադարի շուրջ։
Ռմբակոծելով խաղաղ բնակիչներին՝ Ռուսաստանը ցույց է տալիս ոչ թե իր ուժը, այլ ավելի շուտ՝ թուլությունը. ռազմական ճակատում նրա լուծումները սպառվում են, և նա չգիտի, թե ինչպես վերջ տալ իր ագրեսիվ պատերազմին։
Ֆրանսիան սատարում է Ուկրաինային ու ուկրաինացի ժողովրդին և կշարունակի ջանքեր գործադրել՝ մարտական գործողությունների դադարեցումը և Ուկրաինայի համար արդար ու տևական խաղաղության հաստատումը ապահովելու համար, քանի որ դա կերաշխավորի Ուկրաինայի և ողջ Եվրոպայի անվտանգությունը»,- գրել է Ֆրանսիայի նախագահը։
En lançant une nouvelle frappe massive de drones et de missiles contre les villes et les civils ukrainiens – la plus importante de ces quatre dernières années -, la Russie aggrave un peu plus le forfait de son agression.
Elle donne à voir toute l’hypocrisie…
— Emmanuel Macron (@EmmanuelMacron) May 14, 2026