2026 թվականի մայիսի 17-ին՝ Մոսկվայի ժամանակով ժամը 04:21-ին, Շերեմետևո օդանավակայանի տարածքում ԱԹՍ-ի բեկորների անկում է արձանագրվել, հաղորդում է օդանավակայանի մամուլի ծառայությունը։
Հաղորդագրության համաձայն՝ բեկորները գտնվում են ուղևորների սպասարկման գոտիներից և օդանավերից անվտանգ հեռավորության վրա։
Դեպքի վայր են մեկնել օպերատիվ ծառայությունները, ապահովվել են անհրաժեշտ անվտանգության միջոցառումները։
«Օդանավակայանի շրջանում տուժածներ և ավերածություններ չկան։
Ուղևորային տերմինալներում իրավիճակը հանգիստ է։
Շերեմետևո օդանավակայանը շարունակում է ուղևորների և օդանավերի սպասարկումը կայուն ռեժիմով»,- նշվում է հաղորդագրության մեջ։