Россети ընկերությունը կարող է Ռուսաստանի հարավային շրջաններում կառուցել լրացուցիչ 100 ՄՎտ հզորությամբ էներգիայի կուտակման համակարգեր։
ՌԴ էներգետիկայի նախարարությունը քննարկում է ծրագրի ընդլայնումը․ ավելի վաղ հայտարարված էր, որ Կրասնոդարի երկրամասում նախատեսվում է կառուցել 250 ՄՎտ ընդհանուր հզորությամբ պահեստավորման համակարգեր, իսկ այժմ հնարավոր է դրանց ավելացվի ևս 100 ՄՎտ՝ մինչև 2027 թվականի ամառ։
ՌԴ էներգետիկայի փոխնախարար Եվգենի Գրաբչակի խոսքով՝ համակարգերը նախատեսված են բեռնվածության հավասարակշռման և էլեկտրամատակարարման հուսալիության բարձրացման համար՝ հատկապես ամառային պիկային սպառման շրջանում։
Նրա խոսքով՝ նախագծերը կիրականացվեն այն կառույցների միջոցով, որոնք արդեն ներգրավված են փորձնական ծրագրերում, և հիմնական դերակատար կարող է դառնալ հենց «Россети»-ն։
Ավելի վաղ ՌԴ էներգետիկայի նախարար Սերգեյ Ցիվիլևը հայտարարել էր, որ Կրասնոդարի երկրամասում 250 ՄՎտ կուտակիչները պետք է գործարկվեն մինչև ամառային սեզոնի մեկնարկը և կարժենան ավելի էժան, քան ավանդական գեներացիոն հզորությունների նոր շինարարությունը։
Նախարարությունը նաև կառավարություն է ուղարկել տարածաշրջանը սպասարկող ТГК‑2 ընկերության ֆինանսական կայունացման ծրագիրը։
Ավելի վաղ Газпром энергохолдингի ղեկավար Դենիս Ֆյոդորովը զգուշացրել էր, որ առանց նման ծրագրի ТГК-2-ին սպառնում է սնանկացում։
Ռուսաստանի հարավում էներգետիկ հզորությունների պակասը և ցանցային ենթակառուցվածքների սահմանափակումները կուտակվել են տարիների ընթացքում, սակայն առավել նկատելի են դարձել 2022 թվականից հետո։
Կրասնոդարի երկրամասը, Ղրիմը, Ռոստովի մարզը և հարակից շրջանները պարբերաբար բախվել են ռեկորդային սպառման, վթարային հոսանքափոխանցումների և սպառողների համար սահմանափակումների հետ։
Փորձագետները դա կապում են զբոսաշրջության աճի, օդորակիչների լայն կիրառման, ագրոբիզնեսի և լոգիստիկ ոլորտի զարգացման, ինչպես նաև էներգահոսքերի վերափոխման հետ։