Ադրբեջանի արտաքին գործերի նախարար Ջեյհուն Բայրամովը ՄԱԿ-ի Անվտանգության խորհրդի «Միջազգային խաղաղության և անվտանգության պահպանում. ՄԱԿ-ի կանոնադրության նպատակների ու սկզբունքների հարգում և ՄԱԿ-ամետ միջազգային համակարգի ամրապնդում» թեմայով բաց քննարկումների շրջանակում հանդիպել է կազմակերպության գլխավոր քարտուղար Անտոնիու Գուտերեշի հետ։ Այս մասին հայտնել են Ադրբեջանի ԱԳՆ մամուլի ծառայությունից։
Հանդիպման ընթացքում կողմերը քննարկել են Ադրբեջան-ՄԱԿ համագործակցության օրակարգային հարցերը, ինչպես նաև տարածաշրջանային իրավիճակը։