Ուկրաինան և Կանադան ամրապնդում են համագործակցությունը պաշտպանական արդյունաբերության ոլորտում: Կանադայում մեկնարկում է ուկրաինական անօդաչու թռչող սարքերի (ԱԹՍ) արտադրության նոր նախագիծ։
Ըստ Ուկրաինայի պաշտպանության նախարարության՝ նախագիծը նախատեսում է ուկրաինական հետախուզական անօդաչու թռչող սարքերի արտադրություն Կանադայում: Անօդաչու թռչող սարքերը կմատակարարվեն Ուկրաինայի պաշտպանության ուժերին։
Ուկրաինայի և Կանադայի պաշտպանության նախարարությունների ներկայացուցիչները ստորագրել են համապատասխան համաձայնագիրը։
Փաստաթուղթը նախատեսում է Airlogix-Sentinel նոր համատեղ ձեռնարկության ստեղծում, որը կմիավորի ուկրաինական Airlogix պաշտպանական տեխնոլոգիական ընկերությունը և կանադական Sentinel Research and Development ԱԹՍ արտադրող ընկերությունը: