Ֆիլիպինների հարավում 8.1 մագնիտուդ ուժգնությամբ երկրաշարժ է տեղի ունեցել։ Ինչպես հայտնել է երկրի ազգային ոստիկանությունը, երեք մարդ զոհվել է, ևս չորսը՝ վիրավորվել:
Հաղորդվում է, որ երկրաշարժի էպիկենտրոնը գտնվել է Գեներալ Սանտոս քաղաքից 51 կիլոմետր հյուսիս, որի բնակչությունը կազմում է մոտ 697 հազար մարդ։ Երկրաշարժի օջախը գտնվել է 10 կիլոմետր խորության վրա։ Տարածաշրջանում հայտարարվել է ցունամիի վտանգ։