Հայաստանի ընդդիմադիր դաշինքների և կուսակցությունների ներկայացուցիչները հայտնել են, որ Նիկոլ Փաշինյանի իշխող «Քաղաքացիական պայմանագիր» կուսակցության դեմ իրենց բոլոր բողոքներն ու դատական հայցերը մնացել են անպատասխան․ այսօր հայտարարել է ՌԴ պատգամավոր Ալեքսանդր Սավինը Երևանում ԱՊՀ դիտորդական առաքելության անդամների հրավիրած ասուլիսի ժամանակ։
Սավինը Հայաստանի խորհրդարանական ընտրությունների ԱՊՀ դիտորդական առաքելության անդամ է։ Իր աշխատանքի ընթացքում առաքելությունը հանդիպել է ընտրություններին մասնակցած բոլոր առաջատար կուսակցությունների և դաշինքների ներկայացուցիչների հետ։
«Մենք հանդիպել ենք տարբեր կուսակցությունների և դաշինքների ներկայացուցիչների հետ։ Բոլոր կուսակցություններն էլ ասում են, որ դեռևս ոչ մի պատասխան չեն ստացել իշխող կուսակցության կողմից թույլ տրված խախտումների վերաբերյալ իրենց ներկայացրած բոլոր հայցադիմումներին»,- ասել է նա։