«Իշխող ուժի նկատմամբ գաղտնալսումներ իրականացվե՞լ են, տևական ժամանակ է՝ խոսվում է, որ վարչական ռեսուրս է կիրառվում, ուղղորդումներ են»,- ճեպազրույցի ժամանակ լրագրողը հարց ուղղեց Հակակոռուպցիոն կոմիտեի նախագահ Արթուր Նահապետյանին։ «Վարչական ռեսուրսի հետ կապված գործառույթների իրականացումը չի մտնում ՀԿԿ-ի լիազորությունների մեջ»,- պատասխանեց Նահապետյանը և հավելեց․ «Ինչ վերաբերում է գաղտնալսումներին՝ մեր գաղտնալսումների հիմքն օպերատիվ աշխատակիցների կողմից ստացված օպերատիվ տվյալներն են, որ՝ այս կամ այն քաղաքացին, ուժը բաժանում է ընտրակաշառք, կամ որևէ քաղաքացի ստանում է ընտրակաշառք, այդ շրջանակներում է հիմքը սկսվում, որը հետագայում դառնում է գաղտնի միջոցառումներ»։