Լրագրող Կարինե Հարությունյանը ֆեյսբուքյան իր էջում գրում է․ «Շատ են խոսում ընդդիմության՝ մանդատներ վերցնել-չվերցնելու մասին։ Ոմանք պահանջում են չվերցնել, ոմանք նույնիսկ հոխորտում են և այլն։ Ու մասնավորապես «Ուժեղ Հայաստան»-ին են ուղղված էս հախուռն էմոցիաները, թե՝ մենք ձեզ ձայն չենք տվել խորհրդարանում ընդդիմություն աշխատելու համար։
Նարեկ Կարապետյան, ըստ իս՝ մանդատները վերցնել, գնալ խորհրդարան, բայց չմոռանալ փողոցային պայքարի մասին և խորհրդարանական պայքարը միշտ զուգորդել փողոցային գործողությունների հետ։ Այսինքն՝ աշխատել համակողմանի, երկու ճակատով, երբեք չմոռանալ այդ շուրջ 340 հազար ընտրողների մասին և նրանց միշտ օգնության կանչել հարցեր լուծելիս։
Մնացածը, կարծում եմ, այսրոպեական զգացմունքների ոլորտից է»։