ԱՄՆ Կենտրոնական հրամանատարությունը (CENTCOM) հայտարարել է, որ իրանական ուժերը փորձել են հարվածային մի քանի կամիկաձե-անօդաչուներով գրոհել Հորմուզի նեղուցով անցնող առևտրային նավերը։
Ինչպես նշվում է հրամանատարության «X» սոցիալական ցանցի էջում, ամերիկացի զինվորականները վերջին ժամերի ընթացքում ոչնչացրել են արձակված բոլոր դրոնները՝ թույլ չտալով, որ քաղաքացիական նավերը վնասվեն։
Iran launched multiple one-way attack drones in an attempt to strike commercial ships transiting the Strait of Hormuz. U.S. forces have downed all of them in recent hours as traffic flow through the strait continues unimpeded. The international trade corridor remains open for…
— U.S. Central Command (@CENTCOM) June 13, 2026
«Ամերիկյան ուժերը վերջին ժամերին խոցել են բոլոր անօդաչու թռչող սարքերը, իսկ նեղուցով երթևեկությունն ընթանում է առանց խոչընդոտների»,- ասված է CENTCOM-ի հայտարարության մեջ։
Հրամանատարությունից նաև ընդգծել են, որ միջազգային նավագնացության համար Հորմուզի նեղուցը բաց է մնում։
Հիշեցնենք, որ ավելի վաղ Իրանը բազմիցս հայտարարել էր, թե ամբողջությամբ վերահսկում է Հորմուզի նեղուցը։