Պակիստանի վարչապետ Շեհբազ Շարիֆը հայտարարել է, որ, իր ունեցած տեղեկություններով, ԱՄՆ-ն ու Իրանը համաձայնեցրել են խաղաղության պայմանագրի շրջանակային փաստաթուղթը։ Այս համաձայնագիրը պետք է վերջ դնի Մերձավոր Արևելքում արդեն ամիսներ շարունակվող հակամարտությանը, հաղորդում է Reuters-ը։
Ըստ Շարիֆի՝ փաստաթղթի վերջնական տեքստն արդեն պատրաստ է, և սպասվում է, որ կողմերն այն էլեկտրոնային եղանակով կվավերացնեն առաջիկա 24 ժամում։ Ըստ նույն աղբյուրի՝ հաջորդ շաբաթ կմեկնարկեն տեխնիկական բանակցությունները, որոնց նպատակն է հստակեցնել պայմանագրի դրույթների իրագործման մեխանիզմները։
Հայտարարության պահին Վաշինգտոնն ու Թեհրանը որևէ պաշտոնական հաստատում դեռ չեն տվել։