ՌԴ Օրյոլ քաղաքում շենքի վրա անօդաչու թռչող սարքի հարվածից մեկ մարդ զոհվել է, իսկ ինը հոգեբանական օգնություն է ստանում։
Այս մասին հայտարարել է Օրյոլի մարզպետ Անդրեյ Կլիչկովը։
«Այսօր երեկոյան Օրյոլում բնակելի շենքի վրա ուկրաինական անօդաչու թռչող սարքի հարվածի հետևանքով մարդիկ են տուժել։ Դժբախտաբար, մեկ հոգի զոհվել է, իսկ ինը անհրաժեշտ բժշկական և հոգեբանական օգնություն է ստանում», – գրել է Կլիչկովը Max հարթակում։
Մարզպետը հավելել է, որ վնասված բնակարանների բնակիչները տեղավորվել են քաղաքի հյուրանոցներում։
Կլիչկովը նշել է, որ իրավիճակը գտնվում է Ռուսաստանի ԱԻՆ և իրավապահ մարմինների վերահսկողության ներքո, իսկ հարձակման հետևանքների վերացման աշխատանքները շարունակվում են։