ԱՄՆ կենտրոնական հրամանատարությունը (CENTCOM) պաշտոնական հայտարարություն է տարածել, համաձայն որի՝ կանխվել է իրանական դրոշի ներքո նավարկող բեռնատար նավի հերթական փորձը՝ շրջանցելու ԱՄՆ-ի կողմից հաստատված ծովային շրջափակումը։
Հաղորդագրության համաձայն՝ միջադեպը տեղի է ունեցել երեկ, երբ Բանդար Աբաս նավահանգստից դուրս եկած նավը, անցնելով Հորմուզի նեղուցը, փորձել է շարունակել ընթացքը Իրանի ափամերձ գոտով։
Ամերիկյան կողմի հաղորդմամբ՝ USS Spruance (DDG 111) հրթիռակիր կործանիչին հաջողվել է վերահասցեագրել նավի ընթացքը, ինչից հետո իրանական բեռնատարը ստիպված է եղել շրջվել և ուղղություն վերցնել դեպի Իրան։ Սա արդեն տասներորդ նավն է, որը հետ է շրջվում երկուշաբթի օրվանից մեկնարկած ռազմական գործողությունների շրջանակում։
Զեկույցում հատուկ ընդգծվում է, որ շրջափակման սկզբից ի վեր ոչ մի նավի չի հաջողվել ճեղքել ամերիկյան ուժերի վերահսկողության գոտին։