ԱՄՆ ֆինանսների նախարարությունը հայտարարել է ժամանակավոր գլխավոր արտոնագիր տրամադրելու մասին, որը 60 օրով (մինչև օգոստոսի 21-ը) թույլատրում է իրանական նավթի և նավթամթերքի հետ կապված գործարքները։
Փաստաթուղթը թույլ է տալիս նավթի, ինչպես նաև նավթաքիմիական և նավթային ծագման արտադրանքի արդյունահանումը, փոխադրումն ու վաճառքը։
ԱՄՆ ֆինանսների նախարար Սքոթ Բեսենտը հայտարարել է, որ այս որոշումը կապված է Շվեյցարիայում ընթացող բանակցությունների հետ։ Նրա խոսքով՝ ձեռք բերված պայմանավորվածությունների շրջանակում Իրանը պարտավորվել է ապահովել Հորմուզի նեղուցով անխոչընդոտ տարանցումը և թույլատրել ԱԷՄԳ-ի տեսուչների մուտքը երկիր։
Գերատեսչությունից հստակեցրել են, որ արտոնագիրը կրում է ժամանակավոր բնույթ և ավելի ընդգրկուն համաձայնագրի շուրջ ընթացող բանակցային գործընթացի մի մասն է։