Դաունինգ սթրիթում՝ Մեծ Բրիտանիայի վարչապետի նստավայրում բնակվող Լարի կատուն արձագանքել է կառավարության ղեկավարի պաշտոնից Քիր Սթարմերի հեռանալուն՝ մեջբերելով Queen խմբի «Another One Bites the Dust» երգը։
X-ում «գլխավոր մկնորսի» էջում արված հրապարակման մեջ ասվում է. «Եվս մեկը ջախջախիչ պարտություն կրեց»։ Գրառմանը կցված է եղել Մեծ Բրիտանիայի վեց նախկին վարչապետների՝ Դեյվիդ Քեմերոնի, Թերեզա Մեյի, Բորիս Ջոնսոնի, Լիզ Թրասի, Ռիշի Սունակի և Քիր Սթարմերի լուսանկարը։ Նրանք բոլորը պաշտոնը լքել են 2011 թվականից ի վեր, այսինքն՝ այն ժամանակահատվածում, ինչ Լարի կատուն ապրում է նստավայրում։
Հունիսի 22-ին Քիր Սթարմերը հայտարարել է հրաժարական տալու որոշման մասին։ Ըստ նրա ժամանակացույցի՝ Լեյբորիստական կուսակցության առաջնորդի պաշտոնի համար թեկնածուների առաջադրումը կսկսվի հուլիսի 9-ին։ Նոր առաջնորդը պետք է ընտրվի մինչև խորհրդարանական ամառային արձակուրդի ավարտը՝ այսինքն մինչև սեպտեմբերի 1-ը։