Եվրամիության ընդլայնման հարցերով եվրահանձնակատար Մարտա Կոսը հայտարարել է, որ Թուրքիան առանցքային գործընկեր է Մերձավոր Արևելքի և Ասիայի հետ Եվրոպայի կապվածության ամրապնդման ու դիվերսիֆիկացման ջանքերում։
«Թուրքիան առանցքային գործընկեր է Մերձավոր Արևելքի և Ասիայի հետ Եվրոպայի կապվածության ամրապնդման ու դիվերսիֆիկացման մեր ջանքերում»,- գրել է նա X սոցիալական ցանցում։
Türkiye is a key partner in our efforts to strengthen and diversify Europe’s connectivity towards the Middle East and Asia.I was pleased to meet with Minister of Transport @a_uraloglu today for a first 🇹🇷🇪🇺 bilateral connectivity meeting.We agreed to step up our work on… pic.twitter.com/8CBONdRXgG
— Marta Kos (@MartaKosEU) June 23, 2026
Նա հայտնել է, որ կապվածության հարցերով առաջին երկկողմ հանդիպումն է անցկացրել Թուրքիայի տրանսպորտի նախարար Աբդուլքադիր Ուրալօղլուի հետ։
Նրա պնդմամբ՝ կողմերը պայմանավորվել են ակտիվացնել աշխատանքը կոնկրետ նախագծերի շուրջ, ներառյալ՝ Հալքալը-Քափըքուլե երկաթգիծը, որը միացնում է Ստամբուլը Բուլղարիայի սահմանին, ինչպես նաև Եվրոպական ներդրումային բանկի հետ համատեղ դիտարկել Ստամբուլի Հյուսիսային երկաթուղային անցման նախագծին աջակցելու հնարավորությունը։
Կոսն ընդգծել է, որ այդ նախագծերը պետք է բարելավեն մատակարարման շղթաները և կրճատեն առևտրի ժամանակն ու ծախսերը Եվրոպական միության, Թուրքիայի, Հարավային Կովկասի և Կենտրոնական Ասիայի միջև։