Իսրայելի վարչապետ Նեթանյահուն հայտարարել է, որ սատարում է արտգործնախարար Սաարի կողմից Հայոց ցեղասպանությունը ճանաչելու նախաձեռնությանը։
«Ես չեմ խուսափել ճանաչելուց և անկասկած աջակցում եմ դրան», – ասել է քաղաքական գործիչը մամուլի ասուլիսի ժամանակ:
Ավելի վաղ Իսրայելի արտաքին գործերի նախարարը հայտարարել էր, որ Օսմանյան կայսրության վերջին տարիներին հայ ժողովրդի դեմ իրականացված ցեղասպանության ճանաչումը և՛ բարոյական, և՛ պատմական պարտք է։