Երևանի քաղաքապետ Տիգրան Ավինյանն ընդունել է ՀՀ–ում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ալեքսանդրա Քոուլին:
Հանդիպման շրջանակում Երևանի քաղաքապետը դեսպանին է ներկայացրել նաև Երևանի քաղաքապետարանի նախաձեռնած ու արդեն իրականացվող կարևոր ծրագրերը, որոնք ուղղված են հասարակական տրանսպորտի արդիականացմանը, «խելացի քաղաքի» լուծումների ներդրմանը, ճանապարհային ենթակառուցվածքների բարելավմանը, քաղաքային կանաչապատման ծրագրերին, ինչպես նաև էներգաարդյունավետության և քաղաքային կայունության բարձրացման նախաձեռնություններին։