Մերձավոր Արևելքի հարցերով ԱՄՆ նախագահի հատուկ դեսպանորդներ Սթիվ Ուիթքոֆը և Ջարեդ Քուշները Քաթարում։Քաթարի արտաքին գործերի նախարարության խոսնակը հայտարարել է, որ ԱՄՆ ներկայացուցիչները գտնվում են մայրաքաղաք Դոհայում, բայց Իրանի հետ անմիջական բանակցություններ չեն վարելու։
Նրա խոսքով՝ Ուիթքոֆը և Քուշները կհանդիպեն միջնորդների հետ և կքննարկեն բանակցային գործընթացի զարգացումը։
Ներկայացուցիչը հավելել է, որ Իրանի սառեցված միջոցները, որոնք կազմում են 6 միլիարդ դոլար, դեռևս չեն վերադարձվել Թեհրանին։
ԱՄՆ նախագահ Դոնալդ Թրամփն ավելի վաղ հայտարարել էր, որ Իրանը «հանդիպում է խնդրել» անցյալ շաբաթ տեղի ունեցած հարվածներից հետո։
Իրանի Արտաքին գործերի նախարարությունը հերքում է ԱՄՆ-ի հետ որևէ նախատեսված հանդիպում, սակայն հայտարարում է, որ փորձագիտական պատվիրակություն կուղարկի Դոհա՝ իրանական սառեցված միջոցների ազատման հարցն առաջ տանելու համար։