Իսրայելի զինվորականները նոր հարվածներ են հասցրել Լիբանանի հարավին, հայտնել է բանակի մամուլի ծառայությունը։
Հարձակման են ենթարկվել շիական «Հեզբոլլահ» կազմակերպության առնվազն 10 ենթակառուցվածքային օբյեկտներ, հայտնել են բանակում։
Իսրայելական կողմի վարկածով՝ դա արվել է «ի պատասխան «Հեզբոլլահի» կողմից [հրադադարի] համաձայնագրի շարունակվող խախտումների և Հարավային Լիբանանի անվտանգության գոտում Իսրայելի պաշտպանության բանակի զինծառայողների դեմ հարձակումների»։
«Իսրայելի պաշտպանության բանակը կշարունակի միջոցներ ձեռնարկել իր զինծառայողներին և իսրայելցի խաղաղ բնակիչներին ուղղված ցանկացած սպառնալիք կանխելու համար», – նշվել է հայտարարությունում։