ԵՐԵՎԱՆ, 7 հուլիսի․/ԱՌԿԱ/․ Հայաստանի ֆոնդային բորսայում հուլիսի 7-ին տեղի է ունեցել ընդհանուր 70 մլրդ դրամ ծավալով պետական պարտատոմսերի տեղաբաշխման և մոտ 8 մլրդ դրամ ծավալով պետական պարտատոմսերի հետգնման աճուրդներ։
Դրանց թվում են, ինչպես հայտնել են բորսայի մամուլի ծառայությունից.
- AMGB1129A357 տարբերակիչ ծածկագրով և 11 տարի մարման ժամկետով պետական պարտատոմսեր։ Տեղաբաշխման ծավալը՝ 70 000 000 000 դրամ։ Միջին կշռված գնի եկամտաբերությունը՝ 8.6064%, տարեկան արժեկտրոնային եկամտաբերությունը՝ 9%:
2. AMGN60294276 տարբերակիչ ծածկագրով և 5 տարի մարման ժամկետով պետական պարտատոմսեր։ Հետգնման ծավալը՝ 1 1922 354 000 դրամ։ Միջին կշռված գնի եկամտաբերությունը՝ 6.7726%, հետգնված պարտատոմսերի տարեկան արժեկտրոնային եկամտաբերությունը՝ 9.4%:
3. AMGN36294277 տարբերակիչ ծածկագրով և 3 տարի մարման ժամկետով պետական պարտատոմսեր։ Հետգնման ծավալը՝ 6 000 000 000 դրամ։ Միջին կշռված գնի եկամտաբերությունը՝ 6.7009%, հետգնված պարտատոմսերի տարեկան արժեկտրոնային եկամտաբերությունը՝ 8.4%:
Պետական պարտատոմսերը հասանելի են ինչպես Հայաստանի ֆոնդային բորսայի առևտրային հարթակում, այնպես էլ՝ gp.minfin.am առցանց հարթակի միջոցով։
Հայաստանի ֆոնդային բորսայի մասին
AMX-ը Հայաստանում գործող միակ ֆոնդային բորսան է, որը հանդիսանում է նաև Հայաստանի կենտրոնական դեպոզիտարիայի միակ բաժնետերը: AMX խմբի առաքելությունն է նպաստել Հայաստանում բարենպաստ ներդրումային միջավայրի ձևավորմանը՝ առաջարկելով արդյունավետ լուծումներ ու ծառայություններ, այդ թվում՝ արժեթղթերի առևտրի, քլիրինգի, վերջնահաշվարկի և կենսաթոշակային համակարգի կառավարման ոլորտում: