Երևանի բնակարանային շուկայում գները շարունակում են աճել: Այդ մասին են վկայում Վիճակագրական կոմիտեի հրապարակած տվյալները հունվար-մայիս ամիսներին Հայաստանի Հանրապետության սոցիալ-տնտեսական վիճակը ներկայացնող փաստաթղթում։ Ըստ հրապարակած տվյալների, 2026 թվականի մայիսին մայրաքաղաքում բազմաբնակարան շենքերի բնակարանների 1 քառակուսի մետրի շուկայական միջին գինը գրեթե բոլոր վարչական շրջաններում գերազանցել է նախորդ տարվա նույն ժամանակահատվածի ցուցանիշը։
Ամենաթանկ վարչական շրջանը շարունակում է մնալ Կենտրոնը, որտեղ բնակարանի 1 քմ-ի միջին շուկայական գինը կազմել է 937 հազար դրամ։ Նախորդ տարվա մայիսին նույն ցուցանիշը եղել է 880,1 հազար դրամ, այսինքն՝ մեկ տարվա ընթացքում աճել է շուրջ 6,5 տոկոսով։ Երկրորդ ամենաթանկ վարչական շրջանը Արաբկիրն է՝ 691 հազար դրամ, որին հաջորդում են Նորք-Մարաշը՝ 561 հազար դրամ, Դավթաշենը՝ 547 հազար դրամ և Քանաքեռ-Զեյթունը՝ 521,7 հազար դրամ։
Ամենացածր գները շարունակում են գրանցվել Նուբարաշենում, որտեղ 1 քառակուսի մետրի միջին արժեքը կազմել է 263,9 հազար դրամ։
Երևանի վարչական շրջաններում բնակարանների 1 քառակուսի մետրի միջին շուկայական գների ամբողջական պատկերը ներկայացված է ստորև տեղադրված ինֆոգրաֆիկում։
https://flo.uri.sh/visualisation/29636437/embed
Top-news