Ըստ ամերիկյան իշխանությունների՝ ցանցը զբաղվել է իրանական նավթի արտահանմամբ, բեռնարկղերով փոխադրումներով ու հումքային ապրանքների առևտրով, ինչպես նաև օգնել է փոխադրել Եմենի հութիների «Անսար Ալլահ» շարժման հետ կապված ռուսական նավթամթերքներն ու բեռները:
Պատժամիջոցների տակ են հայտնվել ֆինանսիստներ, բեռնափոխադրող ընկերությունների ղեկավարներ, նավերի օպերատորներ ու կազմակերպություններ ԱՄԷ-ից, Սինգապուրից, Հոնկոնգից, Հնդկաստանից, Մարշալյան կղզիներից և այլ վայրերից:
ԱՄՆ ֆինանսների նախարար Սքոթ Բեսենթը հայտարարել է, որ Շամխանիի ցանցը Իրանի ֆինանսավորման հիմնական աղբյուրներից մեկն է, և նոր միջոցառումներն ուղղված են նրա ֆինանսական ենթակառուցվածքի ոչնչացմանը։
Ըստ ֆինանսների նախարարության` Շամխանիի ցանցի հետ կապված և ԱՄՆ պատժամիջոցների ենթարկված անձանց, ընկերությունների ու նավերի ընդհանուր թիվը գերազանցել է 200-ը։