Ուկրաինայի պաշտպանության նախարարը հայտնել է բալիստիկ հրթիռի փորձարկման մասին և հեռացել պաշտոնից

Միխայիլ Ֆյոդորովը հաստատել է, որ լքում է Ուկրաինայի պաշտպանության նախարարի պաշտոնը, հաղորդում է УНИАН լրատվական գործակալությունը։

Նա հրապարակել է գերատեսչության կատարած աշխատանքների ամփոփիչ զեկույցը և շնորհակալություն հայտնել իր թիմին, զինվորականներին ու գործընկերներին։

Որպես առանցքային ձեռքբերումներ՝ Ֆյոդորովը նշել է.

Անօդաչու թռչող սարքերի գնումների մասշտաբային ավելացումը,

• Անօդաչու համակարգերի ուժերի համար նոր ծրագրերի մեկնարկը,

• Patriot համակարգերի հրթիռների մատակարարման պայմանագրերի կնքումը,

• Gripen ինքնաթիռների ձեռքբերումը,

• Ուկրաինական բալիստիկ ծրագրի զարգացումը և միջազգային ռազմական աջակցության միջոցով տասնյակ միլիարդավոր դոլարների ներգրավումը։

Նա միաժամանակ հայտարարել է կառավարության հրաժարականի օրը (հուլիսի 14-ին) ուկրաինական նոր բալիստիկ հրթիռի հաջող փորձարկման մասին։ Ըստ նրա՝ նախագծի վրա աշխատելիս կատարելագործվել է տեխնիկական առաջադրանքը, զգալիորեն բարձրացվել է համալիրի ճշգրտությունը, իսկ արտադրության արժեքը կրճատվել է 30%-ով։