Առևտրային բանկի հետ կապված բոլոր անձանց գծով ռիսկի առավելագույն չափը՝ Ն4․2 նորմատիվը, ցույց է տալիս, թե բանկի սեփականատերերի, ղեկավարների և նրանց հետ կապված այլ անձանց նկատմամբ բանկի ունեցած ընդհանուր վարկային ռիսկը որքան տոկոս է կազմում բանկի ընդհանուր կապիտալից։
Ըստ սահմանված կարգի՝ բանկի հետ կապված բոլոր անձանց նկատմամբ միասնական ռիսկը չի կարող գերազանցել բանկի ընդհանուր կապիտալի 20%-ը։ Այս սահմանափակումը կանխում է, որ բանկի սեփականատերերը կամ ղեկավարները բանկի և ավանդատուների միջոցները մեծ չափով ուղղեն իրենց կամ իրենց հետ կապված ընկերությունների ֆինանսավորմանը։
Այն բանկերը, որոնց դեպքում փաստացի ցուցանիշն ավելի մոտ է 20%-ին, ունեն ավելի բարձր ռիսկի կենտրոնացվածություն՝ կապված անձանց նկատմամբ, և, հետևաբար, ավելի փոքր անվտանգության սահման՝ սահմանված առավելագույն շեմից։
1.15 տրիլիոն դոլար՝ բանակին․ ԱՄՆ-ում ընդունվել է ռազմական բյուջեի աղմկահարույց օրինագիծը
2026թ․ հունիսի վերջի դրությամբ ՀՀ առևտրային բանկերից և ոչ մեկի դեպքում չի արձանագրվել նորմատիվի խախտում, սակայն արձանագրվել են էական տարբերություններ․
- Հայէկոնոմբանկ — 13․07%, նվազում՝ 0․26 տոկոսային կետով (2025թ․ հունիսի վերջի համեմատ)։
- ԱրարատԲանկ — 11․59%, նվազում՝ 0․2 տոկոսային կետով։
- Արմսվիսբանկ — 9․94%, նվազում՝ 3․4 տոկոսային կետով։
- Արցախբանկ — 0․84%, նվազում՝ 0․24 տոկոսային կետով։
- Մելլաթ բանկ — 1․85%։
- Արդշինբանկ — 2․83%։
- Ամիօ բանկ — 6․58%, աճ՝ 4․65 տոկոսային կետով։
- Յունիբանկ — ցուցանիշի անկում՝ 5․2 տոկոսային կետով (ամենամեծ նվազումը)։
Ընդհանուր առմամբ, Ն4․2 նորմատիվի միջին մակարդակը 2026թ․ հունիսի վերջի դրությամբ կազմել է 6․2%, որը 2025թ․ հունիսի վերջի համեմատ նվազել է 0․79 տոկոսային կետով։
- Այս տվյալները վկայում են, որ բանկային համակարգում ռիսկերի կենտրոնացումը հիմնականում վերահսկելի է, սակայն առանձին բանկերի միջև նկատվում են զգալի տարբերություններ՝ կապված անձանց նկատմամբ վարկային ռիսկի մակարդակի առումով։