Գերմանիայի ֆուտբոլի ազգային հավաքականի և Մյունխենի «Բավարիայի» նախկին հարձակվող Թոմաս Մյուլլերը հերթական անգամ ուշադրության կենտրոնում է հայտնվել։
Օդանավակայանում, լրագրողների հետ շփումից խուսափելու համար, Մյուլլերը ձևացրել է, թե զբաղված է՝ հեռախոսով է զրուցում, սակայն այդ պահին ականջին դրված է եղել ոչ թե հեռախոսը, այլ՝ անձնագիրը։
Տեսանյութը արագ տարածվել է սոցիալական ցանցերում՝ արժանանալով հազարավոր արձագանքների։ Շատ օգտատերեր գնահատել են ֆուտբոլիստի իրավիճակից ոչ կոնֆլիկտային կերպով դուրս գալու մոտեցումը։
Մյուլլերը վաղուց հայտնի է իր ինքնատիպ վարքով և կատակներով, որոնք հաճախ դառնում են սոցիալական ցանցերի քննարկման թեմա։