Ֆրանսիայում և Իսպանիայում ավելի քան 250 հազար մարդ ստիպված է եղել լքել իրենց տները մի քանի օր շարունակվող անտառային հրդեհների պատճառով։
Ուժեղ քամին և բարձր ջերմաստիճանը էապես բարդացնում են հրշեջների աշխատանքները։ Գիշերը իշխանությունները հրամայել են տարհանել Բորդոյից արևմուտք գտնվող յոթ քաղաքների բնակիչներին։
Ինչպես հայտնում է BBC-ն, իրավիճակի վերաբերյալ Իսպանիայի վարչապետ Պեդրո Սանչեսը խոստովանել է, որ երկրին դժվար ժամանակներ են սպասվում։ Միևնույն ժամանակ, ֆրանսիական իշխանությունները նշում են, որ հրդեհների մարումը դեռ շատ հեռու է։