Ուկրաինայի Օդեսայի նավահանգստի մոտակայքում անօդաչու թռչող սարքերը հարվածել են ATA-2 բեռնատար նավին, որը տեղափոխում էր ադրբեջանցի նավաստիների․ հաղորդում են ադրբեջանական ԶԼՄ-ները։
Տեղեկությունների համաձայն՝ Albatros Corporation-ին պատկանող նավը հարձակման է ենթարկվել 3 անօդաչու թռչող սարքով, ինչի հետևանքով լուրջ վնաս է հասցվել։ Այն այժմ ուղևորվում է դեպի Ռումինիայի Սուլինա նավահանգիստ։
Նավում եղել է անձնակազմի 13 անդամ՝ Թուրքիայի 1 քաղաքացի և Ադրբեջանի 12 քաղաքացի։
Նախնական տեղեկությունների համաձայն՝ հարձակման հետևանքով ոչ ոք չի զոհվել կամ վիրավորվել։