Իսրայելի զինվորականները հայտարարել են Հարավային Լիբանանի Սարբին գյուղում տասնյակ մետրեր ձգվող ստորգետնյա թունելի ոչնչացման մասին, որն, ըստ նրանց պնդման, օգտագործվել է «Հեզբոլահ» շարժման կողմից՝ զինծառայողների դեմ հարձակումներ նախապատրաստելու և իրականացնելու համար։
Բացի այդ, Իսրայելի զինված ուժերը տարածաշրջանում հայտնաբերել են զենքի պահեստ՝ հրթիռներով ու արձակման կայանքներով, ինչպես նաև տասնյակ այլ տեսակի սպառազինություն, այդ թվում՝ հակատանկային հրթիռներ, Կալաշնիկովի ինքնաձիգներ և մարտական այլ սարքավորումներ:
