Կիրակի վաղ առավոտյան Սաուդյան Արաբիայի հարավ-արևմուտքում գտնվող Ջիզանում Aramco նավթային ընկերության օբյեկտում բռնկված հրդեհը հաջողվել է մարել, տուժածներ չկան, հայտնում է Reuters-ը՝ հղում անելով երկրի էներգետիկայի նախարարությանը։
Հրդեհը մեկուսացվել է Aramco-ի արդյունաբերական անվտանգության ծառայությունների կողմից։
Ջիզանը գտնվում է Կարմիր ծովի ափին՝ Եմենի հետ սահմանից ոչ հեռու։
Aramco-ի Ջիզանի նավթավերամշակման գործարանը նախատեսված է օրական մինչև 400 հազար բարել նավթի վերամշակման համար։
Ձեռնարկությունը, մասնավորապես, արտադրում է բենզին և ծծմբի ծայրահեղ ցածր պարունակությամբ դիզելային վառելիք։