Banksnews.am-ը ներկայացնում է հեծանիվների և էլեկտրական սկուտերների (ինքնագլորների) երթևեկության նոր կարգավորումները, որոնք ուժի մեջ են մտնում 2026 թվականի օգոստոսի 30-ից:
Ի՞նչ է փոխվում
- Լրացուցիչ լիազորություն համայնքներին. Համայնքի ավագանուն իրավունք է տրվում սահմանել հեծանիվներով, սկուտերներով և առանց վարորդական վկայականի վարվող այլ միջոցներով երթևեկության տեղական կանոններ (արագության սահմանափակումներ, թույլատրելի կամ արգելված տարածքներ):
- Տուգանքի չափը. Ավագանու սահմանած կանոնները խախտելու համար նախատեսվում է 5,000 դրամ տուգանք:
- Կրկնակի խախտում. Եթե խախտումը կրկնվում է մեկ տարվա ընթացքում, տուգանքը կրկնապատկվում է՝ հասնելով 10,000 դրամի:
- Ո՞վ է տուգանելու. Խախտումների վերաբերյալ գործերը քննելու են տեղական ինքնակառավարման մարմինները (ՏԻՄ):
Կարևոր է. Պատասխանատվությունը կիրառվելու է միայն այն համայնքներում, որտեղ ավագանին արդեն ընդունել է համապատասխան տեղական կանոններ: