ԱՄՆ Կենտրոնական հրամանատարությունը խափանել է պանամական դրոշի տակ ընթացող M/V Vela Nova նավի ղեկային կառավարումը, երբ բեռնատար նավը փորձում էր անցնել Օմանի ծոցով և խախտել ԱՄՆ-ի կողմից Իրանի դեմ սահմանված շրջափակումը՝ ուղևորվելով դեպի իրանական նավահանգիստ։
«ԱՄՆ ռազմածովային ուժերի MH-60 ուղղաթիռը Hellfire տեսակի երկու հրթիռ է արձակել Vela Nova-ի մեքենայական բաժանմունքի ուղղությամբ այն բանից հետո, երբ նավի քաղաքացիական անձնակազմը անտեսել է ամերիկյան ուժերի բազմակի նախազգուշացումները։
Նավը շարժվում էր դեպի Իրան՝ խախտելով ԱՄՆ-ի շրջափակումը, որը շարունակում է մնալ ուժի մեջ։ Օգոստոսի 11-ի դրությամբ ԱՄՆ Կենտրոնական հրամանատարությունը վերահասցեագրել է 55 առևտրային նավ, որոնք փորձում էին ճեղքել շրջափակումը, շարքից հանել է շրջափակումը խախտած 3 նավ և աբորդաժի է ենթարկել 2-ը», — նշել են ԱՄՆ բանակում։