Author: Julbaz

Մայիսը խոստանում է իսկական «տիեզերական շոու»՝ հազվագյուտ երևույթներով, որոնք կարելի է դիտել նույնիսկ անզեն աչքով։ Աստղագիտության ոլորտի մասնագետի խոսքով՝ ամսվա գլխավոր իրադարձություններից մեկը կլինի այսպես կոչված «Կապույտ Լուսինը»։ Չնայած անվանմանը՝ Լուսինը իր գույնը չի փոխի․ խոսքը հազվադեպ երևույթի մասին է, երբ մեկ ամսում լինում է երկու լիալուսին։

Սա տեղի է ունենում այն պատճառով, որ լուսնային ցիկլը տևում է մոտ 29,5 օր, իսկ մայիսը՝ 31 օր, ինչի արդյունքում երկրորդ լիալուսինը հայտնվում է հենց ամսվա վերջին։Մայիսին երկինքը կդառնա նաև «աստղաթափի» բեմ։ Մայիսի 5–6-ը սպասվում է «Eta Aquarids» մետեորային հոսքի առավելագույն ակտիվությունը։ Այն կարող է ժամում ապահովել մինչև 70 ընկնող աստղ։ Այս հոսքը կապված է Հալլեյի գիսաստղի հետ, և լավագույն դիտումը հնարավոր է քաղաքային լույսերից հեռու վայրերում։ Հստակ տեսանելի կլինի նաև Յուպիտերը, իսկ գիշերային երկնքում կշարունակեն փայլել գարնանային համաստեղությունները՝ Առյուծը, Կույսը, Վոլոպասը և այլք։

ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչները վերահսկողական միջոցառում են իրականացրել Շիրակի մարզի Գյումրի համայնքի «Արձագանք» մսուր-մանկապարտեզ ՀՈԱԿ-ի խոհանոցում և պարզել, որ այնտեղ խախտվել են օրենսդրությամբ սահմանված սանիտարահիգիենիկ մի շարք նորմեր:

Ի մասնավորի՝
– սննդի կառույցի սպասք լվանալու համար նախատեսված տարածքների պատերի որոշ հատվածներ պատրաստված չեն եղել անջրանցիկ, չներծծող նյութերից, առաստաղները եղել են բորբոսնած և առկա է եղել մասնիկների թափվելու վտանգ,
– խոհանոցի պատերի որոշ հատվածներ չեն ունեցել հարթ մակերես, սալիկները եղել են տեղ-տեղ կոտրված, ինչը խոչընդոտել է մաքրման և ախտահանման գործընթացին:

Տեսչական մարմնի ղեկավարի որոշմամբ՝ մանկապարտեզի խոհանոցի արտադրական գործունեությունը կասեցվել է:

Հայտնաբերված խախտումները վերացնելու համար վերահսկող կառույցը սահմանել է վերջնաժամկետ: