Author: Julbaz

ԱՄՆ-ը չի կատարել հրադադարի պայմանների երկու կետերը, որոնք պետք է իրականացվեին մինչ բանակցությունների սկիզբը, ներառյալ Լիբանանում հրադադարի հաստատումը և իրանական ակտիվների ապասառեցումը։

Այս մասին X սոցիալական ցանցում հայտարարել է Իրանի խորհրդարանի (Մեջլիսի) խոսնակ Մոհամմադ Բագեր Ղալիբաֆը։

«Կողմերի միջև փոխհամաձայնեցված պայմաններից երկուսը դեռ չեն իրականացվել՝ Լիբանանում հրադադարի հաստատումը և մինչ բանակցությունների սկիզբը իրանական ակտիվների ապաշրջափակումը։ Այս երկու պայմանները պետք է կատարվեն մինչ բանակցությունների մեկնարկը», — գրել է նա։

Չինաստանի նախագահ Սի Ծինփինը ուրբաթ Պեկինում հանդիպել է Թայվանի ընդդիմադիր «Գոմինդան» կուսակցության նախագահ Չժեն Լիվենի հետ, հաղորդում են ասիական լրատվամիջոցները։

Չինաստանի առաջնորդը հայտարարել է, որ անկախ միջազգային իրավիճակից՝ Թայվանի նեղուցի երկու կողմերում ապրող ժողովուրդների մերձեցումն ու միավորումը պատմականորեն անխուսափելի գործընթաց է։

Նա նաև ընդգծել է, որ «Թայվանի անկախությունը» մնում է տարածաշրջանում լարվածության հիմնական պատճառներից մեկը՝ հավելելով, որ Պեկինը չի հանդուրժի նման զարգացումները։

Իր հերթին Չժեն Լիվենը նշել է, որ կողմերը պատրաստ են համագործակցել՝ «չինական քաղաքակրթության վերածննդի» գաղափարի շրջանակում։ Նա վստահություն է հայտնել, որ նեղուցի երկու կողմերում ապրող ժողովուրդները կարող են փոխադարձ հարգանքի մթնոլորտում զարգացնել հարաբերությունները և շարժվել միմյանց ընդառաջ։

Արևմտյան լրատվամիջոցների գնահատմամբ՝ Չինաստանի նախագահի և թայվանական քաղաքական ուժի ներկայացուցիչների միջև նման մակարդակի հանդիպումները հազվադեպ են։ Սա Սի Ծինփինի և «Գոմինդան» կուսակցության առաջնորդի առաջին շփումն է վերջին տասնամյակում։

Արցախի 4-րդ նրբացքի 4-րդ կարգի վթարայնության շենքում բնակվող Աբրահամյանների ընտանիքն արդեն անվտանգ ու հարմարավետ տուն ունի: 2023թ. Երևանի քաղաքապետ Տիգրան Ավինյանը բնակարան գնելու վկայական էր հանձնել նաև 10 հոգուց բաղկացած այս ընտանիքին: Նրանք նախկինում ապրում էին 24 քմ մակերեսով բնակարանում, մինչդեռ ծրագիրն իրագործելու շնորհիվ ձեռք բերված նոր տունը շուրջ 90 քմ է, որի պայմաններին է ծանոթացել քաղաքապետ Ավինյանը:

«Դուք այս ծրագրի մեր առաջին շահառուներից եք և, իրականում, շատ ուրախ եմ, որ նախագիծը ստացվել է: Իհարկե, կան դժվարություններ, բայց, հաշվի առնելով, որ մեծ քանակի նման խնդիրներ ունենք, փուլ առ փուլ լուծելով, գնում ենք առաջ: Ուրախ ենք, որ կարողացել ենք ձեր կյանքում որոշակի փոփոխություն բերել, և մի մեծ ընտանիք կարողացել է իր տունն ունենալ»,- նշել է քաղաքապետը:

Ընդհանուր առմամբ բնակարաններ գնելու վկայական է հանձնվել 35 ընտանիքի։

ԱՄՆ փոխնախագահ Ջեյ Դի Վենսն ուրբաթ կեսօրին մեկնել է Պակիստան, որտեղ շաբաթ օրը նախատեսված են բանակցություններ Իրանի հետ՝ պատերազմի դադարեցման հարցով, հաղորդում է BBC-ն։

Լրատվամիջոցի տվյալներով՝ բանակցություններից մեկ օր առաջ տարածաշրջանում լարվածությունը շարունակվում է։ Հինգշաբթի լույս ուրբաթ գիշերը Իսրայելը հարվածներ է հասցրել Լիբանանին, իսկ ԱՄՆ նախագահ Դոնալդ Թրամփը Իրանին մեղադրել է ժամանակավոր հրադադարի պայմանները խախտելու համար՝ նշելով, որ Հորմուզի նեղուցի իրավիճակը շարունակում է մնալ լարված։

Չնայած այդ զարգացումներին՝ ԱՄՆ փոխնախագահ Ջեյ Դի Վենսը մեկնել է Իսլամաբադ՝ նախատեսված բանակցություններին մասնակցելու նպատակով։

ԱՄՆ պատվիրակության կազմում են նաև նախագահի հատուկ դեսպանորդ Սթիվ Ուիթքոֆը և Դոնալդ Թրամփի փեսա Ջարեդ Քուշները։

Մարդ սպանել են, կողուպտն արել, հիմա եկել ասում են՝ կույս ենք. խամաճիկները դրսից են կառավարվում

ԱՄՆ-ը ծրագրում է բարձրացնել Իրանում ձերբակալված իրենց քաղաքացիների ազատ արձակման հարցը ապրիլի 11-ին Պակիստանում կայանալիք խաղաղ բանակցությունների ընթացքում։ Այս մասին տեղեկացնում է The Washington Post թերթը՝ հղում անելով տեղեկացված աղբյուրներին։

Ըստ տեղեկությունների՝ ամերիկյան բանակցողները մտադիր են Թեհրանից պահանջել ազատ արձակել ձերբակալվածներին։ Միևնույն ժամանակ, աղբյուրները նշում են, որ այս հարցի քննարկումը կարող է հետաձգվել, եթե բանակցային գործընթացը բարդ ընթանա։

Պարբերականի տվյալներով՝ ձերբակալվածների ազատ արձակումը կամ փոխանակումը ներառված չեն եղել Իրանի կողմից առաջարկված 10 կետից բաղկացած պլանում, որը տարածվել էր այդ երկրի պետական լրատվամիջոցներով և մերժվել Վաշինգտոնի կողմից։

ԱՄՆ-ը ծրագրում է բարձրացնել Իրանում ձերբակալված իրենց քաղաքացիների ազատ արձակման հարցը ապրիլի 11-ին Պակիստանում կայանալիք խաղաղ բանակցությունների ընթացքում։ Այս մասին տեղեկացնում է The Washington Post թերթը՝ հղում անելով տեղեկացված աղբյուրներին։

Ըստ տեղեկությունների՝ ամերիկյան բանակցողները մտադիր են Թեհրանից պահանջել ազատ արձակել ձերբակալվածներին։ Միևնույն ժամանակ, աղբյուրները նշում են, որ այս հարցի քննարկումը կարող է հետաձգվել, եթե բանակցային գործընթացը բարդ ընթանա։

Պարբերականի տվյալներով՝ ձերբակալվածների ազատ արձակումը կամ փոխանակումը ներառված չեն եղել Իրանի կողմից առաջարկված 10 կետից բաղկացած պլանում, որը տարածվել էր այդ երկրի պետական լրատվամիջոցներով և մերժվել Վաշինգտոնի կողմից։

Շիրակի մարզում ավտովթարից տուժած 1 և 3 տարեկան տղաների վիճակը ծայրահեղ ծանր է, նրանք միացված են արհեստական շնչառական ապարատին (ինտուբացված):

Այս մասին «Հայկական ժամանակ»-ի հետ զրույցում ասել է ԱՆ խոսնակ Մարիամ Ծատրյանը։

8-ամյա աղջկա առողջական վիճակը գնահատվում է ծանր։

Ինչպես հայտնել էինք, ապրիլի 10-ին ողբերգական ավտովթար է տեղի ունեցել Շիրակի մարզում։ Աղին բնակավայրի տարածքում բախվել են BMW և «Օպել» մակնիշների ավտոմեքենաները, ինչի հետևանքով 6 զոհ կա, երկուսը՝ երեխաներ։

Գյումրու բժշկական կենտրոն տեղափոխված անձինք առաջնային բժշկական օգնություն ստանալուց հետո տեղափոխվել են Երևան: Մեկ չափահաս տեղափոխվել է ուղղաթիռով։ Բժշկական կենտրոնի լրատվության բաժնից «Հայկական ժամանակ»-ին հայտնեցին, որ միայն մեկ չափահաս տուժած է բուժումը շարունակում Գյումրիում: Նրա վիճակը գնահատվում է ծանր:

Աղին բնակավայրի մոտ 6 մարդու կյանք խլած ավտովթարի դեպքի առթիվ նախաձեռնվել է քրեական վարույթ։

Իսրայելի կառավարության ղեկավար Բենիամին Նեթանյահուն հանդես է եկել կոշտ հայտարարությամբ Իսպանիայի հասցեին՝ մեղադրելով նրան թշնամական քաղաքականության և Իսրայելի դեմ «դիվանագիտական պատերազմ» վարելու մեջ։

Հայտարարությունը հնչել է Կիրյաթ-Գաթի համակարգման կենտրոնի աշխատանքներից Իսպանիայի ներկայացուցիչներին հեռացնելու Իսրայելի որոշման ֆոնին։

«Իսրայելը չի լռի նրանց առջև, ովքեր հարձակվում են մեզ վրա։ Իսպանիան զրպարտել է մեր հերոսներին՝ Իսրայելի պաշտպանության բանակի զինվորներին՝ աշխարհի ամենաբարոյական բանակին։ Ուստի այսօր ես հանձնարարել եմ հեռացնել Իսպանիայի ներկայացուցիչներին Կիրյաթ-Գաթի համակարգման կենտրոնի աշխատանքներից», — ասել է նա X սոցիալական ցանցում հրապարակված տեսաուղերձում։

Ըստ նրա՝ այն երկրները, որոնք քննադատում են Իսրայելին «ահաբեկչական ռեժիմների» փոխարեն, չեն կարող գործընկեր համարվել։

«Ես մտադիր չեմ հանդուրժել այս երեսպաշտությունն ու թշնամանքը։ Ես թույլ չեմ տա որևէ երկրի դիվանագիտական պատերազմ վարել մեր դեմ՝ առանց դրա համար պատասխանատվություն կրելու», — հայտարարել է նա։

Վերջին տարիներին Թել Ավիվի և Մադրիդի հարաբերությունները հետևողականորեն վատթարանում են։ Իսպանիայի կառավարությունը հանդես է գալիս Իսրայելի հասցեին խիստ քննադատությամբ՝ Գազայի պատերազմի պատճառով։

Վարչապետ Նիկոլ Փաշինյանի որոշմամբ՝ Անվտանգության խորհրդի քարտուղար Արմեն Գրիգորյանը կգործուղվի Հունաստան։

Արմեն Գրիգորյանը, նրա խորհրդական Տաթևիկ Պետրոսյանը և օգնական Սևակ Ղահրամանյանը ապրիլի 21-23-ը ներառյալ կմասնակցեն Հունաստանի Դելֆի տնտեսական ֆորումին։