Author: Julbaz

ՆԳՆ ոստիկանության պետ-ՆԳ նախարարի տեղակալ Կամո Ցուցուլյանը ուղերձ է հղել Հայաստանի Հանրապետության ոստիկանության օրվա առթիվ։

Ուղերձում ասվում է․

«Սիրելի՛ ոստիկաններ,

Շնորհավորում եմ մասնագիտական տոնի՝ Ոստիկանության օրվա առթիվ: 

Ոստիկանությունը պատվով անցավ ՆԳՆ որդեգրած արմատական բարեփոխումների փուլը, և մենք հետևողականորեն շարունակելու ենք այդ ճանապարհը՝ նոր որակով ու պատրաստվածությամբ իրականացնելու ծառայությունը օրենքին, մեր քաղաքացիներին, դիմակայելու ժամանակի առաջադրած մարտահրավերներին։

Հիշե՛ք, ձեզնից յուրաքանչյուրի աշխատանքի արդյունքով է գնահատվում Ոստիկանությունը։ Յուրաքանչյուրիդ պատասխանատվության ու սրտացավության շնորհիվ է, որ իրականություն են դառնում առավել արհեստավարժ ու բարեվարք Ոստիկանություն ունենալու մեր ջանքերը: 

Եղե՛ք ձեր կոչմանն արժանի և հավատարիմ։ 

Շնորհավորում եմ մեր սիրելի վետերաններին և մաղթում երկար ու վաստակած տարիներ:

Հավե՛րժ փառք ծառայողական պարտականությունները կատարելիս և հայրենիքի սահմանների պաշտպանության ժամանակ զոհված մեր գործընկերներին:

Արժանապատիվ և անփորձանք ծառայություն եմ մաղթում բոլորիդ:

Շնորհավոր տոնդ, ոստիկա՛ն»:

ԱՄՆ-ում ՀՀ դեսպան Նարեկ Մկրտչյանը հանդիպում է ունեցել Յուտայի նահանգապետի գրասենյակի համայնքային և միջկառավարական հարաբերությունների գծով ավագ խորհրդատու Մայք Մաուերի հետ։ Այս մասին հայտնում է դեսպանությունը։

Հանդիպման ընթացքում քննարկվել են դեսպանի կողմից ամիսներ առաջ Յուտա նահանգ կատարած աշխատանքային այցի արդյունքներն ու դրա շրջանակում ձեռք բերված պայմանավորվածությունները։ Դիտարկվել են երկկողմ համագործակցության ընդլայնման հնարավորությունները՝ մասնավորապես տնտեսական ոլորտին առնչվող։

Կարևորվել է երկխոսության շարունակականությունը՝ համագործակցության նոր ուղղությունների զարգացման նպատակով։

ՆԳ նախարար Արփինե Սարգսյանը շնորհավորական ուղերձ է հղել Ոստիկանության օրվա առիթով։

Ուղերձում ասվում է․

«Ոստիկանությունը պետության ողնաշարն է՝ կայունության և օրենքի գերակայության անփոխարինելի երաշխավորը. ՆԳ նախարար

Ներքին գործերի նախարարության ոստիկանության սիրելի՛ ծառայողներ,

Շնորհավորում եմ բոլորիս Ոստիկանության մասնագիտական տոնի առթիվ։

Այսօր Ոստիկանությունը ոչ միայն իրավապահ մարմին է, այլև մեր պետության կայունության, ներքին անվտանգության և խաղաղության ամրապնդման առանցքային հենասյուներից մեկը։ Ձևավորված են համակարգի հիմնաքարային բոլոր ուղղությունները, որոնց ամբողջական ներուժը և դրա իրացումը, առավել քան երբևէ, կարևոր է՝ որպես ամուր հենարան պետականության ամրապնդման և խաղաղության պահպանման գործում։ Մենք ձևավորել ենք ինստիտուցիոնալ առումով դիմակայուն և կուռ համակարգ՝ հստակ գիտակցելով, որ որքան հզոր է Ոստիկանությունը, այնքան կայուն է պետությունը։

Այս առաքելությունը պահանջում է ոչ միայն մասնագիտական կարողություններ, այլև բարձր արժեքներ, սկզբունքայնություն և անձնական պատասխանատվություն։ Հենց այս համադրությունն է, որ ապահովում է հանրային վստահության շարունակական աճը և անվստահության մակարդակի նվազումը։ 

Գրանցված առաջընթացը Հայաստանի Հանրապետության Վարչապետի, Կառավարության բարձր հովանու, միջազգային գործընկերների, քաղաքացիական հասարակության, մեր հանրության աջակցության, վստահության և Ներքին գործերի նախարարության թիմի ամենօրյա սրտացավ աշխատանքի արդյունքն է։

Մենք գիտակցում ենք, որ առջևում դեռ կան լուրջ մարտահրավերներ՝ մտածողության փոփոխությունից մինչև համակարգային խնդիրների հաղթահարում։

Սակայն վստահ ենք, որ միասնական և հետևողական աշխատանքով դրանք հաղթահարելու ենք։

Միևնույն ժամանակ, անփոփոխ է մնում ոստիկանի ամենօրյա առաքելությունը՝ ծառայել հանրությանը և պաշտպանել յուրաքանչյուր անհատին՝ լինելով այն սահմանը, որը բաժանում է կարգը անկարգությունից, անվտանգությունը՝ անորոշությունից։

Շնորհակալություն եմ հայտնում ոստիկանական շարքերում գտնվող յուրաքանչյուր ծառայողի՝ իր նվիրվածության, պրոֆեսիոնալիզմի և տոկունության համար։ Ձեր ամենօրյա ծառայությամբ դուք ապահովում եք այն միջավայրը, որտեղ հնարավոր է պետության բնական զարգացումն ու հարատևությունը։

Ոստիկանության 108-ամյա պատմության ընթացքում հազարավոր ծառայողներ իրենց անմնացորդ ներդրումն են ունեցել այս համակարգի կայացման գործում։ Հավերժ փառք և խորին խոնարհում ծառայողական պարտականությունները կատարելիս զոհված ոստիկանների պայծառ հիշատակին։

Սիրելի՛ ծառայողներ, կրկին շնորհավորում եմ ձեզ մասնագիտական տոնի առթիվ։

Շնորհավորում եմ նաև մեր հարգելի վետերաններին։

Ոստիկանության ուժը պետության կայունությունն է,

Ոստիկանության կարգապահությունը՝ օրենքի գերակայությունը,

Ոստիկանության ծառայությունը՝ պետականության շարունակականությունը։

Մաղթում եմ ձեզ արժանապատիվ և անվտանգ ծառայություն»։

ՆԳ նախարար Արփինե Սարգսյանը շնորհավորական ուղերձ է հղել Ոստիկանության օրվա առիթով։

Ուղերձում ասվում է․

«Ոստիկանությունը պետության ողնաշարն է՝ կայունության և օրենքի գերակայության անփոխարինելի երաշխավորը. ՆԳ նախարար

Ներքին գործերի նախարարության ոստիկանության սիրելի՛ ծառայողներ,

Շնորհավորում եմ բոլորիս Ոստիկանության մասնագիտական տոնի առթիվ։

Այսօր Ոստիկանությունը ոչ միայն իրավապահ մարմին է, այլև մեր պետության կայունության, ներքին անվտանգության և խաղաղության ամրապնդման առանցքային հենասյուներից մեկը։ Ձևավորված են համակարգի հիմնաքարային բոլոր ուղղությունները, որոնց ամբողջական ներուժը և դրա իրացումը, առավել քան երբևէ, կարևոր է՝ որպես ամուր հենարան պետականության ամրապնդման և խաղաղության պահպանման գործում։ Մենք ձևավորել ենք ինստիտուցիոնալ առումով դիմակայուն և կուռ համակարգ՝ հստակ գիտակցելով, որ որքան հզոր է Ոստիկանությունը, այնքան կայուն է պետությունը։

Այս առաքելությունը պահանջում է ոչ միայն մասնագիտական կարողություններ, այլև բարձր արժեքներ, սկզբունքայնություն և անձնական պատասխանատվություն։ Հենց այս համադրությունն է, որ ապահովում է հանրային վստահության շարունակական աճը և անվստահության մակարդակի նվազումը։ 

Գրանցված առաջընթացը Հայաստանի Հանրապետության Վարչապետի, Կառավարության բարձր հովանու, միջազգային գործընկերների, քաղաքացիական հասարակության, մեր հանրության աջակցության, վստահության և Ներքին գործերի նախարարության թիմի ամենօրյա սրտացավ աշխատանքի արդյունքն է։

Մենք գիտակցում ենք, որ առջևում դեռ կան լուրջ մարտահրավերներ՝ մտածողության փոփոխությունից մինչև համակարգային խնդիրների հաղթահարում։

Սակայն վստահ ենք, որ միասնական և հետևողական աշխատանքով դրանք հաղթահարելու ենք։

Միևնույն ժամանակ, անփոփոխ է մնում ոստիկանի ամենօրյա առաքելությունը՝ ծառայել հանրությանը և պաշտպանել յուրաքանչյուր անհատին՝ լինելով այն սահմանը, որը բաժանում է կարգը անկարգությունից, անվտանգությունը՝ անորոշությունից։

Շնորհակալություն եմ հայտնում ոստիկանական շարքերում գտնվող յուրաքանչյուր ծառայողի՝ իր նվիրվածության, պրոֆեսիոնալիզմի և տոկունության համար։ Ձեր ամենօրյա ծառայությամբ դուք ապահովում եք այն միջավայրը, որտեղ հնարավոր է պետության բնական զարգացումն ու հարատևությունը։

Ոստիկանության 108-ամյա պատմության ընթացքում հազարավոր ծառայողներ իրենց անմնացորդ ներդրումն են ունեցել այս համակարգի կայացման գործում։ Հավերժ փառք և խորին խոնարհում ծառայողական պարտականությունները կատարելիս զոհված ոստիկանների պայծառ հիշատակին։

Սիրելի՛ ծառայողներ, կրկին շնորհավորում եմ ձեզ մասնագիտական տոնի առթիվ։

Շնորհավորում եմ նաև մեր հարգելի վետերաններին։

Ոստիկանության ուժը պետության կայունությունն է,

Ոստիկանության կարգապահությունը՝ օրենքի գերակայությունը,

Ոստիկանության ծառայությունը՝ պետականության շարունակականությունը։

Մաղթում եմ ձեզ արժանապատիվ և անվտանգ ծառայություն»։

Սիրելի քաղաքացիներ․ կիրակի օրը, ապրիլի 19-ին մեծ ավտոերթով նշում ենք Հյուսիս-հարավ ավտոճանապարհի Աշտարակ-Գյումրի հատվածի բացումը։

Այս մասին սոցցանցի իր էջում գրել է վարչապետ Նիկոլ Փաշինյանը՝ մանրամասնելով, թե ովքեր ու ինչպես կարող են միանալ երթին։

«Մասնակցության համար կարող եք գրանցվել ստորև բերվող QR կոդի միջոցով։ Մասնակցության համար, բնականաբար, պետք է ներկայանալ ավտոմեքենայով, բայց իհարկե, մեքենայի մեջ կարող են լինել ուղևորներ։ 

Ավելին, անհրաժեշտ է առնվազն մեկ ուղևոր՝ ուղղորդողի կարգավիճակով, որովհետև երթը կարգավորվելու է իմ ֆեյսբուքյան այս էջի ուղիղ եթերում և վարորդի կողքի նստատեղին պետք է նստած լինի ուղղորդողը, որպեսզի հետևի եթերին և տեղեկատվություն փոխանցի վարորդին։ 

Երթի մասնակից համարվելու են միայն գրանցված ավտոմեքենաները։ Ծառայողական ավտոմեքենաների մասնակցությունը երթին արգելվում է, բացի պետական պահպանության ներքո գտնվող անձանց սպասարկող մեքենաները։ Մեկնարկի տեղի և ժամի մասին գրանցված վարորդներին կտեղեկացնենք հեռախոսազանգով։

Իսկ պլանը հետևյալն է․ գնում ենք Գյումրի, Գյումրիում այցելում ենք թանգարաններ, եկեղեցիներ, սրճարաններ, ռեստորաններ, զբոսնում ենք Գյումրիում, շփվում ենք։ 

Ժամը 17․00-ին Վարդանանց հրապարակում տեղի է ունենալու համերգ, որտեղ ելույթ է ունենալու նաև «Վարչաբենդը»։ 

Վերադարձը տեղի է ունենալու ոչ երթով։ Միասին լավ օր անցկացնենք Գյումրիում»,- գրել է վարչապետը։

Ապրիլի 16-ի լուսադեմին Արարատի մարզի առանձին հատվածներում, Արմավիրում և մայրաքաղաք Երևանում օդի ջերմաստիճանը կնվազի մինչև -1°C, հողի մակերևույթին՝ մինչև -2…-3°C։ Արագածոտնի և Կոտայքի նախալեռնային գոտիներում օդում սպասվում է 0…-2°C ցուրտ։

Այս մասին հայտնում են Շրջակա միջավայրի նախարարությունից։

Վարչապետ Նիկոլ Փաշինյանը Հայաստանի ազգային պատկերասրահում ներկա է գտնվել «Արշիլ Գորկի. Նյու Յորք – Երևան. նոր ձեռքբերում» խորագրով ցուցահանդեսի բացմանը: Կառավարությունը միջազգային աճուրդից ձեռք է բերել աշխարհահռչակ ամերիկահայ նկարչի «Անվերնագիր» (1944 թ.) գրաֆիկական աշխատանքը, ինչը կարևոր ներդրում է ազգային հավաքածուի համալրման գործում։  

Միջոցառմանը ներկա են գտնվել Երևանի քաղաքապետ Տիգրան Ավինյանը, Կրթության, գիտության, մշակույթի և սպորտի նախարար Ժաննա Անդրեասյանը, Հայաստանի ազգային պատկերասրահի տնօրեն Մարինա Հակոբյանը, գործադիր իշխանության ներկայացուցիչներ, արվեստագետներ, հյուրեր: 

Վարչապետը հանդես է եկել ելույթով, շնորհավորել բոլորին այս օրվա առիթով, նշել, որ Արշիլ Գորկին համաշխարհային կերպարվեստի և հայկական ծագում ունեցող կերպարվեստի նշանակալի դեմքերից մեկն է.

«Այսօրվա մեր միջոցառումը և Կառավարության որոշումն ունի մի քանի նշանակություն և բոլոր այդ նշանակությունները, իհարկե, կապված են հետևյալի հետ. մենք շատ ենք խոսում նրա մասին, որ պետությունը, պետականությունը, Հայաստանի Հանրապետությունը պետք է հայկական կյանքի առանցքը և գրավիտացիոն կենտրոնը լինի: Մեր ժողովուրդը պատմության տարբեր էջեր է ունեցել՝ երբեմն հայկական իրականության կենտրոնը եղել է Մադրասը, երբեմն, ինչ-որ ժամանակում հայկական իրականության կենտրոնը եղել է Ստամբուլը, երբեմն ինչ-որ ժամանակում հայկական իրականության կենտրոնը եղել է Թբիլիսին, ինչ-որ մի ժամանակ հայկական իրականության կենտրոնը եղել է Վենետիկը և այլն: Մենք ասում ենք, որ հայկական իրականության և կյանքի կենտրոնը բոլոր առումներով՝ մշակութային, գաղափարաբանական, գաղափարախոսական Հայաստանի Հանրապետությունն է: Եվ այս իրադրությունը, որը կա և պետք է զարգանա, պետք է հարատև լինի և ոչ թե ժամանակավոր»: 

Նիկոլ Փաշինյանի խոսքով, հայկական արվեստի և մշակութային ժառանգության կրիտիկական զանգվածը պետք է լինի Հայաստանի Հանրապետությունում։ Երկրի ղեկավարի խոսքով, սա առանձին վերցված միջոցառում չէ, քանի որ վերջերս պատմության թանգարանում տեղի ունեցավ նմանատիպ կարևոր իրադարձություն, Մատենադարանում արդեն երկու անգամ նշվել է այսպիսի իրադարձություն: Վարչապետ Փաշինյանն ընդգծել է, որ սա քաղաքականություն է, որը Կառավարությունը որդեգրել է և բոլոր հնարավորություններն օգտագործվելու են արվեստի, մշակույթի հայկական ծագման ժառանգությունը Հայաստանի Հանրապետություն բերելու և այն այդ արժեքների համար հարատև հանգրվան դարձնելու համար: 

Այս համատեքստում, վարչապետը շնորհակալություն է հայտնել Հայաստանում աշխատող, արդյունք ստեղծող, օրենքով սահմանված հարկերը վճարող բոլոր քաղաքացիներին, քանի որ Արշիլ Գորկու կտավը Հայաստանի Հանրապետությունում է հայտնվել հարկ վճարող հազարավոր քաղաքացիների շնորհիվ: 

Ամփոփելով իր խոսքը՝ Նիկոլ Փաշինյանը նաև շնորհակալություն է հայտնել այն մարդկանց, ովքեր նախաձեռնել և ընթացք են տվել այս գործընթացին և հասցրել տրամաբանական ավարտին: 

2025 թվականին պետական միջոցներով իրականացվող՝ Հայաստանի Հանրապետության կրթության, գիտության, մշակույթի և սպորտի նախարարության թանգարանային հավաքածուների համալրման ծրագրի շրջանակներում «Մշակույթի զարգացման» հիմնադրամը իրականացրել է դիտանցումներ միջազգային աճուրդային տների և մասնավոր պատկերասրահների կողմից վաճառքի ներկայացվող արժեքների ցանկերում։ 

Դիտանցումների արդյունքում պարզվել է, որ Լոնդոնում գործող Sotheby’s աճուրդային տանը ներկայացված է աշխարհահռչակ ամերիկահայ նկարիչ Արշիլ Գորկու «Անվերնագիր» (1944 թ.) գրաֆիկական աշխատանքը (թուղթ, մատիտ, 45.4 × 55.5 սմ)։ Աճուրդի մեկնարկային գինը կազմել է 45,000 եվրո, իսկ ակնկալվող առավելագույն գինը՝ 70,000 եվրո։ 

2025 թվականի դեկտեմբերի 3-ին կայացած աճուրդի ընթացքում տվյալ աշխատանքը Կառավարությունը ձեռք է բերել 30,978,000 (երեսուն միլիոն ինը հարյուր յոթանասունութ հազար) դրամով և այն հանգրվանել է Հայաստանի ազգային պատկերասրահում։

ՌԴ նախագահ
Պուտինի գորովալից վերաբերմունքին արժանացած Սամվել Կարապետյանը, չլինի՞՝ տեղյակ է
Հայաստանի դեմ պլանավորվող նոր պատերազմի մասին ու ակամա բերանից փստացրել է։
Գուցե չի փստացրել, լավ էլ բաց, ուղիղ տեքստով անոնսում է սպասվելիք, պլանավորված պատերազմի
մասին՝ կանխատեսելով Նիկոլ Փաշինյանի, այն է՝ ՀՀ-ի պարտությունը։

 Այդ
պարտությունը, դատելով ռուսաստանցի միլիարդատիրոջ զգուշացումից, չի արձանագրվի,
եթե ՀՀ վարչապետ դառնա ինքը։  Հիմա ո՞վ է
պատերազմով սպառնում ՀՀ քաղաքացիներին, Նիկոլ Փաշինյա՞նը, որը զգուշացնում է
խաղաղության փաստաթղթի վերաբանակցման, այն է՝ ձեռք բերված պայմանավորվածությունը
«քենսլ» անելու վտանգների մասին, թե՞ Ռուսաստանից ՀՀ գործուղված միլիարդատերը, որը
պարզ ասում է՝ եթե ինձ՝ թիվ մեկ ռուսամետ ընդդիմադիրիս չընտրեք, վարչապետ շարունակի
լինել Փաշինյանը, սեպտեմբերին կամ պայմանական որեւէ ամսի սանձազերծվելիք
պատերազմում պարտվելու ենք։

Հարց է
ծագում՝ չլինի՞  ծագումով հայ, Սամվել
Կալուժսկիի բերանով «գավարիտ ու պակազիվայետ» Պուտին։ Ի դեպ, 44-օրյա պատերազմից
մի քանի օր անց՝ հոկտեմբերի 6-ին, երբ մարտական գործողությունները թեժ փուլում էին
եւ պատերազմի ելքը տեսանելի չէր, Սամվել Կարապետյանը հայտարարություն տարածեց,
որից տպավորություն էր, որ նրա դարդը ոչ այնքան Ղարաբաղն ու հրադադարն են, որքան՝
հրադադարի  հաստատումը ՌԴ-ին ձեռնտու
տարբերակով ու պայմաններով։ 

«Միայն Ռուսաստանն իրավունք ունի միջամտել Լեռնային Ղարաբաղի շուրջ
իրադրությանը»,-մասնավորապես նշել էր «ցանցռն»  ու հավելել․ «Այսօրվա դրությամբ Ռուսաստանը նախկինի պես
տարածաշրջանում խաղաղության միակ երաշխավորն է։ Ես համոզված եմ, որ ներկա
իրավիճակում հենց նախագահ Պուտինն է ունակ շատ բան անել ղարաբաղյան հակամարտության
հարցում, որը կարող է վճռորոշ դառնալ Լեռնային Ղարաբաղի ապագայի համար։ Կարելի է
որքան ասես պատրանքներ ունենալ այն մասին, որ որևէ այլ ուժերի միջամտությունը
կարող է օգնել Ղարաբաղի հակամարտության լուծմանը, սակայն ակնհայտ է, որ միայն
ռուսական խաղաղապահ ջանքերն են ի վիճակի դադարեցնել պատերազմը»։ Եղավ այնպես,
ինչպես Պուտինն էր պլանավորել ու Կարեն Կալուգացին հուշել։ Սավպադենի՞ե։  

Հեղինե
Մանուկյան