Author: Julbaz

ԱՄՆ փոխնախագահ Ջեյ Դի Վենսը լավատեսորեն է տրամադրված Իրանի հետ բանակցություններին և հույս է հայտնել, որ Թեհրանը կցուցաբերի ողջամիտ վարքագիծ առաջիկա քննարկումների ընթացքում։

«Կարծում եմ՝ շատ բան է խաղադրույքին. եթե նրանք մեզ չտան այն, ինչ մեզ անհրաժեշտ է, կարծում եմ՝ ամեն ինչ վատ կդասավորվի։ Բայց ես լավատես եմ, որ իրանցիները խելամիտ կլինեն», – լրագրողներին ասել է Վենսը՝ Հունգարիայից մեկնելուց առաջ։

Նա ընդգծել է, որ բանակցությունների ընթացքում Միացյալ Նահանգները կպահանջի, որ Իրանը չհարստացնի ուրանը՝ միջուկային զենք ստեղծելու նպատակով։

Ավելի վաղ ԱՄՆ նախագահ Դոնալդ Թրամփը հայտարարել էր Իրանի հետ երկշաբաթյա հրադադարի վերաբերյալ համաձայնագրի մասին: Հետագայում Իրանի Ազգային անվտանգության գերագույն խորհուրդը տեղեկացրել էր, որ Միացյալ Նահանգները համաձայնել է Իրանի` տասը կետից բաղկացած առաջարկին, և Թեհրանն ապրիլի 10-ին Պակիստանի Իսլամաբադ քաղաքում կսկսի բանակցություններ ԱՄՆ-ի հետ։

Բանակցություններում ԱՄՆ պատվիրակությունը կգլխավորի Վենսը։ Պատվիրակության կազմում են նաև ԱՄՆ նախագահի հատուկ դեսպանորդ Սթիվ Ուիտկոֆը և Ջարեդ Քուշները:

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են:

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները։

Վարորդներին հորդորում ենք երթևեկել բացառապես ձմեռային անվադողերով։

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։

Ապրիլի 8-ին՝ ժամը 22։58-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևան-Գառնի ավտոճանապարհին՝ «Ջրվեժ» արգելոցապարկային համալիրի մոտակայքում, տեղի է ունեցել ՃՏՊ, կա արգելափակված քաղաքացի. անհրաժեշտ է փրկարարների օգնությունը։ Այս մասին հայտնում է ՆԳՆ փրկարար ծառայությունը։

Դեպքի վայր են մեկնել ՆԳՆ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «Mercedes-Benz» և VAZ մակնիշների ավտոմեքենաները․ ինչի հետևանքով VAZ մակնիշի ավտոմեքենայի ուղևորը արգելափակվել է։

Փրկարարները հոսանքազրկել են VAZ մակնիշի ավտոմեքենան, ուղևորին դուրս բերել ավտոմեքենայից և մոտեցրել շտապօգնության մեքենային․ տուժածը հոսպիտալացվել է։

Ապրիլի 8-ին՝ ժամը 22։58-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևան-Գառնի ավտոճանապարհին՝ «Ջրվեժ» արգելոցապարկային համալիրի մոտակայքում, տեղի է ունեցել ՃՏՊ, կա արգելափակված քաղաքացի. անհրաժեշտ է փրկարարների օգնությունը։ Այս մասին հայտնում է ՆԳՆ փրկարար ծառայությունը։

Դեպքի վայր են մեկնել ՆԳՆ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «Mercedes-Benz» և VAZ մակնիշների ավտոմեքենաները․ ինչի հետևանքով VAZ մակնիշի ավտոմեքենայի ուղևորը արգելափակվել է։

Փրկարարները հոսանքազրկել են VAZ մակնիշի ավտոմեքենան, ուղևորին դուրս բերել ավտոմեքենայից և մոտեցրել շտապօգնության մեքենային․ տուժածը հոսպիտալացվել է։

ԲԴԽ  նախագահ Արթուր Աթաբեկյանը, ԲԴԽ անդամներ Էդգար Հովհաննիսյանը, Մերի Համբարձումյանը, Երանուհի Թումանյանցը և Անահիտ Աբրահամյանն այսօր ՀՀ ԱԺ-ում հանդիպել են երկօրյա աշխատանքային այցով Հայաստան ժամանած  Շվեդիայի Թագավորության խորհրդարանի՝   Ռիկսդագի երրորդ փոխխոսնակ Կերստին Լունդգրենի գլխավորած պատվիրակությանը։

Հանդիպմանը մասնակցել են հայ-շվեդական պատգամավորական  աշխատանքային խմբի ղեկավար ՀՀ Ազգային ժողովի նախագահի տեղակալ Ռուբեն Ռուբինյանը, պատգամավորներ, Դատական դեպարտամենտի աշխատակիցներ։ Հանդիպմանը քննարկվել է երկու երկրի դատական համակարգերին, դատարանների դերին վերաբերող հարցեր։ 

ԲԴԽ նախագահը կարևորել է դատավորների կարողությունների զարգացման ոլորտում Շվեդիայի հետ տարիների համագործակցությունը՝ շեշտելով  «Հայաստանի դատավորների կարողությունների զարգացում՝ դատական համակարգի նկատմամբ նոր ակնկալիքներին համապատասխանելու և հանրային վստահությունն ամրապնդելու նպատակով» ծրագիրը, որն իրականացվում է Շվեդիայի միջազգային զարգացման համագործակցության գործակալության աջակցությամբ։ 

ԲԴԽ նախագահն ընդգծել է ծրագրի շարունակականության անհրաժեշտությունը:

Նա ներկայացրել է  Բարձրագույն դատական խորհրդի գործունեության հիմնական ուղղությունները՝ անդրադառնալով դատական իշխանության անկախության ապահովման ինստիտուցիոնալ երաշխիքներին և դրանց գործնական կիրառությանը։ 

Քննարկման առարկա են դարձել նաև դատական համակարգում իրականացվող բարեփոխումները, դատավորների ընտրության և նշանակման ընթացակարգերը, կարգապահական վարույթների գործնական առանձնահատկությունները, ինչպես նաև՝ արդարադատության արդյունավետության բարձրացմանն ուղղված քայլերը։

ԱԳ նախարար Արարատ Միրզոյանը ողջունել է Երևան ժամանած Ղազախստանի ԱԳ նախարար Երմեկ Կոշերբաևին: Այս մասին հայտնում են ԱԳ նախարարությունից։

Հայաստանի և Ղազախստանի ԱԳ նախարարների քննարկումները մեկնարկել են աշխատանքային ընթրիքի ձևաչափով: Հանդիպումները կշարունակվեն:

Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ Այս մասին հայտնում են Վրաստանի ՆԳՆ ԱԻ դեպարտամենտը և ՌԴ ԱԻՆ Հյուսիսային Օսիայի ճգնաժամային կառավարման կենտրոնը։

Ավստրալիայի Ֆլինդերսի համալսարանի գիտնականները կանխատեսում են, որ Երկիրը չի կարող դիմակայել բնակչության աճին։ Ըստ հետազոտության՝ եթե ներկայիս տեմպերը պահպանվեն, մինչև 2070-ականների վերջը Երկրի բնակչությունը կհասնի 12,4 միլիարդ մարդ, ինչը կդնի մոլորակը կրիտիկական վիճակի մեջ։

Գիտնականներն ընդգծում են, որ Երկիրը չի կարող բավարարել նույնիսկ ներկա բնակչության կարիքները առանց հողի, ջրի, էներգիայի, կենսաբազմազանության և ռեսուրսների օգտագործման հիմնարար վերափոխման։

Հետազոտության հեղինակների կարծիքով՝ Երկրի ապահով և կայուն բնակչությունը մոտ 2,5 միլիարդ մարդ է, ինչը համապատասխանում է 20-րդ դարի կեսի մակարդակին։ Գիտնականները կոչ են անում հասարակությանը վերանայել ռեսուրսների օգտագործման մոտեցումները՝ կանխելու համար ապագայում Երկրի համար աղետալի իրավիճակների առաջացումը։

ՖԻՖԱ-ն իր խիստ դժգոհությունն է հայտնել մարտի վերջին կայացած Իսպանիա — Եգիպտոս (0-0) ընկերական հանդիպման ժամանակ տեղի ունեցած սկանդալային միջադեպերի կապակցությամբ։ Համաշխարհային ֆուտբոլի ղեկավար մարմինը արդեն կարգապահական վարույթ է հարուցել Իսպանիայի ֆուտբոլի ֆեդերացիայի դեմ։

Ըստ նախնական տեղեկությունների, առաջիկա խաղերում մարզադաշտը հանդիսականների համար փակելու որոշում չի կայացվի: