ՖԻՖԱ-ն իր խիստ դժգոհությունն է հայտնել մարտի վերջին կայացած Իսպանիա — Եգիպտոս (0-0) ընկերական հանդիպման ժամանակ տեղի ունեցած սկանդալային միջադեպերի կապակցությամբ։ Համաշխարհային ֆուտբոլի ղեկավար մարմինը արդեն կարգապահական վարույթ է հարուցել Իսպանիայի ֆուտբոլի ֆեդերացիայի դեմ։
Բարսելոնայի արվարձանում կայացած խաղի ժամանակ տեղի երկրպագուները նախ սուլել են Եգիպտոսի ազգային օրհներգի ժամանակ, ինչից հետո տրիբունաներից հնչել են ռասիստական և կրոնական խտրականություն պարունակող վանկարկումներ, մասնավորապես՝ «Ով չի ցատկում, մուսուլման է» արտահայտությունը։
Սպասվում է, որ ՖԻՖԱ-ի կարգապահական կոմիտեն կկիրառի համապատասխան պատժամիջոցներ, որոնք կարող են ներառել ինչպես ֆինանսական տուգանք, այնպես էլ Իսպանիայի հավաքականի հաջորդ հանդիպումներում հակառասիստական պաստառներ ու կարգախոսներ տեղադրելու պարտադրանք։
Ըստ նախնական տեղեկությունների, առաջիկա խաղերում մարզադաշտը հանդիսականների համար փակելու որոշում չի կայացվի: