Author: Julbaz

«Ականատես» դիտորդական առաքելությունը հայտնում է. «Միջոցառմանը ուղղորդված մասնակցության վերաբերյալ
     2026 թվականի ապրիլի 19-ին Գյումրու Վարդանանց հրապարակում տեղի է ունեցել «Խաղաղության ձայնը» երաժշտական փառատոնը, որի շրջանակներում ելույթ է ունեցել նաև ՀՀ վարչապետ Նիկոլ Փաշինյանի մասնակցությամբ «Վարչաբենդ» խումբը։
     «Ականատես» դիտորդական առաքելության դիտորդների կողմից արձանագրվել է մարդկանց ուղղորդված մասնակցություն միջոցառմանը։
     Մասնավորապես, առաքելությանը փոխանցված տեղեկությունների համաձայն, Ախուրյան համայնքի ենթակայության տակ գտնվող նախադպրոցական ուսումնական հաստատությունների անձնակազմերին հրահանգվել է ապահովել պարտադիր ներկայություն միջոցառմանը։ Ըստ տեղեկությունների, աշխատակիցներից պահանջվել է նաև կազմակերպել տեղափոխումը սեփական տրանսպորտային միջոցներով։
     Զուգահեռաբար, առաքելությունը տեղեկություններ է ստացել նաև կրթական այլ հաստատությունների ուղղորդման վերաբերյալ։ Ահազանգերի համաձայն՝ իշխող Քաղաքացիական պայմանագիր կուսակցության Գյումրիի գրասենյակի ներկայացուցիչների կողմից Ախուրյան համայնքի դպրոցների տնօրինություններին տրվել են համապատասխան ցուցումներ՝ մանկավարժական կոլեկտիվների մասնակցությունը համերգին ապահովելու նպատակով։
     «Ականատեսն» արձանագրում է, որ քաղաքական լծակների կիրառումը ուսումնական հաստատությունների, նախադպրոցական ուսումնական հաստատությունների աշխատողների կամքի վրա ներազդելու նպատակով խաթարում է քաղաքական մրցակցության հավասարությունը և հակասում ժողովրդավարական գործընթացների սկզբունքներին։
     Հատկանշական է, որ ԵԱՀԿ/ԺՀՄԻԳ-ի կողմից վարչական ռեսուրսի չարաշահումը սահմանվում է որպես անհիմն առավելություն, որը ձեռք է բերվել որոշակի կուսակցությունների կամ թեկնածուների կողմից իրենց պաշտոնեական դիրքը կամ պետական կառույցների հետ կապերը օգտագործելու միջոցով՝ ընտրությունների արդյունքների վրա ազդելու նպատակով։
     «Ականատեսը» վերահաստատում է իր կոչը բոլոր քաղաքական ուժերին և պատասխանատու անձանց՝ ձեռնպահ մնալ քաղաքացիների ազատ կամարտահայտման վրա ճնշումներից կամ անուղղակի ազդեցություններից։
     «Ականատես» դիտորդական առաքելության նպատակն է հանրային անկողմնակալ հսկողության միջոցով նպաստել ազատ և արդար ընտրությունների անցկացմանը, ընտրական գործընթացների օրինավորությանը: «Ականատես»-ը գործում է անկախ՝ պահպանելով անկողմնակալության սկզբունքը և զերծ մնալով այնպիսի գործողություն կատարելուց, որը կարող է մեկնաբանվել որպես աջակցություն, քարոզչություն կամ հակաքարոզչություն ընտրություններին մասնակցող որևէ կուսակցության (կուսակցությունների դաշինքի) օգտին կամ դեմ»:

«Ականատես» դիտորդական առաքելությունը հայտնում է. «Միջոցառմանը ուղղորդված մասնակցության վերաբերյալ
     2026 թվականի ապրիլի 19-ին Գյումրու Վարդանանց հրապարակում տեղի է ունեցել «Խաղաղության ձայնը» երաժշտական փառատոնը, որի շրջանակներում ելույթ է ունեցել նաև ՀՀ վարչապետ Նիկոլ Փաշինյանի մասնակցությամբ «Վարչաբենդ» խումբը։
     «Ականատես» դիտորդական առաքելության դիտորդների կողմից արձանագրվել է մարդկանց ուղղորդված մասնակցություն միջոցառմանը։
     Մասնավորապես, առաքելությանը փոխանցված տեղեկությունների համաձայն, Ախուրյան համայնքի ենթակայության տակ գտնվող նախադպրոցական ուսումնական հաստատությունների անձնակազմերին հրահանգվել է ապահովել պարտադիր ներկայություն միջոցառմանը։ Ըստ տեղեկությունների, աշխատակիցներից պահանջվել է նաև կազմակերպել տեղափոխումը սեփական տրանսպորտային միջոցներով։
     Զուգահեռաբար, առաքելությունը տեղեկություններ է ստացել նաև կրթական այլ հաստատությունների ուղղորդման վերաբերյալ։ Ահազանգերի համաձայն՝ իշխող Քաղաքացիական պայմանագիր կուսակցության Գյումրիի գրասենյակի ներկայացուցիչների կողմից Ախուրյան համայնքի դպրոցների տնօրինություններին տրվել են համապատասխան ցուցումներ՝ մանկավարժական կոլեկտիվների մասնակցությունը համերգին ապահովելու նպատակով։
     «Ականատեսն» արձանագրում է, որ քաղաքական լծակների կիրառումը ուսումնական հաստատությունների, նախադպրոցական ուսումնական հաստատությունների աշխատողների կամքի վրա ներազդելու նպատակով խաթարում է քաղաքական մրցակցության հավասարությունը և հակասում ժողովրդավարական գործընթացների սկզբունքներին։
     Հատկանշական է, որ ԵԱՀԿ/ԺՀՄԻԳ-ի կողմից վարչական ռեսուրսի չարաշահումը սահմանվում է որպես անհիմն առավելություն, որը ձեռք է բերվել որոշակի կուսակցությունների կամ թեկնածուների կողմից իրենց պաշտոնեական դիրքը կամ պետական կառույցների հետ կապերը օգտագործելու միջոցով՝ ընտրությունների արդյունքների վրա ազդելու նպատակով։
     «Ականատեսը» վերահաստատում է իր կոչը բոլոր քաղաքական ուժերին և պատասխանատու անձանց՝ ձեռնպահ մնալ քաղաքացիների ազատ կամարտահայտման վրա ճնշումներից կամ անուղղակի ազդեցություններից։
     «Ականատես» դիտորդական առաքելության նպատակն է հանրային անկողմնակալ հսկողության միջոցով նպաստել ազատ և արդար ընտրությունների անցկացմանը, ընտրական գործընթացների օրինավորությանը: «Ականատես»-ը գործում է անկախ՝ պահպանելով անկողմնակալության սկզբունքը և զերծ մնալով այնպիսի գործողություն կատարելուց, որը կարող է մեկնաբանվել որպես աջակցություն, քարոզչություն կամ հակաքարոզչություն ընտրություններին մասնակցող որևէ կուսակցության (կուսակցությունների դաշինքի) օգտին կամ դեմ»:

Մամուլի ազգային ակումբի նախագահ Նարինե Մկրտչյանի ֆեյսբուքյան գրառումը․ «Հրապարակվել է Եվրոպայում և արաբական աշխարհի երկրներում 1990-2022 թթ․ բնակչության փոփոխության քարտեզը։ Այն ներկայացնում է բնակչության աճի կամ նվազման տարբեր տեմպեր․ կանաչը՝ ցույց է տալիս աճը, իսկ կարմիր երանգները՝ անկումը:
     Քարտեզից ակնհայտ է դառնում, որ արաբական աշխարհի երկրներում բնակչության զգալի աճ է գրանցվել․ Իրաքում՝ +151.4% Սաուդյան Արաբիայում՝+127.5%, Եգիպտոսում՝ +94.1%:
     Հետաքրքիր է, որ պատրեազմող Իսրայելի բնակչությունը նույնպես այս ընթացքում ավելի քան կրկնապատկվել է:
     Մինչդեռ Արևելյան Եվրոպայում բնակչության անկում է արձանագրվել։ Ուկրաինայում՝ -28.9%, Բոսնիայում՝ -28.9%, Լատվիայում՝-28.6%, Բուլղարիայում՝-25.3%։ Ինչպես նշված է քարտեզի կից վերուծության մեջ՝ այս անկումը բնորոշ է հետխորհրդային և բալկանյան շատ պետությունների, որոնք հաճախ բախվում են արտագաղթի, ցածր ծնելիության մակարդակի և ծերացող բնակչության հետ։
     Արևմտյան Եվրոպայի մի շարք երկրնրեում աճ է արձնագարվել՝ Մեծ Բրիտանիա՝ +16.9%, Ֆրանսիա՝+17.1% և Իսպանիա՝ +22.4%։ Այս ցուցանիշները համարվում են բնակչության չափավոր աճ, որը պայմանավորված է միգրացիայի և կայուն ծնելիության մակարդակի համադրությամբ։ Սկանդինավյան երկրներում, ինչպիսիք են Նորվեգիան +31% և Շվեդիան՝ +22.1%, նույնպես բնակչության աճ է գրանցվել, Իսլանդիա՝ +52%, Իռլանդիա՝+45.7%, Շվեյցարիա՝+31.3%;։
     Այս փոքր երկրները Արևմտյան և Հյուսիսային Եվրոպայում ամենամեծ աճն են գրանցել, որը բացատրվում է տնտեսական բարձր աճով։
     Մինչ Եվրոպայի մեծ մասը բնակչության անկման առջև է կանգնած, արաբական աշխարհում արձանագրվում է արագ և մեծ աճ, որը կարելի է վերագրել ավելի բարձր ծնելիության մակարդակին, երիտասարդ բնակչությանը և տարածաշրջանային միգրացիային։
     Ադրբեջանում բնակչության աճի ցուցանիշը 41․7% է կազմել, Վրաստանում՝ անկումը ՝ -22,7%, Հայաստանի դեպքում բնակչության անկում է գրանցված, սակայն քարտեզում մեր երկրի թվերը չեն երևում։
     Սա՛ է Հայաստանի անվտանգության հիմնական խնդիրը՝ բնակչության թվի անկումը, որը, ցավալիորեն, միշտ արձանագրվում է ՀՀ բոլոր կառավարիչների օրոք»: