Author: Julbaz

Լոռու մարզ կատարած աշխատանքային այցի շրջանակում Մարդու իրավունքների պաշտպան Անահիտ Մանասյանը Պաշտպանի աշխատակազմի ներկայացուցիչների հետ աշխատանքային քննարկում է անցկացրել ՄԻՊ աշխատակազմի Լոռու մարզային ստորաբաժանման գրասենյակում։

Քննարկման ընթացքում անդրադարձ է կատարվել ստորաբաժանման գործունեության կազմակերպման մի շարք հարցերի։ Ամփոփվել են Լոռու մարզին վերաբերելի` մարդու իրավունքներին առնչվող խնդիրները, քննարկվել դրանց լուծմանն ուղղված առաջարկները։

Մասնավորապես՝ քննարկվել են թափառող կենդանիների հետ կապված հարցը, համայնքային ենթակառուցվածքների մատչելիության ապահովումը, բռնի տեղահանված անձանց, հաշմանդամություն ունեցող, ազատությունից զրկված անձանց իրավունքների պաշտպանությունը, առողջության համընդհանուր ապահովագրության համակարգին առնչվող, ինչպես նաև սոցիալ-տնտեսական բնույթի հիմնահարցերն ու դրանց համակարգային լուծման հնարավորությունները։

Քննարկվել են նաև քաղաքացիների կողմից բարձրացված հարցերի շրջանակը, աշխատանքի հիմնական ուղղություններն ու կիրառվող մեթոդաբանությունը, ինչպես նաև պետական իրավասու մարմինների հետ համագործակցության արդյունավետությունը՝ քաղաքացիների խնդիրների լուծման տեսանկյունից։

Խորհրդակցության ընթացքում անդրադարձ է կատարվել նաև աշխատանքային մեթոդաբանությանը վերաբերող մի շարք հարցերի, տրվել են համապատասխան հանձնարարականներ։

Պաշտպանը կարևորել է մարզային այցելությունների շարունակական իրականացումը՝ նշելով, որ դրանք հնարավորություն են տալիս տեղում ծանոթանալու մարդու իրավունքներին վերաբերելի խնդիրներին և առավել հասցեական արձագանքելու դրանց։

Երևանի քաղաքապետարանի գործակարգավարական նիստում անդրադարձ է եղել Նուբարաշենի աղբավայրի պայթյունին։ Զեկուցվել է, որ սանհանգույցում արտառոց հոտ է տարածվել, տնօրենը փորձել է ճշտել՝ ինչով է պայմանավորված, և երբ մտել ու լույսը վառել է, պայթյուն է տեղի ունեցել։ Նրա և աշխատակցի վիճակը կայուն ծանր է։

Տիգրան Ավինյանը, արձագանքելով կատարվածին, նշել է. «Աղբավայրում ամբողջական մոնիտորինգ պետք է անցկացնենք։ Շատ վատ դեպք է եղել։ Բավականին վտանգավոր միջավայր է և պետք է համապատասխան սարքավորումներով հագեցած լինի բոլոր հատվածները, որտեղ գտնվում են մարդիկ»։

Ըստ քաղաքապետի՝ աղբավայրում շատ մեծ ծավալի աշխատանք է արվել. «Բայց նման դեպքերը ցույց են տալիս, որ անվտանգության կանոնների հետ կապված անելիք ունենք։

Երևանի քաղաքապետ Տիգրան Ավինյանը հայտարարել է, որ նախկինում տրանսպորտի համար չվճարող անձանց վճարելու հաշվին երկու շաբաթվա ընթացքում հավաքվել է մոտ 8 նոր ավտոբուսի գումար։ «Որքան էլ մեր նոր մեթոդը որոշակի անհարմարություններ ստեղծում է, այնուամենայնիվ, հավաքագրման ու կարգապահության տեսանկյունից այն բավական էֆեկտիվ է»,- ասել է քաղաքապետը։

«Մոտակա շաբաթների ընթացքում սպասում ենք 45 նոր տրոլեյբուս»,- նշել է նա՝ հավելելով, որ 170 նոր ավտոբուսի գնման հայտը պետք է պատրաստել։

Քաղաքապետին զեկուցվել է, որ այժմ տրոլեյբուսները ճանապարհին են՝ ՌԴ-ում։

Երևանի քաղաքապետարանի գործակարգավարական նիստում ներկայացվել է մետրոպոլիտենի Աջափնյակ կայարանի կառուցման ուղղությամբ կատարվող աշխատանքները։

Քաղաքապետ Տիգրան Ավինյանը հայտարարել է, որ «Աջափնյակի մետրոյի կայարանը մեր ամենամեծ առաջնահերթությունն է»։ Նա հանձնարարել է ամեն շաբաթ զեկուցել այդ ուղղությամբ տարվող աշխատանքները։ «Սա դառնալու է նորմա մինչև այն պահը, երբ մենք բուն իրական շինարարությունը սկսելու ենք այնտեղ»,- ասել է նա։