Author: Julbaz

Ռուսաստանաբնակ հայտնի դիմահարդար Գոհար Ավետիսյանը, որը սովորաբար աչքի է ընկնում իր լավատեսությամբ և շքեղ կյանքի կադրերով, այս անգամ ներկայացել է բոլորովին այլ վիճակում։

Դիմահարդարը հերթական հոլովակն է հրապարակել, որտեղ չի կարողացել զսպել արցունքները։ Արցունքն աչքերին Գոհարը հայտնել է, որ Ինստագրամի ադմինիստրացիան հեռացրել է նրա վերջին մի քանի հրապարակումները։ Պատճառը հեղինակային իրավունքների խախտումն է եղել (մասնավորապես՝ օգտագործված երաժշտության հետ կապված)։

«Ես շաբաթներ շարունակ աշխատում եմ ամեն մի հոլովակի վրա, հոգի եմ դնում, ու մեկ վայրկյանում այդ ամենը պարզապես անհետանում է»,- դժգոհել է նա։

Գոհար Ավետիսյանը հաճախ է քննադատվում հետևորդների կողմից՝ իր չափազանցված էմոցիոնալության և տեսախցիկի առջև լաց լինելու համար։ Շատերը սա համարում են հերթական «հայպի» միջոց՝ լսարանի ուշադրությունը գրավելու և դիտումները բարձրացնելու համար։ Հարկ է նշել, որ սա միակ փորձությունը չէ Գոհարի կյանքում։

Վերջին տարիներին նա գտնվում է մշտական ուշադրության կենտրոնում հետևյալ պատճառներով. բազմաթիվ պլաստիկ վիրահատություններից հետո Գոհարը դեռ շարունակում է պայքարել կատարյալ մարմնի համար, ինչը հաճախ ուղեկցվում է առողջական բարդություններով։ Երկու ամուսնալուծություններից հետո նա միայնակ է մեծացնում որդուն՝ Գասպարին, և հաճախ է կիսվում միայնակ մոր դժվարություններով։

Նրա դիմահարդարման դասընթացները ևս հաճախ են հայտնվում քննադատության թիրախում՝ բարձր գների և «ինֆոգնչիության» (инфоцыганство) մեջ մեղադրվելու պատճառով։ Այս նոր միջադեպը ևս մեկ անգամ ապացուցեց, որ նույնիսկ միլիոնավոր հետևորդներ և մեծ եկամուտներ ունեցող բլոգերները պաշտպանված չեն սոցիալական հարթակների խիստ կանոններից։

Մեկնարկել է Երևան-Գյումրի ավտոերթը՝ ՀՀ վարչապետ Նիկոլ Փաշինյանի մասնակցությամբ:

Միջոցառումը նվիրված է «Հյուսիս-Հարավ» ավտոմայրուղու Աշտարակ-Գյումրի հատվածի բացմանը:

Փաշինյանը հրապարակել է նաև միջոցառման ծրագիրը: Գյումրիում նախատեսվում է այցելել թանգարաններ, եկեղեցիներ, սրճարաններ, ռեստորաններ, զբոսնել քաղաքում, շփվել բնակչության հետ: Ժամը 17: 00-ին Վարդանանց հրապարակում տեղի կունենա համերգ ՝ «Վարչաբենդի» մասնակցությամբ։

Այսօր՝ ապրիլի 19-ին, ՀՀ վարչապետ Նիկոլ Փաշինյանը ավտոերթ է կազմակերպել Երևանից Գյումրի:

Վաղ առավոտյան Փաշինյանը ճանապարհ է ընկել՝ ողջունելով երթի մասնակիցներին:

Վարելու ընթացքում Փաշինյանը գերազանցել է արագությունը՝ նկարվելով դրա համար:

«Նկարվեցի՞նք, հա՞, բայց ինչի՞, կարող ա՞ մղոններով ա գրած, ա՜յ քեզ բան, ինչքա՞ն տուգանվեցի, շատ արագ չէր»,- ասում է Փաշինյանն ուղիղ եթերում:

Տեսանյութ:

Հանրապետության տարածքում ապրիլի 19-ի ցերեկը, 20-ին և 21-ին ժամանակ առ ժամանակ շրջանների զգալի մասում սպասվում է անձրև, հնարավոր է ամպրոպ։

Ապրիլի 23-ի ցերեկն առանձին շրջաններում սպասվում են տեղումներ։ Ապրիլի 19-ի երեկոյան ժամերին, 20-ին առանձին շրջաններում տեղումները կլինեն ինտենսիվ։

Ապրիլի 20-ին և 21-ին տեղումները լեռնային շրջաններում գիշերը և առավոտյան ժամերին կլինեն թաց ձյան տեսքով։ Ապրիլի 22-ին, 23-ի գիշերն սպասվում է առանց տեղումների եղանակ։ Քամին` հարավարևմտյան է` 2-5 մ/վ, ամպրոպի ժամանակ սպասվում է նաև քամու ուժգնացում 16-19 մ/վ արագությամբ:

Օդի ջերմաստիճանն ապրիլի 19-20-ի գիշերային ժամերին աստիճանաբար կբարձրանա 3-5 աստիճանով, 20-ի ցերեկը կնվազի 4-6 աստիճանով։

Երևանում ապրիլի 19-21-ը ժամանակ առ ժամանակ, 23-ին կեսօրից հետո սպասվում է անձրև և ամպրոպ, ապրիլի 20-ին՝ ինտենսիվ։ Ամպրոպի ժամանակ՝ քամու ուժգնացում մինչև 15-18 մ/վ արագությամբ։ Ապրիլի 22-ին, 23-ի գիշերն սպասվում է առանց տեղումների եղանակ։

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են:

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները։

Վարորդներին հորդորում ենք երթևեկել բացառապես ձմեռային անվադողերով։

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Բագրատ Սրբազանը ինքն իրեն զրկել է Սուրբ Պատարագի Հաղորդության խորհրդից. այս մասին տեղեկացնում է փաստաբան Սերգեյ Հարությունյանը:

Քիչ առաջ դուրս եկա Երևան-Կենտրոն քրեակատարողական հիմնարկից, ուր այցելել էի Բագրատ Սրբազանին:

Վստահ եմ, որ տեղյակ եք ՀՀ ԱՆ քրեակատարողական ծառայության նոր որոշման մասին, որին արդեն իսկ արձագանքել է Մայր Աթոռ Սուրբ Էջմիածինը:

Այս պատճառով Բագրատ Սրբազանը ինքն իրեն զրկել է Սուրբ Պատարագի Հաղորդության խորհրդից` իր ամենաթանկից:

Հավելեմ, որ ՀՀ ԱՆ քրեակատարողական ծառայության այս նոր «քաղաքականությունը» ոչ միայն անարգում է Հայոց Եկեղեցու դավանորդների կրոնական զգացմունքները, այլև խախտում է «Հայաստանի Հանրապետության և Հայաստանյայց Առաքելական Սուրբ Եկեղեցու հարաբերությունների մասին» ՀՀ օրենքի 10-րդ հոդվածը, համաձայն որի՝ «Հայաստանյայց Առաքելական Սուրբ Եկեղեցին իրավունք ունի ունենալու մշտական հոգևոր ներկայացուցիչ […] ազատազրկման վայրերում […]»։
Փաստաբան Սերգեյ Հարությունյան

Բագրատ Սրբազանը ինքն իրեն զրկել է Սուրբ Պատարագի Հաղորդության խորհրդից. այս մասին տեղեկացնում է փաստաբան Սերգեյ Հարությունյանը:

Քիչ առաջ դուրս եկա Երևան-Կենտրոն քրեակատարողական հիմնարկից, ուր այցելել էի Բագրատ Սրբազանին:

Վստահ եմ, որ տեղյակ եք ՀՀ ԱՆ քրեակատարողական ծառայության նոր որոշման մասին, որին արդեն իսկ արձագանքել է Մայր Աթոռ Սուրբ Էջմիածինը:

Այս պատճառով Բագրատ Սրբազանը ինքն իրեն զրկել է Սուրբ Պատարագի Հաղորդության խորհրդից` իր ամենաթանկից:

Հավելեմ, որ ՀՀ ԱՆ քրեակատարողական ծառայության այս նոր «քաղաքականությունը» ոչ միայն անարգում է Հայոց Եկեղեցու դավանորդների կրոնական զգացմունքները, այլև խախտում է «Հայաստանի Հանրապետության և Հայաստանյայց Առաքելական Սուրբ Եկեղեցու հարաբերությունների մասին» ՀՀ օրենքի 10-րդ հոդվածը, համաձայն որի՝ «Հայաստանյայց Առաքելական Սուրբ Եկեղեցին իրավունք ունի ունենալու մշտական հոգևոր ներկայացուցիչ […] ազատազրկման վայրերում […]»։
Փաստաբան Սերգեյ Հարությունյան