«Ինչպես խոստացել էինք, այն կվերանորոգվի մինչև ապրիլի վերջ՝ ոչ ամբողջությամբ, սակայն բավականաչափ, որպեսզի կարողանա գործել»,- ասել է նա, հաղորդում է «Украинская правда»-ն։
Նա հավելել է, որ նավթի բոլոր ամբարները միաժամանակ չեն վերանորոգվի, քանի որ դա երկարատև գործընթաց է։
Դեպքի փաստով ՊԾ Երևան քաղաքի գնդի 4-րդ գումարտակում փաստաթղթեր են կազմվում։
Տեղում «Tesla»-ի վարորդը պարեկներին հայտնել է, որ մեկ այլ ավտոմեքենա իր համար ստեղծել է վթարային իրավիճակ։
Տեղում պարեկները պարզել են, որ վթարի վայրից մոտ 500 մետր հեռավորության վրա՝ բակային հատվածում, կայանված է «Opel» մակնիշի ավտոմեքենա, որի վարորդը սակայն հերքում է, որ ինքը վթարային իրավիճակ է ստեղծել։
Պարեկային ծառայությունը պարզում է ավտոմեքենաների սեփականատերերի և վարորդների ինքնությունը։
Հայաստանի հակակոռուպցիոն կոմիտեում քննվող քրեական վարույթի շրջանակում ձերբակալվել է 14 անձ՝ ընտրակաշառք տալու և ստանալու մեղադրանքներով:
«Արմենպրես»-ին այս մասին հայտնեցին ՀՀ հակակոռուպցիոն կոմիտեից՝ մեկնաբանելով «Ուժեղ Հայաստան» կուսակցության անդամ Գոհար Մելոյանի հայտարարությունն այն մասին, որ կուսակցության համակիրներ և անդամներ են բերման ենթարկվել։
Հակակոռուպցիոն կոմիտեից նաև հայտնեցին, որ անհրաժեշտության դեպքում կտրվի լրացուցիչ տեղեկատվություն:
«Անցած գիշերվա ընթացքում հերթապահ ՀՕՊ միջոցներով որսացվել և ոչնչացվել են ինքնաթիռային տիպի 207 ուկրաինական անօդաչու թռչող սարքեր», — ասվում է հրապարակման մեջ։
Նշվում է, որ թիրախները խոցվել են Բելգորոդի, Սմոլենսկի, Կուրսկի, Բրյանսկի, Օրյոլի մարզերի, Կրասնոդարի երկրամասի, Ղրիմի Հանրապետության տարածքների, ինչպես նաև Սև և Ազովի ծովերի ջրային տարածքների վրա։
ԱՄՆ-ն արտադրում է ավելի շատ միջուկային զենք, քան երբևէ Սառը պատերազմի ժամանակներից ի վեր։ «Արմենպրես»-ի փոխանցմամբ՝ այս մասին հայտարարել է ԱՄՆ էներգետիկայի նախարար Քրիս Ռայթը Կոնգրեսի Ներկայացուցիչների պալատի հատկացումների հանձնաժողովի լսումների ժամանակ։ Համապատասխան տեսանյութը տարածել է American Public Television-ը։
Ռայթի խոսքով՝ ԱՄՆ Էներգետիկայի նախարարությանը կից Միջուկային անվտանգության ազգային վարչությունը «կատարում է անվտանգ, հուսալի և նոր և զարգացող սպառնալիքների հանդեպ արդյունավետ զսպման ապահովման առաքելությունը»։ «Վարչությունը մատակարարում է ավելի շատ նոր սպառազինություններ, քան երբևէ Սառը պատերազմի ավարտից հետո ընկած ժամանակաշրջանում», – հայտարարել է Ռայթը։
Նա նշել է, որ խոսքը, մասնավորապես, պլուտոնիումային միջուկների արտադրության, ինչպես նաև «միջուկային մարտագլխիկների արդիականացման յոթ ծրագրերի» իրականացման մասին է։ «Տեղի է ունենում միջուկային վերածնունդ», – հավելել է նա։
Ռազմավարական հարձակողական սպառազինությունների հետագա կրճատման և սահմանափակման միջոցների մասին ռուս-ամերիկյան պայմանագրի ժամկետը լրացել է փետրվարի 5-ին։ Միացյալ Նահանգները չի արձագանքել Ռուսաստանի առաջարկին՝ ևս մեկ տարվա ընթացքում հետևել դրա հիմնական սահմանափակումներին։ Վաշինգտոնը ցանկանում է նմանատիպ եռակողմ համաձայնագիր կնքել Չինաստանի մասնակցությամբ։ Չինաստանը նշում է, որ իր միջուկային զինանոցը զգալիորեն փոքր է ԱՄՆ-ի և Ռուսաստանի զինանոցներից:
Գեղարքունիքի մարզի Մարտունի և Վարդենիս համայնքներում շուտով կգործարկվեն կանոնավոր ուղևորափոխադրումներ՝ ապահովելով ավելի հարմարավետ և հասանելի տեղաշարժ բնակիչների համար։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, ՀՀ տարածքային կառավարման և ենթակառուցվածքների նախարարությունն արդեն հայտարարել է մրցույթ՝ միասնական երթուղային ցանցերի ձևավորման նպատակով։ Արդյունքում՝ հաղթող են ճանաչվել համայնքների կողմից ստեղծված «Մարտունու համայնքային տրանսպորտ» և «Վարդենիսի տրանսպորտ» ՓԲԸ-ները։
Ըստ նախատեսված գործընթացի՝ Մարտունի համայնքը ձեռք կբերի 19, Վարդենիս համայնքը՝ 27 նոր միկրոավտոբուս։
Նոր տրանսպորտային միջոցներով կիրականացվեն ինչպես միջմարզային, այնպես էլ ներհամայնքային ուղևորափոխադրումներ։
«ՀՀ ՏԿԵ նախարարությունն արդեն պայմանագրեր է կնքել ընկերությունների հետ, որոնց համաձայն՝ առաջիկա 6 ամսվա ընթացքում պետք է ներմուծվեն անհրաժեշտ տրանսպորտային միջոցները, և տրվի ուղևորափոխադրումների գործընթացի մեկնարկը։ Ծրագիրը կարևոր քայլ է մարզում բնակչության շարժունակության բարելավման և համայնքների զարգացման ուղղությամբ»,-ներկայացրին Գեղարքունիքի մարզպետի աշխատակազմից։
Միացյալ Թագավորության գանձապետարանը հրաժարվել է 200 միլիոն ֆունտ ստեռլինգ (271 միլիոն դոլար) ուղղել Պաշտպանության նախարարության նախապատրաստական աշխատանքներին՝ կապված հրադադարից հետո Ուկրաինայում բրիտանական զորքերի հնարավոր տեղակայման հետ։ Այժմ պաշտպանական գերատեսչությունը ստիպված է ինքնուրույն վճարել այդ ձեռնարկի համար՝ առաջիկա չորս տարիներին 28 միլիարդ ֆունտ ստեռլինգի (38 միլիարդ դոլար) ֆինանսավորման դեֆիցիտի պայմաններում: Այս մասին հաղորդում է ՏԱՍՍ-ը՝ հղում անելով Financial Times-ին։
Այս միջոցները, ըստ ՊՆ հայտարարության, նախատեսված են տեխնիկայի, կապի համակարգերի արդիականացման, անօդաչու թռչող սարքերից նոր պաշտպանության և զորքերի պաշտպանության համար լրացուցիչ սարքավորումների համար։ Կառավարական աղբյուրների համաձայն՝ Ֆինանսների նախարարությունն ի սկզբանե հասկացրել էր, որ այս նախապատրաստական գործողությունը կֆինանսավորի կառավարական հիմնադրամի միջոցներից, որոնք նախատեսված են բացառիկ հանգամանքներում գործողությունների համար։ Սակայն այնուհետև հրաժարվել է դրանից՝ բյուջետային կարգապահության խստացման պայմաններում։
«Հարցը, թե ով պետք է ֆինանսավորի Մեծ Բրիտանիայի ներդրումը առաքելության մեջ՝ Գանձապետարանը, թե՞ Պաշտպանության նախարարությունը, դարձել է թագավորությունում ռազմական ծախսերի շուրջ ավելի լայն վեճերի մաս»,- ասվում է հրապարակման մեջ։
Հունվարի 6-ին Բրիտանիայի վարչապետ Կիր Ստարմերը, Ֆրանսիայի նախագահ Էմանուել Մակրոնը և Վլադիմիր Զելենսկին Ֆրանսիայի մայրաքաղաքում «ցանկացողների կոալիցիայի» հանդիպման արդյունքներով ստորագրել են հռչակագիր՝ հրադադարից հետո Ուկրաինայում զորքեր տեղակայելու Լոնդոնի և Փարիզի մտադրության մասին։ Գագաթնաժողովի ավարտին կայացած մամուլի ասուլիսում Բրիտանիայի վարչապետը հայտնել է, որ Մեծ Բրիտանիան և Ֆրանսիան մտադիր են ռազմական հաբեր ստեղծել ողջ Ուկրաինայում և կառուցել սպառազինության ու ռազմական տեխնիկայի պահեստներ ուկրաինական տարածքում։ Նա նաև հայտարարել է, որ Լոնդոնը կմասնակցի ԱՄՆ-ի գլխավորած առաքելությանը՝ հակամարտության դադարեցումից հետո Ուկրաինայում հրադադարի ռեժիմի պահպանմանը հետևելու համար։
«ՆԱՏՕ-ի պաշտոնյաները դժգոհություն են հայտնել ԵՄ վերջին նախաձեռնություններից, այդ թվում՝ այսպես կոչված «անօդաչու թռչող սարքերի պատ» ստեղծելու և ԵՄ կենտրոնական ռազմական շտաբը ամրապնդելու ծրագրերից։
Այս միջոցառումները դիտվում են որպես վերազինումը իր ժառանգության կենտրոնական մասը դարձնելու ֆոն դեր Լեյենի ջանքերի մի մաս», – նշվում է հրատարակության մեջ։ Դաշինքի անանուն դիվանագետի խոսքով՝ Եվրահանձնաժողովը պետք է կենտրոնանա այն ոլորտների վրա, որոնցում արդեն իսկ ունի փորձագիտություն։
Երեկ Ալլա Պուգաչովան նշելմ է իր 77-ամյակը։ Պրիմադոննային շնորհավորանքներ են հեղեղել բառացիորեն բոլորը՝ ընտանիքի անդամներից մինչև գործընկերներ և երկրպագուներ, որոնց թիվը հասնում է մի քանի միլիոնների։
Ժողովրդական արտիստը նշել է իր ծննդյան օրը Կիպրոսում, որտեղ վերջերս ապրում էր իր ամուսնու՝ Մաքսիմ Գալկինի և երեխաների հետ։ Այդ օրը նրանց միացել են նաև ընտանիքի այլ անդամներ, որոնք ժամանել էին Միացյալ Նահանգներից՝ Քրիստինա Օրբակայտեն, նրա ամուսինը՝ Միխայիլ Զեմցովը, և նրա որդին Վլադիմիր Պրեսնյակովի հետ՝ Նիկիտան։
Պրիմադոննայի դուստրը տոնական լուսանկար է հրապարակել։ «Տոնում եմ», – լուսանկարը մակագրել է Քրիստինան։ Ալլա Բորիսովնայի և Գալկինի երեխաները՝ Լիզան և Հարրին, լուսանկարում հայտնվել են մեծահասակների հետ միասին։
Հոբելյարը եղել է սև, հատակին հասնող երեկոյան զգեստով։ Պուգաչովան կրում էր քարերով զարդարված հսկայական վզնոց։ Նրա դուստրը՝ Լիզան, հագել էր սպիտակ զգեստ և սպորտային կոշիկներ, իսկ որդին՝ սպիտակ վերնաշապիկ և սև տաբատ։ «Զումերի սիրահար» Գալկինը հագել էր սպիտակ պոլո շապիկ, բեժ տաբատ և մանանեխի գույնի բաճկոն։
Իսլամաբադում ԱՄՆ-Իրան խաղաղության բանակցությունների երկրորդ փուլի ամսաթվերը դեռևս որոշված չեն, ճեպազրույցի ժամանակ հայտարարել է Պակիստանի արտաքին գործերի նախարարության խոսնակ Թահիր Անդրաբին։
«Բանակցությունների հաջորդ փուլի ամսաթվերը դեռ որոշված չեն», – ասել է դիվանագետը։
«Ես այս հարցի վերաբերյալ պաշտոնական հայտարարություն չունեմ։ Մենք կհայտարարենք բանակցությունների ժամանակը, եթե որոշում կայացվի»,-ասել է նա։