Անթալիայի դիվանագիտական համաժողովի շրջանակներում Հայաստանի արտաքին գործերի նախարարի տեղակալ Վահան Կոստանյանը հանդիպել է Արաբական Միացյալ Էմիրությունների նախագահի դիվանագիտական հարցերով խորհրդական Անվար Գարգաշի հետ: Այս մասին հայտնում են ԱԳՆ-ից:
Զրուցակիցները քննարկել են ՀՀ-ԱՄԷ երկկողմ, մասնավորապես՝ տնտեսական համագործակցությանը վերաբերող հարցեր: Մտքեր են փոխանակվել Մերձավոր Արևելքում տիրող անվտանգային իրավիճակի շուրջ։
ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանն իր ֆեյսբուքյան էջում հրապարակած տեսանյութով անդրադարձել է ընտրակաշառքի գործով ձերբակալված Գոհար Ղումաշյանի («Կալուգացի Սամոյի» թիմակից) պարզաբանումներին։ Պատգամավորը փաստերով ցույց է տվել, թե ինչպես են ընդդիմադիրները փորձում կոծկել ընտրակաշառքի փաստը՝ օգտագործելով վետերանների անունները։
Ըստ Ալեքսանյանի՝ ձերբակալված Ղումաշյանը հայտարարել է, թե ձայնագրության մեջ լսվող նվերի մասին խոսակցությունն ուղղված է եղել 102-ամյա վետերան Ռոզալիա Աբգարյանին՝ ծննդյան օրվա կապակցությամբ։ Սակայն պատգամավորը մատնանշում է աբսուրդի հասնող ժամանակագրական անհամապատասխանություն. խոսակցությունը տեղի է ունեցել ապրիլի կեսերին, մինչդեռ վետերանի ծննդյան օրը հունիսի 17-ին է։
«Հասկանում եք՝ ընտրությունները կլինեն հունիսի 7-ին, և դրանից հետո դեռ 10 օր կմնա մինչև տիկին լեգենդար Ռոզալիա Աբգարյանի ծննդյան օրը։ Բայց չգիտես ինչու «Կալուգացու» թիմակիցները որոշել էին նվերը տալ ապրիլին՝ ընտրություններից ու բուն ծննդյան օրվանից ամիսներ առաջ»,- նշել է Ալեքսանյանը։
Պատգամավորը որպես հակափաստարկ հիշեցրել է նաև նախորդ տարվա փորձը, երբ նույնիսկ Գագիկ Ծառուկյանն էր վետերանին շնորհավորել հենց հունիսի 17-ին և ոչ թե ապրիլին։
«Մեզ փորձում են ապուշի տեղ դնել, ու այս խելքով էլ սրանք ուզում են ինչ-որ բան բացատրել։ Ի՞նչ ասեմ»,- եզրափակել է Վահագն Ալեքսանյանը։
ԱՄՆ նախագահ Դոնալդ Թրամփը քննադատել է Իսպանիայի իշխանություններին՝ հայտարարելով, որ երկրի տնտեսությունը դժվար ժամանակներ է ապրում։ Այս մասին նա գրել է Truth Social սոցիալական ցանցում։
«Որևէ մեկն ուշադրություն դարձրե՞լ է, թե որքան վատ են գործերը Իսպանիայում։ Նրանց ֆինանսական ցուցանիշները, չնայած ՆԱՏՕ-ում և սեփական պաշտպանության գործում գրեթե զրոյական ներդրմանը, պարզապես սարսափելի են։ Տխուր է դրան նայելը»,- նշել է նա։
Ընդդիմադիր քարոզիչներ, քաղաքագետ կոչվածներ, հայտնի խմբագիրներ, ո՞նց եք ձեզ զգում հիմա, այս նկարների ֆոնին, երբ ասում էիք, թե հուշահամալիրի նորոգումն իշխանությունները նախաձեռնել են, որ ապրիլի 24-ին մարդիկ չկարողանան գնալ Եղեռնի հուշահամալիր, որ հուշարձան են «ավիրում» օտարների պահանջով:
Այս մասին գրել է ՀՀ վարչապետի աշխատակազմի ղեկավար Արայիկ Հարությունյանը:
«Լավ դուք ի՞նչ սորտ եք, որտեղից եք եկել ընկել մեր գլխին»,- գրել է Հարությունյանն ու կիսվել լուսանկարներով:
Հիշեցնենք՝ Վարչապետ Նիկոլ Փաշինյանը Կրթության, գիտության և մշակույթի նախարար Ժաննա Անդրեասյանի ուղեկցությամբ այցելել է Հայոց ցեղասպանության զոհերի հուշահամալիր, ծանոթացել իրականացված և ընթացիկ հիմնանորոգման ու բարեկարգման աշխատանքներին:
աՀայաստանում Առողջության համընդհանուր ապահովագրության շրջանակում արդեն 614 հազար անձ օգտվել է բժշկական ծառայություններից, իսկ 1 մլն 700 հազար քաղաքացի ապահովագրվել է. Առողջության համընդհանուր ապահովագրության հիմնադրամն ամփոփեց գործունեության 100 օրը։
«Այսօր ամփոփում ենք Առողջության համընդհանուր ապահովագրության համակարգի գործարկման առաջին 100 օրվա արդյունքները։ Այս ժամանակահատվածը մի ճանապարհի սկիզբ է, որը էապես փոխում է մեր երկրի առողջապահական համակարգը։ Իհարկե, մենք հասկանում ենք, որ ժամանակ է պետք, որ ժողովուրդն իր վրա զգա այս բարեփոխման արդյունքները և գոհ լինի, որ, ի վերջո, երկար տարիների սպասված երաշխիքը պետությունն իրեն մատուցում է»,- ասել է առողջապահության նախարար Անահիտ Ավանեսյանն ապահովագրության համակարգի ներդրման 100 օրը խորհրդանշող միջոցառման ժամանակ:
Նախարարն ընդգծել է, որ բարեփոխումը հնարավոր է դարձել նախ ՀՀ վարչապետի քաղաքական կամքի, պետական համակարգի կուռ աշխատանքի, թվային և օրենսդրական դաշտի, բժշկական կենտրոնների, բժիշկների, բուժքույրերի, պետություն – մասնավոր հատված համագործակցության արդյունքում: Եվ, որ պակաս կարևոր չէ` Հայաստանի ամեն քաղաքացի, ամեն հարկ վճարող իր բաժին ներդրումն ունի այս մեծ բարեփոխման իրականացման գործում: Նախարարը նշել է, որ առաջիկա տարիների հանձնառությունն է լինելու կառուցել էլ ավելի կայուն, էլ ավելի ընդգրկուն ապահովագրական համակարգ:
Առողջության համընդհանուր ապահովագրության հիմնադրամի գլխավոր տնօրենի ժամանակավոր պաշտոնակատար Սամվել Խարազյանը ներկայացրել է հիմնադրամի գործունեության առաջին 100 օրվա հիմնական վիճակագրական ցուցանիշները։ Մասնավորապես` արդեն ավելի քան 1.7 միլիոն քաղաքացի ապահովագրված է, ապահովագրական փաթեթը ներառում է շուրջ 2400 ծառայություն, իսկ առաջին երեք ամիսներին իրականացված փոխհատուցումների ընդհանուր ծավալը կազմել է շուրջ 40 միլիարդ դրամ։
Միջոցառմանը մասնակցել են պետական կառույցներից բարձրաստիճան հյուրեր և բժշկական համայնքի ու միությունների ներկայացուցիչներ։
Ադրբեջանի արտաքին քաղաքական կուրսը նպատակաուղղված է նրան, որ տարածաշրջանում կառուցվող բոլոր կապերն ու իրականացվող նախագծերը լինեն փոխշահավետ յուրաքանչյուր կողմի համար։ Այս մասին ադրբեջանակն Report լրատվամիջոցի թուրքական բյուրոյին ասել է հատուկ հանձնարարություններով Ադրբեջանի նախագահի հատուկ ներկայացուցիչ Էլչին Ամիրբեկովը։
Հատուկ ներկայացուցիչն ընդգծել է, որ Անթալիայի դիվանագիտական ֆորումի պանելային քննարկումների ժամանակ շեշտվել է նման հայեցակարգի նկատմամբ դրական մոտեցման կարևորությունը՝ երկարաժամկետ և լայնածավալ համագործակցության համար։
Նա նաև մատնանշել է Թուրքիայի հետ համագործակցության բարձր արդյունավետությունը՝ միաժամանակ հավելելով, որ չպետք է մոռանալ Վրաստանի մասին։ Ըստ նրա՝ Ադրբեջանից Վրաստանով դեպի Թուրքիա և հետո Եվրոպա անցնող երթուղիները հիմք են հանդիսանում տրանսպորտային, լոգիստիկ և էներգետիկ ոլորտների կարևորագույն նախագծերի համար։
Անդրադառնալով տարածաշրջանային նախագծերին Հայաստանի մասնակցությանը՝ Ամիրբեկովը նշել է, որ երկիրը կարող է օգտվել «win-win» (փոխշահավետության) սկզբունքից՝ խաղաղության գործընթացի արդյունքում։
«Հայաստանի միացումը խաղաղության գործընթացին և փոխադարձ վստահության վրա հիմնված հարաբերությունների զարգացումը կարևոր նշանակություն ունեն։ Միայն այդ դեպքում Երևանը կկարողանա օգուտ քաղել և ինտեգրվել տարածաշրջանային տնտեսական համագործակցությանը։ Հավատում եմ, որ այս առումով 2026 թվականը կլինի վճռորոշ», — եզրափակել է նա։
Իրանական բանակը պաշտպանում է երկրի տարածքը և երկրի դրոշը: Այս մասին հայտնում են իրանական լրատվամիջոցները՝ հղում անելով Իրանի գերագույն առաջնորդ Մոջթաբա Խամենեիի հայտարարությանը՝ Բանակի ազգային օրվա տոնակատարության առթիվ:
«Իսլամական բանակն այժմ, ինչպես և նախորդ երկու պարտադրված պատերազմների ժամանակ, քաջաբար պաշտպանում է իրեն պատկանող հողը, ջուրը և դրոշը, և հենվելով ժողովրդի աջակցության վրա… Իրանի ռազմածովային ուժերը պատրաստ են նոր պարտության մատնել հակառակորդներին», – ասված է հայտարարության մեջ:
Իրանական բանակը պաշտպանում է երկրի տարածքը և երկրի դրոշը: Այս մասին հայտնում են իրանական լրատվամիջոցները՝ հղում անելով Իրանի գերագույն առաջնորդ Մոջթաբա Խամենեիի հայտարարությանը՝ Բանակի ազգային օրվա տոնակատարության առթիվ:
«Իսլամական բանակն այժմ, ինչպես և նախորդ երկու պարտադրված պատերազմների ժամանակ, քաջաբար պաշտպանում է իրեն պատկանող հողը, ջուրը և դրոշը, և հենվելով ժողովրդի աջակցության վրա… Իրանի ռազմածովային ուժերը պատրաստ են նոր պարտության մատնել հակառակորդներին», – ասված է հայտարարության մեջ:
Իրանական բանակը պաշտպանում է երկրի տարածքը և երկրի դրոշը: Այս մասին հայտնում են իրանական լրատվամիջոցները՝ հղում անելով Իրանի գերագույն առաջնորդ Մոջթաբա Խամենեիի հայտարարությանը՝ Բանակի ազգային օրվա տոնակատարության առթիվ:
«Իսլամական բանակն այժմ, ինչպես և նախորդ երկու պարտադրված պատերազմների ժամանակ, քաջաբար պաշտպանում է իրեն պատկանող հողը, ջուրը և դրոշը, և հենվելով ժողովրդի աջակցության վրա… Իրանի ռազմածովային ուժերը պատրաստ են նոր պարտության մատնել հակառակորդներին», – ասված է հայտարարության մեջ: