Author: Julbaz

2017 թվականի համեմատ դեպի ԵՄ երկրներ 2025 թվականին 580% ով ուղևորահոսքի աճ արձանագրվել․ այս մասին այսօր կառավարության նիստին հայտարարել է վարչապետ Նիկոլ Փաշինյանը։

«Այսինքն եթե 2017 թվականին մեկնել էր 1000 մարդ, 2025 թվականին մեկնել է 5800 մարդ և խոսքը այս դեպքում այն քաղաքացիների մասին է, որոնք ստացել են վիզա, հակառակ դեպքում չէին կարողանա գնալ։ Մենք արդեն մի քանի տարի է այս թեմայով զբաղվում ենք, մեր գործընկերներն ասում են՝ մենք բյուջետային պլանավորում ունեինք ոչ մեկ չէր կարող կանխատեսել որ Հայաստանում այսպիսի հոսքի մեծացում է տեղի ունենալու։ Եվ նաև դա է պատճառը, որ մենք հիմա վիզաների ազատականացում ենք բանակցում։ ՀՀ–ն այսօր միակ երկիրն է, որի հետ Եվրամիությունը բանակցում է վիզաների ազատականացման շուրջ և ես համոզված եմ, որ մենք հնարավորինս արագ արդյունք կարձանագրենք»,–ասել է Փաշինյանը։

Փաշինյանն անդրադարձել է ԱԺ–ում իր ունեցած ելույթին, որտեղ ասել էր, որ 2 եվրոյով ավիատոմս կա դեպի Լառնակա.

«Այո իմ ելույթի պահին, երբ որ ես սկսել եմ դրա մասին խոսել, ամսի 19-ի համար 2 եվրոյով եղել է տոմս, սքրինշոթը իմ հեռախոսում կա։ Բայց գիտեք, որ գները լողացող են։

Նաև ես ասում եմ, որ թոշակառուները կարող են բարձրացրած թոշակով՝ 10.000 դրամով, 10 տոմս գնել։ Ընդհանրապես, միջազգային կյանքում շատ ընդունված է, որ մարդիկ իրենք թոշակի տարիքը օգտագործում են ճամփորդելու համար, և մենք էլ այդպիսի նպատակադրում ունենք։ Իսկ ո՞վ է ասել, որ մարդը թոշակային տարիքում պետք է գամված լինի իր տանը, իր բակին, մարդիկ պետք է ճամփորդեն։

Պարզ է, որ այսօր իրենք այդ հնարավորությունները չունեն, մենք դեռ հլը նոր-նոր նվազագույն սպառողական զամբյուղի շեմն ենք հաղթահարում, բայց համատեղ աշխատանքի արդյունքում մենք, իհարկե, համոզված եմ՝ այդ խնդիրը նույնպես կլուծենք, որ մեր սիրելի թոշակառուները սկսեն Հայաստանի Հանրապետության մեջ շատ ճամփորդել, հետո նաև արտերկիր ճամփորդել։ Ի վերջո դա բարեկեցության շատ կարևոր մի էլեմենտ է։

Մենք Եվրամիության հետ գործընկերների հետ բանակցությունների ամանակ այդ հարցը բարձրացրել ենք, առաջիկա Եվրամիություն-Հայաստան գագաթաժողովի ընթացքում նույնպես այդ հարցը կբարձրացվի»,–ասել է Փաշինյանը։

 

Բաժանորդագրվեք մեր ալիքին Telegram-ում

Պետական ​​եկամուտների կոմիտեի մաքսային ծառայությունը և Հայաստանի էկոնոմիկայի նախարարությունը հրապարակել են 2025 թվականի նոյեմբերից մինչև 2026 թվականի ապրիլի 15-ը Ադրբեջանի և Ադրբեջանի միջոցով Հայաստան ներմուծված ապրանքների ծավալի վերաբերյալ տվյալներ։

Ըստ այդ տվյալների՝ այդ ժամանակահատվածում Ռուսաստանի Դաշնությունից և Ղազախստանից Ադրբեջանի միջոցով ներմուծվել է 26,295 տոննա ապրանք, ինչպես նաև Ադրբեջանից՝ 9,337 տոննա վառելիք։

Պաշտոնական հայտարարության մեջ նշվում է, որ «տարածաշրջանային համագործակցության և խաղաղության արդյունքներն արդեն զգացվում են՝ ստեղծելով տնտեսական զարգացման նոր հնարավորություններ»։

Ըստ ՀՀ մաքսային ծառայության՝ ապրանքներն առաջին անգամ երկաթուղով Ադրբեջանի տարածքով տարանցիկ ճանապարհով ժամանել են 2025 թվականի նոյեմբերի 6-ին. «Ռուսաստանից և Ղազախստանից ներմուծվել է 24,865 տոննա ցորեն, 1,362 տոննա պարարտանյութ և 68 տոննա հնդկացորեն»։

Բացի այդ, 2025 թվականի դեկտեմբերից մինչև 2026 թվականի ապրիլի 15-ը Ադրբեջանից Հայաստան երկաթուղով Վրաստանի տարածքով ներմուծվել է 9337 տոննա ադրբեջանական ծագման վառելիք՝ ընդհանուր 7,2 միլիոն դոլար մաքսային արժեքով։

«Դրանից՝ 5398 տոննա դիզելային վառելիք՝ 4,3 միլիոն դոլար մաքսային արժեքով և 3939 տոննա բենզին՝ 2,9 միլիոն դոլար մաքսային արժեքով», — ասվում է հաղորդագրության մեջ։

Բաժանորդագրվեք մեր ալիքին Telegram-ում