Ավստրալիայում 13-ամյա աղջիկը մեղադրվում է 109 հանցագործություն կատարելու համար․ գրում է The Age-ը։
Մեղադրանքները ներառում են գողություն, մեքենայի առևանգում և հեծանվորդի դիտավորյալ վրաերթ։ Դեպքից երեք րոպե անց դեռահասը Google-ում որոնել է վրաերթի և փախուստի համար նախատեսված ազատազրկման պատժաչափը և նաև հետաքրքրվել, թե որտեղ են ապրում հրեաները, որպեսզի կարողանա հետապնդել նրանց։
Ամենալուրջ հանցագործություններից մեկը տեղի է ունեցել մարտի 30-ին։ Մելբուռնի արվարձանում աղջիկը գողացված մեքենայով փորձել է հարվածել հեծանվորդին․ երկար հետապնդումներից հետո մեքենայով հարվածել է նրան։
Քննիչները նշում են, որ աղջիկը տառապում է «հիմար հայտնիությամբ» և շատ է ուրախանում իր հանցագործությունների համար գրված լրատվական հոդվածների և սոցիալական ցանցերում դիտումների քանակով։
Աղջկա պաշտպանական կողմը պահանջել է գրավի դիմաց ազատ արձակել, սակայն դատարանը մերժել է․ նա կալանքի տակ է։