Category: ABCNews

Շուտով լրանում է Գագիկ Ծառուկյանի 70-ամյակը, և ըստ ՀԱՕԿ կանոնադրության՝ նա 70-ից հետո չի կարող հավակնել լինել Օլիմպիական կոմիտեի նախագահ․ լրագրողների հետ զրույցում ասաց Նիկոլ Փաշինյանի աշխատակազմի ղեկավար Արայիկ Հարությունյանը։

«Տարբեր հնարքներով՝ նրանք այս ընթացքում փորձում են արագ-արագ ընտրություն անել, ու քաղաքական այս թեժ փուլում՝ Ծառուկյանին ևս 4 տարով կարգել կոմիտեի նախագահ»,- նշեց Հարությունյանը։

Լրագրողների դիտրակմանը, թե Փաշինյանն է ասում, որ 65-70 ի՞նչ տարիք է, ու թաշակոռուներին պետք է երկար աշխատելու հնարավորություն տալ, Հարությունյանն արձագանքեց․ «Ձեր հեգնանքը տեղին կլիներ, եթե ՀԱՕԿ օրենսդրությունն այլ բան ասեր»։

Այսօր՝ ապրիլի 15-ին, ՀՀ Առաջին նախագահ Լեւոն Տեր-Պետրոսյանը, իր առանձնատանը, հյուրընկալել է Իրանի Իսլամական Հանրապետության արտակարգ եւ լիազոր դեսպան Խալիլ Շիրղոլամիին․ տեղեկանում ենք առաջին նախագահի Facebook-ի էջից։

«Շուրջ երկու ժամ տեւած զրույցի ընթացքում արծարծվել են մեր երկրների ներկայիս ջերմ հարաբերությունների պահպանման և խորացման քայլերը՝ հիմնված հազարամյակների պատմություն ունեցող եղբայրական ժողովուրդների բարեկամական ավանդույթների վրա»,-ասված է հաղորդագրությունում։

 

Այսօր՝ ապրիլի 15-ին, ՀՀ Առաջին նախագահ Լեւոն Տեր-Պետրոսյանը, իր առանձնատանը, հյուրընկալել է Իրանի Իսլամական Հանրապետության արտակարգ եւ լիազոր դեսպան Խալիլ Շիրղոլամիին․ տեղեկանում ենք առաջին նախագահի Facebook-ի էջից։

«Շուրջ երկու ժամ տեւած զրույցի ընթացքում արծարծվել են մեր երկրների ներկայիս ջերմ հարաբերությունների պահպանման և խորացման քայլերը՝ հիմնված հազարամյակների պատմություն ունեցող եղբայրական ժողովուրդների բարեկամական ավանդույթների վրա»,-ասված է հաղորդագրությունում։

 

Ադրբեջանի նկարիչների միության ցուցասրահում, այսպես կոչված, «Արևմտյան Ադրբեջան» խորագրով ցուցահանդես է բացվել։ Նկարների հեղինակը նկարիչ Ալի Իսմայիլ Ալիևն է․ հայտնում է «Ազերթաջ» գործակալությունը։

Այսպես կոչված «Արևմտյան Ադրբեջանի» համայնքի նախագահ, Միլլի Մեջլիսի պատգամավոր Ազիզ Ալեքբերլին նշել է, թե «Արևմտյան Ադրբեջանի» թեման առանձնահատուկ նշանակություն ունի նկարչի ստեղծագործության մեջ և որ նրա աշխատանքները «միշտ նրբությամբ և ճշգրտությամբ արտացոլում են այս շրջանի մշակութային հուշարձաններն ու ավանդույթները»։

Ադրբեջանում վերջին շրջանում ակտիվ կոչեր են հնչում ուժեղացնել ջանքերն «Արևմտյան Ադրբեջան վերադառնալու» համար։

«Արևմտյան Ադրբեջանից փախստականները կվերադառնան իրենց պատմական հողերը. դա նրանց անօտարելի իրավունքն է». որոշ ժամանակ առաջ Բաքվում հայտարարել էր Ազիզ Ալեքբերլին՝ կրկին տարածքային նկրտումներ ներկայացնելով ՀՀ ինքնիշխան տարածքին։

 

2025 թվականի մայիսին Ադրբեջանի նախագահ Իլհամ Ալիևը, մասնավորապես, հայտարարել էր, թե «արևմտյան ադրբեջանցիների» վերադարձի ցանկությունը չի նշանակում տարածքային պահանջներ Հայաստանի նկատմամբ, «որը պետք է հրաժարվի այս ցանկությունը նման լույսի ներքո ներկայացնելու ցանկացած փորձից»:

«Այս հարցը չի հանվի Ադրբեջանի օրակարգից, մինչև վերադարձի իրականացումը: Բնականաբար, իրենց հարազատ վայրեր վերադարձող արևմտյան ադրբեջանցիներին նույնպես պետք է տրամադրվեն անվտանգության երաշխիքներ»,- ասել էր Ալիևը:

 

 

Երևանում ապրիլի 7-13-ը մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան

Կենտրոնում՝ ապրիլի 7-9-ը և 12-13-ը,

Նոր Նորքում՝ ապրիլի 8-ին,

Շենգավիթում` ապրիլի 10-ին,

Արաբկիրում՝ չի գերազանցել։

Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան․

Նոր Նորքում՝ ապրիլի 7-ին, ապրիլի 9-13-ը,

Կենտրոնում՝ ապրիլի 9-ին և 12-13-ը,

Արաբկիրում` ապրիլի 13-ին,

Շենգավիթում՝ չի գերազանցել։

 

ՀՀ օդային տարածքում արգելվում է ընդհանուր նշանակության ավիացիայի, այդ թվում քաղաքացիական անօդաչու օդանավերի ցանկացած բնույթի թռիչքների իրականացումը ․ այս մասին հայտնում է Քաղաքացիական ավիացիայի կոմիտեն։

«Հաշվի առնելով 2026թ. մայիսի 3-ից մինչև մայիսի 5-ն ընկած ժամանակահատվածում Հայաստանի Հանրապետությունում կայանալիք լայնամասշտաբ միջոցառումները ԵՔՀ 8-րդ գագաթնաժողով, ՀՀ-ԵՄ գագաթնաժողով, Երևանյան երկխոսություն, և օտարերկրյա մեծաթիվ պատվիրակությունների մասնակցությունը նշված միջոցառումներին՝ տեղեկացնում ենք, որ 2026թ. մայիսի 3-ից 5-ը, ելնելով անվտանգության նկատառումներից, ՀՀ օդային տարածքում արգելվում է ընդհանուր նշանակության ավիացիայի, այդ թվում քաղաքացիական անօդաչու օդանավերի ցանկացած բնույթի թռիչքների իրականացումը»,- ասված է հայտարարության մեջ։

Ռուսաստանի և Ադրբեջանի ԱԳ նախարարությունները համատեղ հայտարարություն են տարածել AZAL ավիաընկերությանը պատկանող ինքնաթիռի վթարի վերաբերյալ։

«Համաձայն 2025 թվականի հոկտեմբերի 9-ին Դուշանբեում Ռուսաստանի Դաշնության և Ադրբեջանի Հանրապետության նախագահների միջև հանդիպման ժամանակ ձեռք բերված պայմանավորվածությունների՝ կողմերը համաձայնության են եկել 2024 թվականի դեկտեմբերի 25-ին Ակտաուի մոտակայքում AZAL-ին պատկանող ինքնաթիռի վթարի հետ կապված հետևանքների, այդ թվում՝ փոխհատուցման վերաբերյալ համապատասխան լուծման շուրջ»,- ասվում է հայտարարության մեջ։

Վթարը տեղի է ունեցել Ռուսաստանի օդային տարածքում՝ «ՀՕՊ համակարգի՝ ոչ միտումնավոր հարվածի հետևանքով»։

«Այս քայլերը հաստատում են դաշնակցային գործընկերության շրջանակում փոխշահավետ համագործակցության հետագա զարգացմանը մեր փոխադարձ հանձնառությունը։ Մենք վստահություն ենք հայտնում, որ ռուս-ադրբեջանական հարաբերությունների զարգացումը՝ հիմնված փոխադարձ հարգանքի, վստահության և երկու կողմերի շահերի վրա, կշարունակի ամրապնդել բարիդրացիական հարաբերությունները և ընդլայնել համագործակցությունը՝ ելնելով երկու երկրների ժողովուրդների շահերից։ Մենք կրկին խորին ցավակցություն ենք հայտնում ինքնաթիռի վթարի հետևանքով զոհերի ընտանիքներին և ընկերներին և կիսում ենք այս անդառնալի կորստի ցավը ողբերգությունից տուժած յուրաքանչյուրի հետ»,- նշվել է հայտարարությունում։

Մոլորակի ամենահարուստ մարդկանցից մեկը՝ իսպանացի գործարար Ամանսիո Օրտեգան, իր կարիերայի ընթացքում հասել է նոր հանգրվանի՝ դառնալով աշխարհում անշարժ գույքի ամենամեծ սեփականատերը․ գրում է Euronews-ը։

Inditex ընկերության հիմնադիրը, Zara, Pull&Bear և Oysho ապրանքանիշերի սեփականատերը տարիների ընթացքում տարբեր երկրներում կառուցել է անշարժ գույքի լայն ցանց։

Անշարժ գույքի նրա պորտֆոլիոն գնահատվում է մոտ 25 միլիարդ դոլար, մինչդեռ նրա ընդհանուր կարողությունը Forbes-ը գնահատում է 148 միլիարդ դոլար. նա համարվում է աշխարհի 10-րդ ամենահարուստ մարդը։

Վերջին տարիներին 90-ամյա Օրտեգան ակտիվացրել է գնումների իր գործունեությունը՝ ներառելով խոշոր, միջազգային նշանակության ակտիվներ։ Դրանց թվում են կորպորատիվ գլխամասային գրասենյակներ, առևտրային համալիրներ և խոշոր տեխնոլոգիական ընկերությունների հետ կապված անշարժ գույք։

Թուրքիայի Քահրամանմարաշի նահանգի դպրոցներից մեկում կրակոցների հետևանքով զոհվել է 4, վիրավորվել՝ 20 մարդ․ գրում են թուրքական լրատվամիջոցները՝ նահանգապետին հղումով։

Զոհերից 3-ն աշակերտ են, 1-ը՝ ուսուցիչ։ Հարձակվողը սպանվել է։

Նմանատիպ դեպք էր տեղի ունեցել նաև երեկ․ Թուրքիայի հարավ-արևելքում գտնվող ավագ դպրոցներից մեկում նախկին աշակերտը կրակ էր բացել՝ վիրավորելով առնվազն 16 մարդու, ապա ինքնասպան էր եղել։ 

Թուրքիայի Քահրամանմարաշի նահանգի դպրոցներից մեկում կրակոցների հետևանքով զոհվել է 4, վիրավորվել՝ 20 մարդ․ գրում են թուրքական լրատվամիջոցները՝ նահանգապետին հղումով։

Զոհերից 3-ն աշակերտ են, 1-ը՝ ուսուցիչ։ Հարձակվողը սպանվել է։

Նմանատիպ դեպք էր տեղի ունեցել նաև երեկ․ Թուրքիայի հարավ-արևելքում գտնվող ավագ դպրոցներից մեկում նախկին աշակերտը կրակ էր բացել՝ վիրավորելով առնվազն 16 մարդու, ապա ինքնասպան էր եղել։