Category: Armbanks

ԵՐԵՎԱՆ, 15 մայիսի․/ԱՌԿԱ/. Յունիբանկն իրականացնում է հատուկ ակցիա, որի շրջանակում շաբաթ և կիրակի օրերին կարելի է ձևակերպել Visa և Mastercard քարտեր 50% զեղչով։

Ակցիան գործում է բանկի «Դալմա» և «Գարեգին Նժդեհ» մասնաճյուղերում, որոնք գտնվում են համապատասխանաբար Dalma Mall և Yerevan Mall առևտրի կենտրոններում։ Զեղչը կիրառվում է քարտի տրամադրման սակագնի նկատմամբ:  

Ակցիայի շրջանակում 50% զեղչով հնարավոր է ձևակերպել Arca, Visa Classic, Visa Gold, Visa Signature, Visa Infinite, Visa U-Teenager, Visa նվեր քարտերը, ինչպես նաև Mastercard Standard, Mastercard Gold, Mastercard World «Travel» և Mastercard World Elite քարտերը։

Arca քարտերով անկանխիկ գործարքներ կատարելու դեպքում քարտապանը ստանում է 2% հետվճար։ Հետվճարը տրամադրվում է 1 000 ՀՀ դրամը գերազանցող գործարքների դիմաց՝ ինքնաշխատ եղանակով մինչև հաջորդ ամսվա 25-ը։

Մեկ գործարքի համար տրամադրվող հետվճարի առավելագույն չափը կազմում է 6 000 ՀՀ դրամ, իսկ մեկ ամսվա համար՝ 60 000 ՀՀ դրամ:

Յունիբանկի բազմարժութային քարտերն ապահովում են հարմար և անվտանգ սպասարկում թե՛ առօրյա վճարումների, թե՛ ճանապարհորդությունների ընթացքում։

«Դալմա» մասնաճյուղը շաբաթ և կիրակի օրերին գործում է 12:30-ից մինչև 20:30-ը։ Հասցեն՝ Երևան, Ծիծեռնակաբերդի խճուղի 3, Dalma Mall։

«Գարեգին Նժդեհ» մասնաճյուղը շաբաթ օրերին հաճախորդներին սպասարկում է 11:15-ից մինչև 21:30։ Հասցեն՝ Երևան, Արշակունյաց պողոտա 34/3, Yerevan Mall։

Ակցիան նախատեսված է ռեզիդենտ հաճախորդների համար և գործում է մինչև 2026 թվականի հունիսի 30-ը։

ԵՐԵՎԱՆ, 15 մայիսի. /ԱՌԿԱ/. «Նովոստի-Արմենիա» գործակալության կայքում (Newsarmenia.am) գործարկվել է նոր թվային բաժին՝ ԽԱՂԵՐ։ Նոր նախագիծը միավորում է տարբեր ժանրերի հանրահայտ խաղեր և ուղղված է օգտատերերի ծառայությունների ընդլայնմանն ու լսարանի ներգրավվածության բարձրացմանը

Ինչպես նշել է «Նովոստի-Արմենիա»-ի գլխավոր տնօրեն Գալինա Դավիդյանը, նոր բաժնի գործարկումը հրատարակության թվային էկոհամակարգի զարգացման ռազմավարության մի մասն է։

«Ժամանակակից մեդիան արդեն միայն լուրեր չեն՝ դասական հասկացողությամբ։ Լսարանն ակնկալում է հարմարավետ ծառայություններ, ինտերակտիվություն և օգտատիրոջ լրացուցիչ  փորձ։ ԽԱՂԵՐ բաժինը ևս մեկ քայլ է Newsarmenia.am-ի՝ որպես ժամանակակից մեդիահարթակի զարգացման գործում, որն ընթերցողներին առաջարկում է ոչ միայն որակյալ կոնտենտ, այլև թվային փոխգործակցության նոր ձևաչափեր»,- ասել է Դավիդյանը։

 «Նովոստի-Արմենիա» գործակալության հատուկ նախագծերի բաժնի ղեկավար Աշխեն Սամվելյանի խոսքով՝ «Նովոստի-Արմենիա»-ում խաղային հարթակի գործարկումն ավելին է , քան պարզապես միայն նոր բաժին․ դա  մի տիրույթի ստեղծում է, որտեղ տեղեկատվությունն աշխուժանում է։

«Մենք մուտք ենք գործել ակտիվ բովանդակության դարաշրջան, որտեղ ինտելեկտը դարձել է գլխավոր կապիտալը, իսկ ուշադրությունը՝ ամենաթանկ արժույթը։ Մենք գործակալության բազմամյա փորձագիտական փորձը փաթեթավորել ենք բացառիկ մեխանիզմների մեջ, որոնք աննախադեպ են Հայաստանի մեդիաշուկայում։ Սա փոխգործակցության նոր ստանդարտ է. այժմ յուրաքանչյուր տեղեկատվական առիթ ոչ միայն պարզապես ընթերցվում է, այլև լիարժեքորեն ապրումակցվում՝ սովորական մեդիա ձևաչափերը վերածելով խորը, ներգրավող և ինտելեկտուալ գրավչության»,- ասել է Սամվելյանը։

Հարթակը նաև լրացուցիչ հնարավորություններ է ստեղծում բիզնեսի համար հատուկ գործընկերային նախագծերի, բրենդավորված ինտեգրումների և ինտերակտիվ գովազդային ձևաչափերի իրականացման համար։ Նոր բաժինը կարող է օգտագործվել որպես հարթակ digital-արշավների, ներգրավող մեխանիզմների և լսարանի հետ բրենդերի ոչ ստանդարտ փոխգործակցության համար։

Գործակալության մասին

 «Նովոստի-Արմենիա» միջազգային տեղեկատվական գործակալությունը (newsarmenia.am) մեդիաշուկայում գործում է 2005 թվականից։ Այն հայաստանյան տեղեկատվական դաշտի առաջատարներից մեկն է։ Լրատվամիջոցը կայուն կերպով առաջատար դիրքեր է զբաղեցնում երկրի ամենից շատ մեջբերվող ԶԼՄ-ների շարքում, իսկ կայքը տարեկան ապահովում է ավելի քան 10 միլիոն դիտում։

ԵՐԵՎԱՆ, 15 մայիսի․/ԱՌԿԱ/․ Արդեն որոշե՞լ ես, թե որտեղ ես անցկացնելու հանգիստդ։ Թեև  ճամփորդությունը միշտ ասոցացվում է հաճելի սպասումների հետ, դրա պլանավորումը հաճախ կարող է դառնալ իրական մարտահրավեր։ Հնարավոր խնդիրներից խուսափելու և հանգիստը լիարժեք վայելելու համար IDBank-ը կազմել է պարզ ճամփորդական ուղեցույց՝ լի օգտակար խորհուրդներով:

Ընտրիր ուղղությունը

Որոշիր՝ ինչ տեսակի հանգիստ ես ուզում՝ պասիվ, ծովափնյա, թե ակտիվ ու արկածային։ Քո որոշումը պետք է համապատասխանի բյուջեիդ և սպասելիքներիդ։

Սահմանիր բյուջե

Բաժանիր ծախսերդ տոմսերի, կացարանի, սնունդի, տրանսպորտի, գնումների և ժամանցի միջև։ Միշտ փորձիր բյուջեն պլանավորել 10-15% ավելի՝ չնախատեսված ծախսերի համար։

Գտիր և ամրագրիր ավիատոմսերը ճիշտ ժամանակին

Ավիատոմսերի գները հաճախ են տատանվում, ուստի անհրաժեշտ է հետևել գներին մի քանի օր շարունակ՝ որոնելով տարբեր ավիաընկերությունների կայքերում։ Մի փոքր երկար փնտրտուքը թույլ կտա ոչ միայն առավել մատչելի ավիատոմսեր ձեռք բերել, այլ նաև գտնել այդ պահի շահավետ առաջարկներն ու արշավները։

Օրինակ IDBank-ն իր պրեմիում քարտապանների համար անակնկալ ունի․ մինչև 2026 հունիսի 30-ը ներառյալ, «All Airlines» արշավի շրջանակում, Visa Platinum, Travel, Visa Signature, Visa Infinite և Visa Infinite Special Edition քարտապանները բոլոր ավիաընկերություններից ավիատոմս գնելու դեպքում կարող են ստանալ մինչև 25% idcoin։ Յուրաքանչյուր քարտապան կարող է ստանալ առավելագույնը հանրագումարային մինչև 25 000 idcoin տվյալ օրացուցային ամսում կատարված վճարումների համար (հարկումից հետո՝ անկախ իր քարտերի քանակից։

Արշավի բոլոր մանրամասներին կարող եք ծանոթանալ այստեղ։

Ընտրիր կացարան

Ստուգիր քո նախընտրած հյուրանոցի կամ կացարանի գնահատականը, նաև վերջին կարծիքները, որոնք հաճախ ավելի իրական են պատկերում սպասվող փորձը։

Չմոռանաս ստուգել փաստաթղթերդ

Անսպասելի իրավիճակներից, օրինակ՝ ինտերնետ չունենալուց, խուսափելու համար փաստաթղթերդ պահիր կա՛մ թղթային տարբերակով, կա՛մ հեռախոսի մեջ screenshot արված։

Ճիշտ հավաքիր ճամպրուկդ

Մի վերցրու ավելորդ իրեր, իսկ որպեսզի հագուստը քիչ տեղ զբաղեցնի և չճմրթվի, փորձիր այն «գլորելով» դասավորել։

Պլանավորիր տեխնիկական կողմը

Ներբեռնիր օֆլայն քարտեզներ, միաժամանակ գումար ունեցիր և՛ քարտին, և՛ կանխիկ տարբերակով՝ ռիսկերի նվազեցման համար։

Տեղում կողմնորոշվելու պլան մշակիր

Քաղաքը ճանաչելու լավագույն ձևը հիմնական զբոսաշրջային վայրերից դուրս գալն է։ Հենց այստեղ կարող ես բացահայտել իրական մշակույթը և տեղական համեղ սնունդը։

Մի շտապիր օգտվել տաքսի ծառայություններից

Փորձիր օգտվել տեղական տրանսպորտից, քանի որ այն հաճախ 2-3 անգամ ավելի մատչելի է լինում։

Ահա և վերջ․ քո իդեալական հանգիստը պատրաստ է։ Քեզ մնում է վերցնել IDBank-ի քարտդ, ճամպրուկներդ և մեկնել երկար սպասված ճամփորդության։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

ԵՐԵՎԱՆ, 14 մայիսի․/ԱՌԿԱ/․ «ԱՌԿԱ» գործակալությունը հրապարակում է Հայաստանի խոշորագույն վարկային կազմակերպությունների վարկանիշը՝ 2026 թվականի առաջին եռամսյակի արդյունքներով՝ ըստ համախառն կապիտալի ծավալի:

Հայաստանի վարկային կազմակերպությունների համախառն կապիտալը 2026 թվականի առաջին եռամսյակի արդյունքներով կազմել է 458,03 մլրդ դրամ՝ 2025 թվականի առաջին եռամսյակի համեմատ աճելով 9,76%-ով:

Ըստ «ԱՌԿԱ» գործակալության վարկանիշի՝ 31.03.2026թ. դրությամբ կապիտալի ծավալով Հայաստանի հինգ խոշորագույն վարկային կազմակերպությունների թվում են «Բնակարան երիտասարդներին», «Ազգային հիփոթեքային», «Արեգակ», «ԱԿԲԱ-Լիզինգ» և «Էքսպորտ Ֆայնենս» ընկերությունները:

Հաշվետու ժամանակահատվածի արդյունքներով առաջին տեղը զբաղեցնում է «Բնակարան երիտասարդներին» վարկային կազմակերպությունը, որի կապիտալը ընթացիկ տարվա մարտի վերջին կազմել է 201 մլրդ դրամ՝ համակարգում ապահովելով 44,10% մասնաբաժին:

Երկրորդ հորիզոնականում է «Ազգային հիփոթեքային» ընկերությունը՝ 59,3 մլրդ դրամ կապիտալով և ոլորտի համախառն կապիտալում 12,95% մասնաբաժնով:

Վարկանիշի երրորդ հորիզոնականը զբաղեցնում է «Արեգակը», որի կապիտալը կազմել է 34,5 մլրդ դրամ (մասնաբաժինը՝ 7,53%):

Չորրորդ տեղում է «ԱԿԲԱ-Լիզինգը»՝ 26,3 մլրդ դրամ կապիտալի ծավալով (մասնաբաժինը՝ 5,74%):

Խոշորագույն վարկային կազմակերպությունների հնգյակը եզրափակում է «Էքսպորտ Ֆայնենսը», որի կապիտալը կազմել է 23,1 մլրդ դրամ (մասնաբաժինը՝ 5,05%):

Վարկանիշի կազմման համար աղբյուր է հանդիսացել «ԱՌԿԱ» գործակալության «Հայաստանի վարկային կազմակերպությունները. օպերատիվ տվյալներ 2026թ. I եռամսյակի համար» տեղեկագիրը, որը պատրաստվել է վարկային կազմակերպությունների պաշտոնական հաշվետվությունների հիման վրա:

Տվյալ տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (e-mail: [email protected]):