Վատիկանում և Իտալիայում արձագանքել են ԱՄՆ նախագահ Դոնալդ Թրամփի՝ Հռոմի պապ Լևոն XIV-ի հասցեին հնչեցրած քննադատությանը։
Վատիկանի պաշտոնյան Անտոնիո Սպադարոն նշել է, որ այդ հայտարարությունները վկայում են պապի վրա ազդելու փորձերի անզորության մասին, իսկ Իտալիայի փոխվարչապետ Մատեո Սալվինին Թրամփի խոսքերը որակել է ոչ ողջամիտ և ոչ օգտակար՝ ընդգծելով Հռոմի պապի խաղաղության դերակատարությունը։
Եվրոպայի խորհրդի կայքում հրապարակվել է Եվրոպայի խորհրդի մարդու իրավունքների հանձնակատար Մայքլ Օ’Ֆլահերթիի նամակն ուղղված Հայաստանի վարչապետ Նիկոլ Փաշինյանին, որով վերջինս ամփոփել է 2026 թվականի փետրվարի 3-5-ը Հայաստան կատարած այցը։
Նամակում նա ողջունել է Հայաստանի առաջընթացը, ներառյալ նոր ոլորտային օրենսդրությունը և Քրեական օրենսգրքով սահմանված երաշխիքները, ինչպես նաև Մարդու իրավունքների պաշտպանի ակտիվ աշխատանքը։ Ողջունելով այն փաստը, որ Հայաստանի արդարադատության նախարարությունը պատրաստում է խտրականության կանխարգելման և դրանից պաշտպանության մասին օրենքի նախագիծը՝ նա ընդգծել է մի քանի խնդիրներ, որոնց լուծումը կապահովի օրենքի համապատասխանումը Եվրոպայի Խորհրդի չափանիշներին։ Մասնավորապես, ընդգծվել է, որ կարևոր է Մարդու իրավունքների պաշտպանին օժտել հստակ սահմանված լիազորություններով՝ որպես հավասարության ապահովման մարմնի՝ խտրականության դեմ արդյունավետ պայքարի եւ հավասարության խթանման համար անհրաժեշտ իրավասություններով ու ռեսուրսներով։
Օ’Ֆլահերթիի կողմից բարձրացված այլ հարցերի թվում են իրավական որոշակիության ապահովումը ԼԳԲՏԻ անձանց իրավունքների պաշտպանության գործում և ատելության խոսքի հետ կապված խնդիրների լուծումը: Նա վերահաստատել է իր աջակցությունը Հայաստանի ջանքերին՝ խտրականության կանխարգելման և դրա դեմ պայքարի վերաբերյալ համապարփակ օրենք ընդունելու համար և հորդորել է օգտագործել այս հնարավորությունը՝ ստեղծելու խտրականության դեմ պայքարի հզոր շրջանակ, որը կհամապատասխանի միջազգային չափանիշներին և բազմազան հասարակության կարիքներին:
Ֆրանսիան և Միացյալ Թագավորությունը կազմակերպում են միջազգային համաժողով, որտեղ նախատեսվում է քննարկել Հորմուզի նեղուցում նավագնացության անվտանգության ապահովումը՝ առանց Իրանի դեմ ԱՄՆ-ի և Իսրայելի պատերազմին մասնակցելու: Այս մասին հայտարարել է Ֆրանսիայի նախագահ Էմանուել Մակրոնը:
«Առաջիկա օրերին մենք Միացյալ Թագավորության հետ համատեղ կկազմակերպենք համաժողով այն երկրների մասնակցությամբ, որոնք պատրաստ են մեզ հետ միասին իրենց ներդրումն ունենալ բազմազգ խաղաղարար առաքելության մեջ, որի նպատակն է վերականգնել նավագնացության ազատությունը նեղուցում: Այս խստիվ պաշտպանական առաքելությունը, որը կապված չէ պատերազմող կողմերի հետ, կիրականացվի հենց որ իրավիճակը թույլ տա», — գրել է նա X սոցիալական ցանցում:
Մակրոնը հայտարարել է դիվանագիտական ճանապարհով հակամարտության շուտափույթ, կայուն և տևական կարգավորման հասնելու անհրաժեշտության մասին: Դրա համար, ըստ նրա, անհրաժեշտ է գտնել երկարաժամկետ լուծում այնպիսի հարցերի համար, ինչպիսիք են Իրանի հրթիռային և միջուկային ծրագրերը, ինչպես նաև նրա «ապակայունացնող գործունեությունը» տարածաշրջանում:
Միևնույն ժամանակ Մակրոնը նշել է, որ Հորմուզի նեղուցում նավագնացության վերականգնումից բացի, անհրաժեշտ է հասնել նաև «Լիբանանի վերադարձին խաղաղության ուղի՝ նրա ինքնիշխանության լիակատար հարգմամբ»՝ հայտարարելով Ֆրանսիայի պատրաստակամության մասին՝ ներդրում ունենալ այդ գործընթացում:
Քրեական ոստիկանության Շիրակի մարզային վարչության օպերատիվ տվյալների հիման վրա նախաձեռնված քրեական վարույթի շրջանակում Գյումրիի երկու բնակիչ ձերբակալվել է՝ սպանություն նախապատրաստելու և ապօրինի զենք-զինամթերք ձեռք բերելու կասկածանքով։ Նրանցից մեկի բնակարանում խուզարկությամբ հայտնաբերվել են նռնակ, պայթուցիչ և մարիխուանայի նմանվող զանգվածով լցված ծխախոտի տուփ, իսկ դեպքի բոլոր հանգամանքները պարզվում են նախաքննությամբ։
«Քրեական ոստիկանության Շիրակի մարզային վարչության ծառայողները ստացել էին օպերատիվ տեղեկություն, որ Գյումրիի երկու բնակիչ սպանություն են նախապատրաստում և հանցավոր մտադրությունն իրականացնելու համար փորձում են ապօրինի ձեռք բերել զենք-զինամթերք։ Ձեռնարկված միջոցառումներով տեղեկությունը ստուգվեց և Շիրակի մարզի քննչական վարչությունում նախաձեռնվեց քրեական վարույթ՝ այլ անձանց կյանքի համար վտանգավոր եղանակով մի խումբ անձանց կողմից սպանության նախապատրաստության, ինչպես նաև զենքի ապօրինի կրելու և հրազենի կամ ռազմամթերքի ապօրինի շրջանառության հատկանիշներով։
Դատարանի որոշմամբ ապրիլի 11-ին խուզարկություններ կատարվեցին 47 և 26 տարեկան տղամարդկանց բնակության վայրերում։ 47-ամյա տղամարդու Վարդ-Բաղ միկրոշրջանում գտնվող տան խուզարկությամբ հայտնաբերվեցին նռնակ, պայթուցիչ և մարիխուանայի նմանվող զանգվածով լցված ծխախոտի տուփ։ Երկուսն էլ ձերբակալվել և ներկայացվել են նախաքննական մարմին։
Նախաքննությամբ հանգամանքները պարզվում են»,- ասված է հաղորդագրությունում։
Քրեական ոստիկանության Շիրակի մարզային վարչության օպերատիվ տվյալների հիման վրա նախաձեռնված քրեական վարույթի շրջանակում Գյումրիի երկու բնակիչ ձերբակալվել է՝ սպանություն նախապատրաստելու և ապօրինի զենք-զինամթերք ձեռք բերելու կասկածանքով։ Նրանցից մեկի բնակարանում խուզարկությամբ հայտնաբերվել են նռնակ, պայթուցիչ և մարիխուանայի նմանվող զանգվածով լցված ծխախոտի տուփ, իսկ դեպքի բոլոր հանգամանքները պարզվում են նախաքննությամբ։
«Քրեական ոստիկանության Շիրակի մարզային վարչության ծառայողները ստացել էին օպերատիվ տեղեկություն, որ Գյումրիի երկու բնակիչ սպանություն են նախապատրաստում և հանցավոր մտադրությունն իրականացնելու համար փորձում են ապօրինի ձեռք բերել զենք-զինամթերք։ Ձեռնարկված միջոցառումներով տեղեկությունը ստուգվեց և Շիրակի մարզի քննչական վարչությունում նախաձեռնվեց քրեական վարույթ՝ այլ անձանց կյանքի համար վտանգավոր եղանակով մի խումբ անձանց կողմից սպանության նախապատրաստության, ինչպես նաև զենքի ապօրինի կրելու և հրազենի կամ ռազմամթերքի ապօրինի շրջանառության հատկանիշներով։
Դատարանի որոշմամբ ապրիլի 11-ին խուզարկություններ կատարվեցին 47 և 26 տարեկան տղամարդկանց բնակության վայրերում։ 47-ամյա տղամարդու Վարդ-Բաղ միկրոշրջանում գտնվող տան խուզարկությամբ հայտնաբերվեցին նռնակ, պայթուցիչ և մարիխուանայի նմանվող զանգվածով լցված ծխախոտի տուփ։ Երկուսն էլ ձերբակալվել և ներկայացվել են նախաքննական մարմին։
Նախաքննությամբ հանգամանքները պարզվում են»,- ասված է հաղորդագրությունում։
