Category: Civic.am

ՀՀ ԱԳ նախարար Արարատ Միրզոյանը Ֆեյսբուքի իր էջում լուսանկարներ է հրապարակել և գրել. 

«23-ը ապրիլի, 2018 թ., Երևան

Սիրելի՜ ժողովուրդ, երբ ես վառեցի Ազատության ջահը Ազգային ժողովում, ես երազում էի էս օրվա մասին: Ես երազում էի, որ գամ ձեր առաջ՝ Հայաստանի ժողովրդի առաջ, վառեմ այն նորից ու ասեմ՝ կեցցե՜ք դուք, դուք վառ պահեցիք Ազատության ջահը, կեցցե՜ք, կեցցե՜ք, կեցցե՜ք…»:

Տարածքային կառավարման և ենթակառուցվածքների նախարար Դավիթ Խուդաթյանը, Երևանի քաղաքապետ Տիգրան Ավինյանը և «Ճանապարհային դեպարտամենտ» հիմնադրամի ներկայացուցիչները հետևել են Երևանի Իսակովի պողոտայում իրականացվող միջին նորոգման աշխատանքների ընթացքին:

Ծրագիրն իրականացվում է ՀՀ պետական բյուջեի ֆինանսավորմամբ՝ 11.4կմ ընդհանուր երկարությամբ։

Միջին նորոգման շրջանակում հեռացվել է ասֆալտբետոնե ծածկի վերին շերտը, տեղադրվում է նոր ծածկ։ Գործընթացը նախատեսվում է ավարտել առաջիկա շաբաթվա ընթացքում։

Ազգային ժողովի արտաքին հարաբերությունների
մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Սարգիս Խանդանյանի խոսքով՝ ԵՄ նոր
առաքելությունը չպետք է դիտարկել սպասվող ընտրությունների կոնտեքստում: «Ես տեսա, որ մեր քաղաքական
դաշտում փորձ էր արվում սա ներկայացնել որպես նախընտրական շրջանի նոր առաքելություն,
որը կօգնի  կառավարությանը, բայց սա երկարաժամկետ
առաքելություն է՝ առայժմ 2 տարի ժամկետով»,- Civic.am-ի տաղավարում ասաց նա։  

Մեր զրուցակիցը հստակեցրեց՝ ի տարբերություն մյուս առաքելության,
որը սահմանային իրավիճակն է մոնիթորինգի ենթարկում, նորը կիբեռանվտանգության ոլորտում
է  գործելու․ «Ի տարբերություն մյուս առաքելության, որտեղ ներգրավված էին հիմնականում իրավապահ
համակարգի ներկայացուցիչներ, այս առաքելության մեջ ներգրավված կլինեն ոլորտային փորձագետներ»։

Խոսելով  Ֆրանսիայի նախագահ
Էմանուել Մակրոնի՝ Հայաստան կատարելիք այցի, ինչպես նաև Սամվել Կարապետյանի որդու՝
նրան իրենց տուն հրավիրելու մասին, Խանդանյանն ասաց․ «Ֆրանսիայի մյուս նախագահներն ունեցել են պետական այց Հայաստան, իսկ սա Մակրոնի
առաջին նման այցն է։ Շատ կարևոր է այն առումով, որ Հայաստանի ու Ֆրանսիայի միջև ստորագրվելու
է ռազմավարական գործընկերության մասին փաստաթուղթ։ Հայաստանի ու Ֆրանսիայի հարաբերություններն
իրենց էությամբ ռազմավարական են, բայց այս փաստաթուղթը կարևոր է մեր հետագա անելիքներն
ավելի ինստիտուցիոնալ դարձնելու առումով։ Ինչ վերաբերում է հյուրընկալությանը, ապա
պետական այցի շրջանակներում է կազմակերպվում Ֆրանսիայի նախագահի այցը Հայաստան»։

Շարունակելով՝ պատգամավորն ընդգծեց․ «Իսկ հրավերի նպատակների մասով կասկածում եմ։ Ենթադրում եմ, որ գուցե Սամվել Կարապետյանն
ուզում է իր հետ կապված իրավական գործընթացների մասին խոսել։ Որքան ինձ հայտնի է՝ Ֆրանսիայում
Սամվել Կարապետյանի հետ իրավական գործընթացներ են տեղի ունենում, Կարապետյանն էլ դատական
հայց է ներկայացրել Ֆրանսիայի դեմ։ Իհարկե, հաշվի առնելով Ֆրանսիա պետության բնույթը,
իշխանության տարանջատման բնույթը՝ ես չեմ հավատում, որ Ֆրանսիայի  նախագահը դատական համակարգին հրահանգներ կտա կամ
ընդհանրապես կմտնի այդ խոսակցության մեջ»։

Հարցազրույցն ամբողջությամբ՝ տեսանյութում

Մարիամ Գրիգորյան

Օրերս Բյուրեղավան քաղաքում արձանագրված համաճարակի հետևանքով շուրջ երեք տասնյակ բնակիչներ ներկայումս գտնվում են ստացիոնար բուժման մեջ, հայտնում են համայնքապետարանից։

Նրանց մեծ մասը բուժումն անցնում է Աբովյանի Ռ. Հարությունյանի անվան բժշկական կենտրոնի ինֆեկցիոն բաժանմունքում։

Այսօր համայնքի ղեկավար Հակոբ Բալասյանը և քաղաքային պոլիկլինիկայի տնօրեն Արմեն Վարդումյանն այցելել են բուժկենտրոն՝ տեղում ծանոթանալու հիվանդների առողջական վիճակին։ 

Բժշկական կենտրոնի տնօրեն Վարդան Մանուկյանի ուղեկցությամբ նրանք շրջել են հիվանդասենյակներով, զրուցել հիվանդների հետ և հետաքրքրվել նրանց ինքնազգացողությամբ։

Բուժող բժիշկ-վարակաբան Հրաչուհի Աֆյանը ներկայացրել է հիվանդների ընդհանուր վիճակը՝ նշելով, որ իրականացվում է անհրաժեշտ բժշկական օգնություն, այս պահին նրանց վիճակը վերահսկելի է։

Համայնքի ղեկավարը շնորհակալություն է հայտնել բուժանձնակազմին՝ ցուցաբերած բարձր մասնագիտական մոտեցման և հոգատար վերաբերմունքի համար, իսկ բուժման մեջ գտնվող մեր բնակիչներին` շուտափույթ ապաքինում։

ՀՀ քննչական կոմիտեի հատկապես կարևոր գործերի քննության գլխավոր վարչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչությունում ավարտվել է մանկական պոռնոգրաֆիա պարունակող տեսանյութերի հասանելիություն ձեռք բերելու և դիտելու դեպքի առթիվ նախաձեռնված քրեական վարույթի նախաքննությունը՝ 1 անձի մասով: Այս մասին տեղեկացնում են ՔԿ-ից:

«Նախաքննության ընթացքում առերևույթ փաստական տվյալներ են ձեռք բերվել այն մասին, որ Ա.Գ.-ն 2025 թվականի մարտի 4-30-ն ընկած ժամանակահատվածում Տելեգրամ հեռահաղորդակցման հավելվածում իրեն պատկանող օգտահաշվի միջոցով Մ.Բ.-ի հետ վարել է նամակագրություն, նրանից ստացել՝ հասանելիություն է ձեռք բերել և դիտել մանկական պոռնոգրաֆիա պարունակող տեսանյութեր:

Ա․Գ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 300-րդ հոդվածի 2-րդ մասով (տեղեկատվական կամ հաղորդակցական տեխնոլոգիաների միջոցով մանկական պոռնոգրաֆիա պարունակող տեսանյութերի հասանելիություն ձեռք բերելը կամ ցանկացած այլ եղանակով մանկական պոռնոգրաֆիա պահպանելը կամ մանկական պոռնոգրաֆիա դիտելը):

Քրեական վարույթը մեղադրական եզրակացությամբ ուղարկվել է հսկող դատախազին՝ այն հաստատելու և քննության առնելու համար դատարան ուղարկելու միջնորդությամբ:

Հիշեցնենք, որ Մ.Բ.-ի վերաբերյալ քրեական վարույթի նախաքննությունն ավարտվել է դեռևս 2025 թվականի մայիսին»,- ասված է հաղորդագրությունում:

«Իմ քայլը» հիմնադրամը անդրադարձել է «Հրապարակ» օրաթերթում հրապարակված հոդվածին՝ հերքելով ներկայացված պնդումները և ընդգծելով, որ ծրագրերը չունեն նախընտրական կամ քաղաքական նպատակներ, այլ իրականացվում են երկարաժամկետ և թափանցիկ սկզբունքներով։

Այսօր «Հրապարակ» օրաթերթում հրապարակվել է հոդված «Իմ քայլը» հիմնադրամի գործունեության և առաջիկա ընտրությունների վերաբերյալ, որի կապակցությամբ հարկ ենք համարում ներկայացնել մի քանի պարզաբանում։ Ստորև ներկայացնում ենք փաստերի վրա հիմնված պարզաբանումը՝ կետ առ կետ։

1. ««Իմ քայլը» հիմնադրամը նախընտրական բուռն գործունեություն է ծավալել։ Ընտրություններից առաջ նորանոր ծրագրեր է իրականացնում, փողեր է, որ բաժանում է»,– գրված է հոդվածում:

Եթե լրագրողը ցուցաբերեր նվազագույն պրոֆեսիոնալ մոտեցում և ուսումնասիրեր հիմնադրամի պաշտոնական աղբյուրները, կտեսներ, որ նշված ծրագրերից որևէ մեկը նոր, առավելևս՝ նորանոր չէ։ Հիմնադրամի բոլոր ծրագրերն ու դրանց իրականացման մասշտաբները հաստատվում են ամեն տարեսկզբին հոգաբարձուների խորհրդի կողմից:

«Պատերազմի մասնակիցների մասնագիտական ներուժի բացահայտում» ծրագիրն իրականացվում է դեռևս 2022 թվականից, իսկ «Հաջողակից` սկսնակին» ծրագիրը՝ 2024 թվականի գարնանից։ Հետևաբար, խոսել «նախընտրական շրջանում նոր ծրագրերի մեկնարկի» մասին փաստերի լիարժեք չուսումնասիրման արդյունք է լրագրողի կողմից։

2. «Նաև լրագրողներին է կաշառում։ Այս վերջինը Աննա Հակոբյանի նոր նախաձեռնություններից է»,– գրված է հոդվածում:

«Հրապարակ»-ի լրագրողը, քիչ թե շատ պրոֆեսիոնալիզմ ունենալու պարագայում, նաև կբացահայտեր, թե լրագրողներին «կաշառելու» ծրագրերի մասին հիմնադրամի էջում առաջին հայտարարությունը երբ է եղել: Դեռևս անցած տարվա ապրիլի 2-ից ՀՀ ԶԼՄ-ների ներկայացուցիչների համար հայտարարված էր մրցույթ: Իսկ այս տարվա հունվարի 29-ին հայտարարել էինք Oxford Training Center-ի կողմից կազմակերպված վերապատրաստման դասընթացի մասնակցության հնարավորության մասին: Ծրագիրն ունեցել է բաց և թափանցիկ հայտագրման գործընթաց, և ինչպես մեր մյուս բոլոր ծրագրերի դեպքում, շահառուներն ընտրվել են առանց որևէ խտրականության:

Օգտվելով առիթից՝ կոչ ենք անում «Հրապարակ» օրաթերթի, ինչպես նաև ՀՀ բոլոր լրատվամիջոցների ներկայացուցիչներին ակտիվորեն մասնակցել մեր նշված ծրագրին։ Հաշվի առնելով ոլորտում մասնագիտական կարողությունների զարգացման անհրաժեշտությունը՝ նման նախաձեռնությունները կրում են երկարաժամկետ և համակարգային նշանակություն:

3. «Մարզերում կանանց ակումբներ է բացում, որտեղ անվճար յոգա են պարապում: Հավանաբար, այդ յոգայի սրահները շուտով ՔՊ քարոզչության ոչ պաշտոնական կենտրոններ կդառնան»,– գրված է հոդվածում:

Այս ձևակերպումը որևէ փաստական հիմք չունեցող ենթադրություն է։ Նույն տրամաբանությամբ կարող ենք ենթադրել, որ «Հրապարակ» օրաթերթի խմբագրակազմը շուտով ոչ պաշտոնապես կտեղակայվի Աննա Հակոբյանի` Հանրապետության հրապարակում գտնվող շենքի նախկին աշխատասենյակում։

4. «Արդյո՞ք «Կրթվելը նորաձև է»-ի և «Իմ քայլի» թվարկված կազմակերպության այս ծրագրերն ընտրակաշառք չեն»,– գրված է հոդվածում:

Եթե լրագրողը չնչին իսկ պրոֆեսիոնալիզմ ունենար, ինքն իր այս հարցին կպատասխաներ` հղում անելով ՀՀ քրեական օրենսգրքի 219-րդ հոդվածին։

Նշված հոդվածի իմաստով ընտրակաշառք է համարվում ընտրողին գույք` ներառյալ դրամական միջոց, արժեթուղթ, վճարային այլ գործիք, գույքի նկատմամբ իրավունք, ծառայություն կամ որևէ այլ առավելություն առաջարկելը, խոստանալը կամ տալը, բայց շատ կոնկրետ պայմանով՝ ընտրությանը մասնակցելու, ընտրությանը որևէ ձևով քվեարկելու, քվեաթերթիկն անվավեր դարձնելու կամ ընտրությանը մասնակցելուց հրաժարվելու պայմանով։

«Իմ քայլը» հիմնադրամի որևէ ծրագիր նման նպատակ չի հետապնդում և որևէ քաղաքական ընտրության հետ չի կապվում։

5. «Մեկ շաբաթ անց «Կրթվելը նորաձև է» շարժմանը իրավական կարգավիճակ տվեցին` գրանցելով այն որպես հասարակական կազմակերպություն»,– գրված է հոդվածում:

Եթե «Հրապարակ»-ին հաջողվի ապացուցել, որ «Կրթվելը նորաձև է» շարժումը գրանցվել է որպես ՀԿ, սիրով ամբողջ խմբագրակազմին կուղարկենք քաղցրավենիք և ծաղիկներ։

6. «Փաստորեն, Աննա Հակոբյանին կարելի է ՀԿ գրանցել և զբաղվել բարեգործությամբ, իսկ, օրինակ, «Ուժեղ Հայաստանի» ներկայացուցիչ, «Վետերանների միավորում» ՀԿ ղեկավար Գոհար Ղումաշյանին՝ ոչ»,– գրված է հոդվածում:

Հոդվածում փորձ է արվում կապել Աննա Հակոբյանին քաղաքական գործընթացների և կուսակցական գործունեության հետ։ Եթե «Հրապարակ»-ին հաջողվի ապացուցել, որ Աննա Հակոբյանը որևէ ՀԿ է գրանցել, որևէ կուսակցության անդամ է կամ բարեգործական ծրագրերի անվան տակ իրականացնում է քաղաքական քարոզչություն, ապա կրկնակի քաղցրավենիք և ծաղկեփնջեր կուղարկենք ամբողջ խմբագրակազմին։

Աննա Հակոբյանը ոչ միայն «Իմ քայլը» հիմնադրամի բոլոր շահառուներին, այլև ՀՀ բոլոր քաղաքացիներին կոչ չի անում ընտրել այս կամ այն քաղաքական ուժին:

Աննա Հակոբյանը բոլոր ընտրական իրավունք ունեցող ՀՀ քաղաքացիներին կոչ է անում ընտրություն կատարելիս առաջնորդվել բացառապես սեփական համոզմունքներով, սկզբունքներով, ցանկություններով խղճով և մտքով: Սա ամենաթանկ, ամենաճակատագրական «զենքն» է, որ գտնվում է ՀՀ քաղաքացու ձեռքում»,- ասվում է հիմնադրամի տարածած հաղորդագրությունում:

Ընդդիմության միասնական, բայց «գաղտնի» թեկնածուն Ռոբերտ Քոչարյա՞նն է

ՀՀ քննչական կոմիտեի և ՀՀ ազգային անվտանգության ծառայության աշխատակիցների կողմից ձեռնարկված համատեղ քննչական և օպերատիվ-հետախուզական միջոցառումների արդյունքում պարզվել է, որ ՀՀ քաղաքացիներ Ա.Ա․-ն, Կ.Ե․-ն և Հ.Թ․-ն նախնական համաձայնությամբ խմբի կազմում, կեղծ փաստաթղթերի և տեղեկությունների օգտագործմամբ՝ 42 հազար ԱՄՆ դոլար գումարի դիմաց կազմակերպել են Ս.Յ․-ի և Ա.Յ․-ի ելքը Հայաստանի Հանրապետությունից, օտարերկրյա պետություն մուտքը և օտարերկրյա պետությունում գտնվելը: Այդ մասին հայտնում են ՔԿ-ից:

Մասնավորապես՝ Ա.Ա․-ն, Կ.Ե․-ն և Հ.Թ․-ն կեղծ փաստաթղթերի հիման վրա կազմակերպել են Ս.Յ․-ի և Ա.Յ․-ի կողմից «Շենգենյան համաձայնության երկրներ» մուտքի թույլտվության ստացումը։ 

Այնուհետև, Ա.Ա․-ի, Կ.Ե․-ի և Հ.Թ․-ի կազմակերպմամբ Ս.Յ․-ն և Ա.Յ․-ն ԱՄՆ հասնելու նպատակով մեկնել են Իտալիա, այնուհետև՝ Բրազիլիա, Պանամա, Նիկարագուա, Հոնդուրաս, Գվատեմալա, Մեքսիկա։ Վերջիններս Մեքսիկայից 4–րդ փորձից միայն կարողացել են մուտք գործել ԱՄՆ, որտեղ ամիսներ շարունակ մնալով տարբեր քրեակատարողական հիմնարկներում՝ վերադարձել են Հայաստանի Հանրապետություն։

Դեպքի առթիվ ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում քննվող քրեական վարույթի շրջանակում Ա.Ա.-ի, Կ.Ե.-ի և Հ.Թ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 470-րդ հոդվածի 3-րդ մասի 1-ին կետով (մի խումբ անձանց կողմից նախնական համաձայնությամբ անօրինական միգրացիայի կազմակերպումը): 

Նրանց նկատմամբ որպես խափանման միջոց կիրառվել է կալանքը:

Քրեական վարույթը մեղադրական եզրակացությամբ ուղարկվել է հսկող դատախազին:

Քրեական վարույթի նախաքննության ընթացքում նաև պարզվել է, որ վերջիններս նախկինում նույնպես կատարել են նույնաբնույթ հանցանքներ, մասնավորապես՝ Հ.Թ․-ն նախաքննության փուլում գտնվող այլ քրեական վարույթով, իսկ Ա.Ա․-ն և Կ.Ե․-ն՝ դատաքննության փուլում գտնվող քրեական գործով ունեն մեղադրյալի կարգավիճակ։

«ՀՀ քաղաքացիներին հորդորում ենք՝ անօրինական միգրացիայի զոհ չդառնալու համար զերծ մնալ գումարի դիմաց կեղծ փաստաթղթերի պատրաստմամբ՝ ԱՄՆ կամ այլ երկրներ մեկնելու խոստումներ տվող անձանց դիմելուց և այդ եղանակով մեկնելու փորձերից: 

ՀՀ իրավապահ մարմինները մշտապես հետևողական աշխատանքներ են տանում նմանատիպ դեպքերի բացահայտման և հանցանք կատարած անձանց քրեական պատասխանատվության ենթարկելու ուղղությամբ»,– նշվում է հաղորդագրությունում։