Հայաստանի Հանրապետության ՊՆ նախարար Սուրեն Պապիկյանը երեկոյան զբոսանքի է դուրս եկել Վրաստանի ՊՆ նախարար Իրակլի Չիկովանիի հետ ու լուսանկար հրապարակել։
«Երեկոյան զբոսանք Թբիլիսիում ընկերոջս՝ Իրակլի Չիկովանիի հետ», – գրել է Սուրեն Պապիկյանը
Նշենք, որ Պապիկյանը ապրիլի 21–ին պաշտոնական այցով մեկնել է Վրաստան։
Հայաստանի հունահռոմեական ոճի ըմբշամարտի հավաքականի անդամ 60 կգ քաշային Սուրեն Աղաջանյանը դարձավ Եվրոպայի առաջնության արծաթե մեդալակիր։
Ալբանիայի մայրաքաղաք Տիրանայում ընթացող Եվրոպայի առաջնության 60 կգ քաշային ըմբիշների եզրափակիչում Սուրեն Աղաջանյանը մրցեց Սերբիայի ներկայացուցիչ Գեորգիջ Տիբիլովի հետ: Գոտեմարտն ավարտվեց 2:2 հաշվով (միավորի առավելությունը տրվեց սերբ մարզիկին) և հաղթանակի հասավ Տիբիլովը:
Ավելի վաղ Հայաստանի հավաքականի կազմում Եվրոպայի առաջնության չեմպիոն էր դարձել Մալխաս Ամոյանը, իսկ Կարեն Ասլանյանը նվաճել էր բրոնզե մեդալ:
Հայաստանի հունահռոմեական ոճի ըմբշամարտի հավաքականի անդամ 60 կգ քաշային Սուրեն Աղաջանյանը դարձավ Եվրոպայի առաջնության արծաթե մեդալակիր։
Ալբանիայի մայրաքաղաք Տիրանայում ընթացող Եվրոպայի առաջնության 60 կգ քաշային ըմբիշների եզրափակիչում Սուրեն Աղաջանյանը մրցեց Սերբիայի ներկայացուցիչ Գեորգիջ Տիբիլովի հետ: Գոտեմարտն ավարտվեց 2:2 հաշվով (միավորի առավելությունը տրվեց սերբ մարզիկին) և հաղթանակի հասավ Տիբիլովը:
Ավելի վաղ Հայաստանի հավաքականի կազմում Եվրոպայի առաջնության չեմպիոն էր դարձել Մալխաս Ամոյանը, իսկ Կարեն Ասլանյանը նվաճել էր բրոնզե մեդալ:
Բյուրեղավան համայնքի խմելու ջրի վերաբերյալ մամուլում շրջանառվող տեղեկությունների վերաբերյալ «Վեոլիա ջուր» ընկերությունից տեղեկացնում են, որ «Վեոլիա ջուր» ՓԲԸ «Աբովյանի» լաբորատորիայի կողմից այսօր վաղ առավոտից Բյուրեղավան քաղաքի, Նուռնուս և Արզնի գյուղերի մի շարք հասցեներից, ինչպես նաև օրվա կարգավորիչ ջրամբարից իրականացվել են խմելու ջրի նմուշառումներ և լաբորատոր հետազոտություններ։
«Այս պահի դրությամբ Բյուրեղավանում խմելու ջրի հետ կապված որևէ շեղում ընկերությունը չի հայտնաբերել։
Կատարված քիմիական հետազոտությունների` ներառյալ մնացորդային քլորի չափումները ցույց են տվել, որ դրանք նորմայի սահմաններում են, իսկ վարակազերծման աշխատանքներն ընկերության կողմից իրականացվել և իրականացվում են պատշած կերպով»,- ասվում է հաղորդագրությունում։
Հիշեցնենք, որ երեկ երեկոյան՝ ժամը 19:00-20:00-ից սկսած, Բյուրեղավանում եղել են շտապօգնության բազմաթիվ կանչեր: Գանգատները եղել են նույնը՝ փսխումներ, սրտխառնոց, ջերմություն, որոնք երբեմն ուղեկցվել են լուծով: Երեկոյան՝ ժամը 22:00-23:00-ի սահմաններում, նույն սիմպտոմատիկայով կանչերի թիվը հասել է 30-ի, ուստի պատասխանատուներն իրավիճակի մասին հայտնել են Հիվանդությունների վերահսկման և կանխարգելման ազգային կենտրոն: Այսօր էլ նույն գանգատներով դիմելիությունը պոլիկլինիկա շարունակվում է:
Տարբեր հասցեներում ջրից նմուշառումներ են արվել: Նախքան նմուշառումների պատասխանը ստանալը Բյուրեղավանի համայնքապետարանը և պոլիկլինիկայի տնօրենը հորդորում են չօգտագործել ջուր կամ այն օգտագործել եռացնելուց հետո:
ՀՎԿԱԿ-ից տեղեկացրել էին, որ հոսպիտալացվել է 11 անձ:
ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է «Ուժեղ Հայաստան»-ի ընտրացուցակը գլխավորող Նարեկ Կարապետյանի՝ ադրբեջանցիներին ՀՀ-ում գույք և հող ձեռք բերելու հնարավորություն տալու վերաբերյալ վերջին հայտարարություններին։
Տեսանյութին կից՝ Չախոյանը գրել է․
«Կաշառատուների հերթական սուտը. Հայաստանում հողի սեփականատեր կարող են լինել միայն ՀՀ քաղաքացիները»։
Ազգային ժողովի հունիսի 7-ի ընտրությանը մասնակցելու հայտը և անհրաժեշտ փաստաթղթերն այսօր Կենտրոնական ընտրական հանձնաժողով են ներկայացրել Հայաստանի շնորհապետական, «Բոլորին դեմ եմ», «Ժողովրդավարական համախմբում» կուսակցությունները և «Ուժեղ Հայաստան», «Նոր դարաշրջան», «Միավորված հայեր» կուսակցությունների «Ուժեղ Հայաստան» դաշինքը: Ավելի վաղ փաստաթղթերը ներկայացրել էին «Քաղաքացիական պայմանագիր» և «Բարգավաճ Հայաստան» կուսակցությունները: Այսպիսով՝ մինչև այս պահը ընտրական ցուցակները Կենտրոնական ընտրական հանձնաժողով ներկայացրել է 6 քաղաքական ուժ՝ 5 կուսակցություն և մեկ դաշինք:
Իսկ Կենտրոնական ընտրական հանձնաժողովը զգուշացնում է.
«Հարգելի՛ կուսակցություններ, դաշինքներ
Ապրիլի 23-ի 18։00-ն առաջադրման վերջնաժամկետն է։ Այս վերջնաժամկետից հետո հայտեր չեն կարող ընդունվել։ Ապրիլի 23-ի 18։00-ն նաև օգտահաշիվ ստանալու դիմումի վերջնաժամկետն է, իսկ ընտրություններին մասնակցել ցանկացող կուսակցության/դաշինքի համար պարտադիր է օգտահաշիվ ստանալու համար ԿԸՀ հայտ ուղարկելը»։
ՀՀ ԱԱԾ-ում Կիբեռպաշտպանության ազգային կենտրոնի ստեղծմամբ պայմանավորված՝ կիբեռանվտանգության մասնագետների թիմը բարձր մասնագիտական պատրաստվածություն ունեցող աշխատակիցներով համալրելու նպատակով Ազգային անվտանգության ծառայությունը հայտարարում է դիմումների ընդունելության գործընթաց՝ 2026թ. ապրիլի 22-ից մինչև մայիսի 22-ը:
ՀՀ ԱԱԾ-ի տարածած հայտարարության մեջ նշվում է, որ Կիբեռպաշտպանության ազգային կենտրոնում աշխատանքի անցնելու համար կարող են դիմել միայն Հայաստանի Հանրապետության քաղաքացի հանդիսացող թեկնածուները, որոնք ունեն տեղեկատվական անվտանգության ոլորտում բարձրագույն կրթություն կամ մասնագիտական գիտելիքներով համապատասխանում են կիբեռանվտանգության ոլորտում CISSP, OSCP, CRISC, CySA+, eCPPT, ISO 27001 LI, CompTIA Security+, CompTIA Pentest+, ISO 27001 Foundation կամ համարժեք հավաստագրային ծրագրերի մակարդակին։
Դիմումները կարող են ներկայացվել ք.Երևան, Նալբանդյան 104 հասցեով կամ ta@sns.am էլեկտրոնային փոստի հասցեով:
Հայտնաբերվել է ավտոբուսի վարորդին դանակահարած անձը։ Այս մասին տեղեկացնում են ՆԳՆ ոստիկանությունից;
«Մշտական բնակության վայր չունեցող 55-ամյա տղամարդը խուլիգանության ու մարմնական վնասվածք պատճառելու կասկածանքով ձերբակալվել է»,- նշվում է ոստիկանության հաղորդագրության մեջ։
Նշենք, որ նմանատիպ դեպք էր տեղի ունեցել նաև նախօրեին, թիվ 60 երթուղին սպասարկող ավտոբուսի վարորդը բռնության էր ենթարկվել ուղևորի հարազատների կողմից, ինչի հետևանքով վնասվածք ստացել աշխատանքային ժամին։ Վարորդը հաղորդում է ներկայացրել ոստիկանություն։
Բյուրեղավանի համայնքապետարանը հայտարարություն է տարածել՝ հղում անելով «Անդրանիկ Պետրոսյանի անվան Բյուրեղավանի քաղաքային պոլիկլինիկա» ՓԲԸ-ի տնօրինությանը:
«Բյուրեղավան քաղաքում վերջին օրերին բազմաթիվ քաղաքացիներ են դիմել շտապ օգնության ծառայություն հետևյալ գանգատներով՝ սրտխառնոց, փորլուծություն, փսխում, ջերմության բարձրացում։ Իրավիճակի մասին տեղյակ են համապատասխան հակահամաճարակային ծառայությունները։
Խնդրում ենք նման գանգատների առկայության դեպքում անպայման դիմել բժշկի, հնարավորինս զերծ մնալ ջրօգտագործումից կամ օգտագործել եռացրած վիճակում»,- նշվում է հաղորդագրության մեջ։
Ստեղծված իրավիճակի վերաբերյալ պարզաբանում է տարածել նաև քաղաքային պոլիկլինիկայի տնօրենի ժամանակավոր պաշտոնակար Արմեն Վարդումյանը։
Ըստ նրա՝ երեկ երեկոյան՝ ժամը 19-20:00-ից սկսած, եղել են շտապօնգնության բազմաթիվ կանչեր: Գանգատները եղել են նույնը՝ փսխումներ, սրտխառնոց, ջերմություն, որոնք երբեմն ուղեկցվել են լուծով: Քանի որ երեկոյան՝ ժամը 22-23:00-ի սահմաններում, նույն սիմպտոմատիկայով կանչերի թիվը հասել է 30-ի, իրավիճակի մասին հայտնել են «Հիվանդությունների վերահսկողության հանրապետական կենտրոն»:
«Ամբողջ գիշեր շարունակվել են կանչերը մինչև առավոտ և այժմ էլ շարունակվում են: Առավոտից սկսած՝ քաղաքապետարանի ղեկավարությամբ բոլոր կազմակերպությունները տեղակացված են եղել՝ սկսած «Վեոլիա Ջրից» մինչև արտակարգ իրավիճակների վարչություն»,- ասաց նա՝ նշելով, որ տարբեր հասցեներում արդեն ջրից նմուշառումներ են արվել և սպասում են պատասխանի: «Վեոլիա ջուր» ՓԲԸ-ն ևս ստուգումներ է իրականացնում:
Այսօր էլ նույն գանգատներով դիմելիությունը պոլիկլինիկա շարունակվում է, կան նաև հոսպիտալացվածներ: Ոչ դրական դինամիկա ունեցող քաղաքացիներից 8-ն են հոսպիտալացվել:
Ինչ վերաբերում է հիվանդների ընդհանուր թվին, ապա այն թիվն ամբողջական հայտնի չէ, քանի որ շատերն ինքնուրույն են դիմում տարբեր ԲԿ-ներ:
«Մենք մեր պարտքը համարեցինք բնակչությանը տեղյակ պահել, որ այսպիսի խնդիր կա: Խորհուրդ ենք տվել կա՛մ ջրից չօգտվել, կա՛մ օգտագործել եռացրած ջուր»,-ասաց նա:
Բյուրեղավանի համայնքապետարանը հայտարարություն է տարածել՝ հղում անելով «Անդրանիկ Պետրոսյանի անվան Բյուրեղավանի քաղաքային պոլիկլինիկա» ՓԲԸ-ի տնօրինությանը:
«Բյուրեղավան քաղաքում վերջին օրերին բազմաթիվ քաղաքացիներ են դիմել շտապ օգնության ծառայություն հետևյալ գանգատներով՝ սրտխառնոց, փորլուծություն, փսխում, ջերմության բարձրացում։ Իրավիճակի մասին տեղյակ են համապատասխան հակահամաճարակային ծառայությունները։
Խնդրում ենք նման գանգատների առկայության դեպքում անպայման դիմել բժշկի, հնարավորինս զերծ մնալ ջրօգտագործումից կամ օգտագործել եռացրած վիճակում»,- նշվում է հաղորդագրության մեջ։
Ստեղծված իրավիճակի վերաբերյալ պարզաբանում է տարածել նաև քաղաքային պոլիկլինիկայի տնօրենի ժամանակավոր պաշտոնակար Արմեն Վարդումյանը։
Ըստ նրա՝ երեկ երեկոյան՝ ժամը 19-20:00-ից սկսած, եղել են շտապօնգնության բազմաթիվ կանչեր: Գանգատները եղել են նույնը՝ փսխումներ, սրտխառնոց, ջերմություն, որոնք երբեմն ուղեկցվել են լուծով: Քանի որ երեկոյան՝ ժամը 22-23:00-ի սահմաններում, նույն սիմպտոմատիկայով կանչերի թիվը հասել է 30-ի, իրավիճակի մասին հայտնել են «Հիվանդությունների վերահսկողության հանրապետական կենտրոն»:
«Ամբողջ գիշեր շարունակվել են կանչերը մինչև առավոտ և այժմ էլ շարունակվում են: Առավոտից սկսած՝ քաղաքապետարանի ղեկավարությամբ բոլոր կազմակերպությունները տեղակացված են եղել՝ սկսած «Վեոլիա Ջրից» մինչև արտակարգ իրավիճակների վարչություն»,- ասաց նա՝ նշելով, որ տարբեր հասցեներում արդեն ջրից նմուշառումներ են արվել և սպասում են պատասխանի: «Վեոլիա ջուր» ՓԲԸ-ն ևս ստուգումներ է իրականացնում:
Այսօր էլ նույն գանգատներով դիմելիությունը պոլիկլինիկա շարունակվում է, կան նաև հոսպիտալացվածներ: Ոչ դրական դինամիկա ունեցող քաղաքացիներից 8-ն են հոսպիտալացվել:
Ինչ վերաբերում է հիվանդների ընդհանուր թվին, ապա այն թիվն ամբողջական հայտնի չէ, քանի որ շատերն ինքնուրույն են դիմում տարբեր ԲԿ-ներ:
«Մենք մեր պարտքը համարեցինք բնակչությանը տեղյակ պահել, որ այսպիսի խնդիր կա: Խորհուրդ ենք տվել կա՛մ ջրից չօգտվել, կա՛մ օգտագործել եռացրած ջուր»,-ասաց նա: